Kiviva chindeétáʼún xíʼin na̱ veʼún ña̱ va̱ʼa koo si̱índó

Jehová kúni̱ra ña̱ si̱íní ná kundoo na̱ familia (Sl 127:3-5; Ec 9:9; 11:9). Soo sava yichi̱ ndíʼi̱ní-iniyó á kéʼéyó iin ña̱ va̱ása va̱ʼa, ta xa̱ʼa̱ ña̱yóʼo va̱ása kúsi̱íka-iniyó ndóoyó xíʼin na̱ veʼeyó. ¿Ndáaña kivi keʼé iin tá iinyó ña̱ va̱ʼa si̱í kooyó xíʼin na̱ veʼeyó?

Iin ta̱ va̱ʼaní íyo xíʼin ñá síʼira íxato̱ʼórañá (1Pe 3:7). Távára tiempo ña̱ koora xíʼinñá, kúnda̱a̱-inira xíʼin ña̱ kivi keʼéñá ta táxira tíxa̱ʼvi ndaʼa̱ñá xa̱ʼa̱ ña̱ kéʼéñá xa̱ʼa̱ miíra xíʼin xa̱ʼa̱ na̱ veʼena (Col 3:15). Káʼa̱nra ña̱ kúʼvi̱ní-inira xínirañá tá káʼa̱nra tu̱ʼun va̱ʼa xíʼinñá (Pr 31:28, 31).

Iin ñá va̱ʼaní íyo xíʼin yiíñá chíka̱a̱ñá ndee̱ ña̱ chindeétáʼanñá xíʼinra (Pr 31:12). Ndíku̱nñá ña̱ káʼa̱n yiíñá ta va̱ʼaní chíndeétáʼanñá xíʼinra (Col 3:18). Viíní káʼa̱nña xíʼinra ta káʼa̱n va̱ʼañá xa̱ʼa̱ra xíʼin inkana (Pr 31:26).

Na̱ va̱ʼaní ndáa se̱ʼe, távána tiempo ña̱ koona xíʼin se̱ʼena (Dt 6:6, 7). Káʼa̱nna xíʼinna ña̱ kúʼvi̱ní-inina xíninana (Mt 3:17). Xíni̱na ama ta nda̱saa taxina consejo ndaʼa̱ se̱ʼena, ta xa̱ʼa̱ ña̱ kúʼvi̱-inina xínina se̱ʼena kúú ña̱ táxina consejo ndaʼa̱na (Ef 6:4).

Na̱ va̱lí na̱ kúʼvi̱-ini xíni yivásiʼí, íxato̱ʼónana ta xíniso̱ʼona ña̱ káʼa̱nna (Pr 23:22). Nátúʼunna xíʼin na̱ yivána xa̱ʼa̱ ña̱ ndákanixi̱nína ta saátu xa̱ʼa̱ ña̱ ndóʼona. Xíniso̱ʼona consejo ña̱ táxi na̱ yivásiʼína ndaʼa̱na ta íxato̱ʼónana (Pr 19:20).

TÁNDI̱ʼI XI̱TONDÓ VIDEO ÑA̱ NANÍ ¿NDÁA KI̱ʼVA KOO SI̱ÍYÓ XÍʼIN NA̱ VEʼEYÓ?, NDAKUIINNDÓ PREGUNTA YÓʼO:

Na̱ familia na̱ xi̱niyó nu̱ú video yóʼo, ¿ndáaña ke̱ʼé iin tá iinna ña̱ va̱ʼa si̱íka koona?