ÑA̱ KÉʼÉYÓ NA̱ TESTIGO

Ná kuʼvi̱-iniyó kuniyó inkana nda̱a̱ táki̱ʼva kéʼé Jehová

Va̱ʼaní yichi̱ chínúu Jehová nu̱úyó, saáchi ndixaní kúʼvi̱-inira xínira na̱ ndásakáʼnu miíra (Sl 103:11). Su̱ví loʼo kuití tiempo kúʼvi̱-inira xínira miíyó chi ndiʼi tiempo náʼa̱ra ña̱yóʼo. Ku̱a̱ʼá yichi̱ ni̱na̱ʼa̱ Jehová ña̱ ndixaní kúʼvi̱-inira xínira na̱ ñuu Israel. Saáchi ta̱várana ñuu Egipto nu̱ú xi̱ ixandi̱va̱ʼanína xíʼinna ta ta̱xira iin ñuʼú ña̱ va̱ʼaní ndaʼa̱na nu̱ú kundoona (Sl 105:42-44). Ta xi̱chindeétáʼanra xíʼinna tá xi̱kanitáʼan na̱ inka ñuu xíʼinna, ta saátu tuku ta tuku xi̱ ixakáʼnu-inira xa̱ʼa̱na (Sl 107:19, 20). Tá káʼviyó xa̱ʼa̱ Jehová ña̱ ndixaní kúʼvi̱-inira xínira na̱ ñuura, ña̱yóʼo chíndeétáʼanña xíʼinyó ña̱ kuni̱yó kooyó nda̱a̱ táki̱ʼva íyora (Sl 107:43).

Na̱ʼná ña̱ va̱xi nu̱ú video ña̱ naní “Ná ndakanixi̱níyó xa̱ʼa̱ nda̱saa náʼa̱ Jehová ña̱ nda̱kú íyo ña̱ kúʼvi̱-inira xínira miíyó”. 1. Ta̱ Ben xíʼin inka ta̱ hermano ni̱xa̱a̱na xítona iin ñá hermana. 2. Ta̱ Ben xíʼin inkaka na̱ testigo Jehová ñúʼu veʼeka̱a ta táxina ña̱ kuxu iin ta̱ hermano ta̱ ndeéndóʼo níndúʼu nu̱ú cama.

TÁNDI̱ʼI XI̱TONDÓ VIDEO ÑA̱ NANÍ NÁ NDAKANIXI̱NÍYÓ XA̱ʼA̱ NDA̱SAA NÁʼA̱ JEHOVÁ ÑA̱ NDA̱KÚ ÍYO ÑA̱ KÚʼVI̱-INIRA XÍNIRA MIÍYÓ, NDAKUIINNDÓ PREGUNTA YÓʼO:

¿Ndáaña kivi keʼéyó ña̱ va̱ʼa na̱ʼa̱yó ña̱ ndixa kúʼvi̱-iniyó xíniyó inkana?

Ña̱ ndakuiún
¿Nda̱chun xíniñúʼu chika̱a̱yó ndee̱ ña̱ keʼéyó ña̱ʼa xa̱ʼa̱ inkana?

Ña̱ ndakuiún