Jehová chindeé yóʼó ña̱ saxínún nda̱a̱ ndáaka chiñu ña̱ táxira ndaʼún

Chiñu ña̱ xi̱kuumií na̱ levita kúú ña̱ kunána yéʼé ña̱ templo ta xi̱ndayáʼviní chiñu ña̱ xi̱keʼéna (1Cr 9:26, 27; w05-S 1/10 9 párr. 8).

Tá tiempo ña̱ ni̱xi̱yo ta̱ Moisés, ta̱ Finehás kúú ta̱ xi̱ndisochíñu xíʼin na̱ xi̱xuná yéʼé ña̱ tabernáculo (1Cr 9:17-20a).

Jehová chi̱ndeétáʼanra xíʼin ta̱ Finehás ña̱ saxínura chiñu ña̱ ta̱xira ndaʼa̱ra (1Cr 9:20b; w11-S 15/9 32 párr. 7).

Ku̱a̱ʼání chiñu ña̱ ndáyáʼvi táxi Jehová ndaʼa̱yó. Tá túviún ña̱ va̱ása kuchiñún keʼún savaña, ka̱ʼa̱n xíʼin Jehová ña̱ ná chindeétáʼanra xíʼún ta saátu kivi ka̱ʼún xíʼin iin na̱ hermano na̱ xa̱a̱ xu̱xa-ini ña̱ ná chindeétáʼanna xíʼún (Flp 2:13).