ÑA̱ KÁʼA̱N BIBLIA XA̱ʼA̱

Vií ndaka̱xiún na̱ tindaʼa̱ xíʼún

Ta̱ Salomón va̱ása vií níndaka̱xinra na̱ ti̱ndaʼa̱ xíʼinra, saáchi ti̱ndaʼa̱ra xíʼin ná ñaʼá ná ndásakáʼnu ndióxi̱ vatá (1Re 11:1, 2; w18.07 18 párr. 7).

Xa̱ʼa̱ ña̱ xi̱ndasakáʼnu ná síʼi ta̱ Salomón ndióxi̱ vatá, nda̱a̱ mií ta̱yóʼo loʼo tá loʼo ki̱xáʼara nda̱sakáʼnura ndióxi̱ vatá (1Re 11:3-6; w19.01 15 párr. 6).

Ni̱sa̱a̱ní Jehová xíʼin ta̱ Salomón (1Re 11:9, 10; w18.07 19 párr. 9).

Iin ñá hermana kúa̱an káʼviñá tu̱ʼun Ndióxi̱ ta ndákanixi̱níñá xa̱ʼa̱ iin ta̱ hermano kúa̱an. 1. Ta̱ hermano yóʼo ta̱xira iin comentario ti̱xin reunión. 2. Suvi mií ta̱ hermano yóʼo níndichira nátúʼunra xa̱ʼa̱ Ndióxi̱ nu̱ú yáʼa ku̱a̱ʼá na̱ yiví. 3. Ta̱ hermano yóʼo káchíñura ti̱xin salón.

Tu̱ʼun Ndióxi̱ káʼa̱nña xíʼin na̱ kúa̱an, ña̱ tá kúni̱na tindaʼa̱na, ná tindaʼa̱na xíʼin na̱ xa̱a̱ nda̱kuchi (1Co 7:39). Soo ni xa̱a̱ nda̱kuchina, soo su̱ví ña̱yóʼo kúni̱ kachiña ña̱ va̱ʼaní koo xíʼin táʼanna. Ndakanixi̱ní xa̱ʼa̱ ña̱yóʼo: “¿Á chindeétáʼanna xíʼi̱n ña̱ ndasakáʼnui̱ Jehová xíʼin ndinuʼu-inii̱? ¿Á xa̱a̱ ku̱a̱ʼá tiempo náʼa̱na ña̱ ndixa kúʼvi̱-inina xínina Jehová?”. Tá kúma̱níka ndaka̱xiún ña̱ tindaʼún xíʼin na̱ xíka xíʼún, kiʼin va̱ʼa kuenta ndáa ki̱ʼva íyona.