Ná kuniñúʼuyó ña̱ kúu tiempo vitin tá nátúʼunyó xa̱ʼa̱ Ndióxi̱

Tá ni̱xi̱ka ta̱ Jesús na̱túʼunra xa̱ʼa̱ Ndióxi̱ xi̱ka̱ʼa̱nra xa̱ʼa̱ ña̱ʼa ña̱ xi̱kuu tiempo saá ña̱ va̱ʼa sanáʼa̱ra na̱ yiví (Lu 13:1-5). Ta saátu miíyó ná kuniñúʼuyó ña̱ kúu tiempo vitin ña̱ va̱ʼa natúʼunyó xa̱ʼa̱ Reino Ndióxi̱. Tá kúú kivi ka̱ʼa̱nyó xa̱ʼa̱ ña̱ yaʼviní ña̱ʼa tiempo vitin, ña̱ ndeéní kúun sa̱vi̱, ña̱ táan, ña̱ xíniñúʼuna droga, ña̱ kánitáʼan na̱ yiví á xa̱ʼa̱ inkaka ña̱ʼa. Tándi̱ʼi ni̱ka̱ʼa̱nyó xa̱ʼa̱ ña̱yóʼo kivi keʼéyó iin pregunta xíʼinna ña̱ va̱ʼa ndakanixi̱nína xa̱ʼa̱ña. Tá kúú: ¿Á kándíxaún ña̱ kixaa̱ iin ki̱vi̱ ña̱ ndiʼi-xa̱ʼa̱...? á ¿Ndáaña kivi chindeé miíyó ña̱ va̱ása kooka...? Tándi̱ʼi, kaʼvi iin texto nu̱úna ña̱ káʼa̱n xa̱ʼa̱ ña̱yóʼo. Tá kúni̱kana kunda̱a̱-inina, kivi chika̱ún iin video kotona á taxi iin tutu ña̱ xíniñúʼuyó sánáʼa̱yó na̱ yiví ndaʼa̱na. Ná ndukúyó ki̱ʼva ña̱ xa̱a̱yó nda̱a̱ níma̱ na̱ yiví na̱ íyo territorio ña̱ kúúmiíyó ña̱ va̱ʼa ndakundeéyó natúʼunyó xa̱ʼa̱ Ndióxi̱ xíʼinna (1Co 9:22, 23).

Na̱ yiví na̱ íyo territorio ña̱ kúúmiíún, ¿ndáa ña̱ʼa kúú ña̱ kúni̱na kunda̱a̱-inina xa̱ʼa̱?