ÑA̱ KÉʼÉYÓ NA̱ TESTIGO
Sakuaʼaka ña̱ va̱ʼa sanáʼa̱kaún: Ña̱ kúni̱ na̱ yiví ka̱ʼún xa̱ʼa̱ xíʼinna
¿NDA̱CHUN XÍNIÑÚʼU KEʼÉYÓÑA? Na̱ nda̱ka̱xin Ndióxi̱ ku̱ʼu̱n chí ndiví xíʼin na̱ kundoo nu̱ú ñuʼú yóʼo, chíndeétáʼanna xíʼin na̱ yiví ña̱ koʼona ti̱kui̱í tá táxi ña̱ táku (Ap 22:17). Tá ti̱kui̱í yóʼo kúni̱ kachiña, ndiʼi ña̱ xa̱a̱ ke̱ʼé Jehová ña̱ va̱ʼa sáka̱kura ndiʼi na̱ yiví na̱ va̱ʼa xíniso̱ʼo nu̱ú ña̱ kúú ku̱a̱chi xíʼin ña̱ xíʼi̱na. Ña̱ va̱ʼa chindeétáʼanyó xíʼin na̱ yiví na̱ kúúmií inka costumbre xíʼin na̱ ñúʼu ti̱xin inka veʼe-ñu̱ʼu, xíniñúʼu va̱ʼaní natúʼunyó tu̱ʼun Ndióxi̱ xíʼinna (Ap 14:6).
¿NDÁA KI̱ʼVA KEʼÉYÓÑA?
Ndaka̱xin iin tema xíʼin iin texto ña̱ kuniñúʼún ña̱ va̱ʼa xa̱a̱ña nda̱a̱ níma̱ na̱ yiví na̱ nátúʼun xíʼin, va̱ʼatu kuniñúʼún ña̱ xíniñúʼuyó ña̱ nátúʼunyó xíʼin na̱ yiví ña̱ va̱ʼa kutóona kuniso̱ʼona. ¿Ndáa tema xíʼin texto kúú ña̱ kútóoka na̱ yiví kuniso̱ʼona? ¿Ndáa ña̱ʼa kúú ña̱ ndíʼi̱ní-ini na̱ yiví xa̱ʼa̱ tiempo vitin? ¿Ndáa tema kúú ña̱ kútóo ta̱a kuniso̱ʼora? Ta, ¿ndáa tema kúú ña̱ kútóo ná ñaʼá kuniso̱ʼoná?
Siʼna va̱ʼaní kiʼún kuenta ndáa ki̱ʼva íyo costumbre ña̱ kúúmií na̱ yiví ñuu nu̱ú íyoún (2Co 6:3, 4).
Xíniñúʼu kuxini̱ va̱ʼún ndiʼi tutu ña̱ xíniñúʼuyó nátúʼunyó xíʼin na̱ yiví, saátu video ña̱ kúúmiíyó, chi saá va̱ʼaní kunda̱a̱-iniún ndáa ki̱ʼva natúʼun xíʼin na̱ yiví na̱ kútóo sákuaʼa xa̱ʼa̱ Ndióxi̱.
Kivi taváún tutu ña̱ kúúmiíyó xíʼin video ña̱ va̱xi nu̱ú sitio ña̱ kúúmiíyó nu̱ú Internet, ña̱ va̱ʼa natúʼún xíʼin na̱ yiví tu̱ʼun miína.
Va̱ʼaní kunda̱a̱-iniún ndáa ña̱ʼa kúú ña̱ ndíʼi-ini na̱ yiví xa̱ʼa̱, ta ña̱yóʼo kuniñúʼún ña̱ natúʼun xa̱ʼa̱ xíʼinna (1Co 9:19-23). Iin ejemplo, ¿ndáa ña̱ ka̱ʼún xa̱ʼa̱ xíʼin iin na̱ yiví tá ni̱ka̱ʼa̱nna xíʼún ña̱ ni̱xi̱ʼi̱ iin na̱ veʼena?
TÁNDI̱ʼI XI̱TONDÓ VIDEO, NDAKUIINNDÓ ÑA̱ PREGUNTA YÓʼO:
¿Ndáa tema xi̱niñúʼu ta̱ hermano yóʼo ña̱ va̱ʼa ki̱xáʼara na̱túʼunra?
¿Ndáaña ndóʼo na̱ yiví na̱ ni̱ka̱ʼa̱nra xíʼin?
¿Ndáa texto kúú ña̱ va̱ʼaní kuniñúʼura, ta nda̱chun?
¿Ndáa ki̱ʼva násamaún ña̱ nátúʼun xíʼin na̱ yiví ña̱ va̱ʼa kutóokana kuniso̱ʼona ña̱ káʼún xíʼinna?