Kuniñúʼú sitio jw.org ña̱ natúʼún xíʼin na̱ yiví xa̱ʼa̱ Ndióxi̱

Nu̱ú sitio jw.org va̱xi artículo xíʼin video ña̱ kivi chindeétáʼan xíʼin na̱ yiví na̱ kúni̱ sákuaʼa xa̱ʼa̱ Ndióxi̱ (Hch 13:48). Nu̱ú ña̱ sitio yóʼo va̱xi tema ña̱ kána nu̱ú noticia á ña̱ kúni̱ na̱ yiví kunda̱a̱-inina xa̱ʼa̱.

¿Ndáa ki̱ʼva kuniñúʼún sitio jw.org ña̱ natúʼún xíʼin na̱ yiví xa̱ʼa̱ Ndióxi̱?

• Ndiʼi tiempo kiʼún kuenta xíʼin ña̱ kána nu̱ú jw.org. Koto artículo ña̱ kána yóʼo, ta ndakanixi̱ní ndáa ki̱ʼva kuniñúʼúnña ña̱ natúʼún xíʼin na̱ yiví. (Tá kúni̱kaún kaʼviún artículo ña̱ sa̱kán ka̱na nu̱ú página yóʼo, ki̱ʼvi nu̱ú káʼa̱nña “Koto ku̱a̱ʼákaña”). Yóʼo ndani̱ʼún ña̱ chindeétáʼan xíʼún ña̱ viíka natúʼún xíʼin na̱ yiví.

• Kuniñúʼú artículo xíʼin video ña̱ va̱xi nu̱ú kíxáʼa página ña̱ jw.org ña̱ kixáʼún natúʼún xíʼin na̱ yiví. Ña̱ va̱xi yóʼo chindeétáʼanña xíʼún kunda̱a̱-iniún ndáaña ndíʼi̱-ini na̱ yiví xa̱ʼa̱.

• Na̱ʼa̱ ña̱ va̱xi nu̱ú página jw.org nu̱ú na̱ yiví. Ka̱ʼa̱n xa̱ʼa̱ sava tema ña̱ va̱xi nu̱ú sitio yóʼo xíʼinna ta sánáʼa̱na ña̱ nandukúna ña̱ kúni̱kana kunda̱a̱-inina xa̱ʼa̱.

• Chindaʼá enlace ndaʼa̱na. Sava na̱ yiví va̱ása kútóona ña̱ natúʼunyó xíʼinna, soo kútóovana ki̱ʼvina nu̱ú sitio jw.org. Ña̱kán ná chikaa̱yó ndee̱ ña̱ chindaʼáyó enlace ndaʼa̱ na̱ yiví na̱ kúni̱ kunda̱a̱ka-ini xa̱ʼa̱ Ndióxi̱, ta saátu kivi ka̱ʼa̱nyó xíʼinna ña̱ ná kaʼvina sava artículo á ná kotona video ña̱ va̱xi nu̱ú sitio yóʼo.