Chindeétáʼan xíʼin na̱ káʼviún xíʼin ña̱ koona migo Jehová

Jehová kúni̱ra ña̱ ná kachíñuyó nu̱úra xa̱ʼa̱ ña̱ kúʼvi̱-iniyó xíniyóra (Mt 22:37, 38). Tá ná kuʼvi̱-ini na̱ káʼviyó xíʼin kunina Jehová, ña̱yóʼo chindeétáʼan xíʼinna ña̱ nasamana ña̱ kéʼéna, ta saátu ña̱ kundeé-inina ya̱ʼana nu̱ú tu̱ndóʼo ta xa̱a̱na ndakuchina (1Jn 5:3).

Chindeétáʼan xíʼin na̱ káʼviún xíʼin ña̱ ná kunda̱a̱-inina ña̱ kúʼvi̱-ini Jehová xínirana. Ña̱yóʼo nda̱ka̱tu̱ʼúnna: “¿Ndáaña sákuaʼún xa̱ʼa̱ Ndióxi̱ xíʼin ña̱yóʼo?”, “¿Ndáa ki̱ʼva náʼa̱ ña̱yóʼo nu̱ún ña̱ kúʼvi̱-inira xínira yóʼó?”. Ka̱ʼa̱n xíʼinna ná kotona ndáa ki̱ʼva xa̱a̱ chíndeétáʼan Jehová xíʼinna (2Cr 16:9). Natúʼun xíʼinna ndáa ki̱ʼva xa̱a̱ ndákuiin Jehová oración ña̱ kéʼún nu̱úra, ta ka̱ʼa̱n xíʼinna ná chika̱a̱na ndee̱ ña̱ kotona ndáa ki̱ʼva xa̱a̱ ndákuiinra oración ña̱ kéʼéna. Ta kusi̱íní-iniún tá ná kixáʼa na̱ káʼviún xíʼin kuʼvi̱-inina kunina Jehová ta viíní kutáʼanna xíʼinra.

TÁNDI̱ʼI XI̱TONDÓ VIDEO ÑA̱ NANÍ NÁ CHINDEÉTÁʼANYÓ XÍʼIN NA̱ KÁʼVIYÓ XÍʼIN ÑA̱ KOONA MIGO JEHOVÁ, NDAKUIINNDÓ PREGUNTA YÓʼO:

• 

  ¿Ndáa tu̱ndóʼo ni̱ya̱ʼa ñá Coral nu̱ú?

• 

  ¿Ndáaña ke̱ʼé ñá Rita ña̱ va̱ʼa chi̱ndeétáʼanñá xíʼinñá?

• 

  ¿Ndáaña ke̱ʼé ñá Coral ña̱ va̱ʼa ni̱ya̱ʼañá nu̱ú ña̱yóʼo?