Ta̱ rey David ku̱a̱ʼa̱nra xíʼin ta̱ Salomón ña̱ kotona ña̱ íxanduvi na̱ ixava̱ʼa ña̱ʼa ña̱ va̱ʼa kuva̱ʼa templo.

ÑA̱ KÁʼA̱N BIBLIA XA̱ʼA̱

Chindeétáʼan xíʼin na̱ va̱lí ña̱ ná kusi̱í-inina kachíñuna nu̱ú Jehová

Ta̱ David xi̱kunda̱a̱-inira ña̱ mií Jehová chindeétáʼan xíʼin ta̱ Salomón ña̱ kiʼinra kuenta ña̱ viíní kuva̱ʼa templo (1Cr 22:5; w17.01-S 29 párr. 8).

Ta̱ David ni̱ka̱ʼa̱nra xíʼin ta̱ Salomón ña̱ ná kundaa-inira Jehová tasaá kixáʼara kachíñura (1Cr 22:11-13).

Ta̱ David chi̱ndeétáʼanra xíʼin ta̱ Salomón (1Cr 22:14-16; w17.01-S 29 párr. 7; koto na̱ʼná ña̱ va̱xi sa̱tá tutu yóʼo).

Nu̱ú va̱xi ku̱a̱ʼá na̱ʼná: 1. Iin ta̱ anciano sánáʼa̱ra iin ta̱ loʼo ña̱ kiʼinra kuenta xíʼin territorio. Ta̱ anciano yóʼo náʼa̱ra iin mapa ña̱ territorio ña̱ kúúmií congregación, ña̱ registro ña̱ territorio xíʼin savaka tarjeta ña̱ territorio. 2. Ta̱ hermano loʼo yóʼo káʼa̱nra xíʼin inka ta̱ hermano ña̱ ná chindeétáʼanra xíʼinra kunda̱a̱-inira xíʼin tarjeta ña̱ territorio.

NDAKANIXI̱NÍ XA̱ʼA̱ ÑA̱YÓʼO: “¿Ndáa ki̱ʼva chindeétáʼi̱n xíʼin na̱ va̱lí na̱ íyo ti̱xin congregación ña̱ va̱ʼa kusi̱í-inina kachíñuna nu̱ú Jehová?” (w18.03 11 párr. 14, 15).