ÑA̱ KÉʼÉYÓ NA̱ TESTIGO | CHIKA̱A̱ NDEE̱ ÑA̱ KACHÍÑUKAÚN NU̱Ú NDIÓXI̱ TI̱XIN KU̱I̱YA̱ XA̱Á ÑA̱ SERVICIO
Kivi ku̱ʼún kachíñún nu̱ú kúva̱ʼa veʼe nu̱ú ndásakáʼnuyó Ndióxi̱
Inka ki̱ʼva ña̱ kachíñuyó nu̱ú Jehová kúú ña̱ ixava̱ʼayó veʼe nu̱ú ndásakáʼnuyóra (Éx 36:1). Tá íxava̱ʼana veʼe nu̱ú ndásakáʼnuyó Ndióxi̱ ñuu nu̱ú íyoún, ¿á va̱ása kúsi̱í-iniún chindeétáʼún xíʼinna? Tá saá, kivi sandákutún tutu ña̱ naní Solicitud de voluntario local de diseño y construcción (DC-50). Soo tá kúni̱ún ku̱ʼún inka ñuu ña̱ va̱ʼa chindeétáʼún xíʼin na̱ hermano ku̱a̱ʼá semana á ku̱a̱ʼá yo̱o̱ nu̱ú íxava̱ʼana veʼe nu̱ú ndásakáʼnuyó Ndióxi̱, kivi sandákutún tutu ña̱ naní Solicitud para el programa de voluntarios (A-19). Va̱ása xíniñúʼu kuxini̱víyó ixava̱ʼayó veʼe ña̱ va̱ʼa ku̱ʼu̱nyó chindeétáʼanyó xíʼin na̱ hermano nu̱ú íxava̱ʼana veʼe nu̱ú ndásakáʼnuyó Ndióxi̱ (Ne 2:1, 4, 5).
TÁNDI̱ʼI XI̱TONDÓ VIDEO ÑA̱ NANÍ XA̱ʼA̱ ÑA̱ KÁNDÍXAYÓ NDIÓXI̱ KIVI KACHÍÑU KU̱A̱ʼÁKAYÓ NU̱ÚRA: KIVI CHINDEÉTÁʼANNDÓ XÍʼINNA ÑA̱ CONSTRUCCIÓN, NDAKUIINDÓ PREGUNTA YÓʼO:
¿Ndáaña xi̱sandíʼi-ini ñá Sara? ¿Ndáaña chi̱ndeétáʼan xíʼinñá?