“Kusi̱í-inindó xíʼin ña̱ʼa ña̱ xa̱a̱ kúúmiíndó”

Tá kǒo ku̱a̱ʼá ña̱ʼa á xu̱ʼún kúúmiíyó, sana kuni̱yó keʼéyó ña̱ kivi sakúxika miíyó nu̱ú Jehová. Tá kúú, sana kivi taxina iin chiñu ndaʼa̱yó nu̱ú kivi kiʼinyó ku̱a̱ʼá xu̱ʼún. Soo, ¿ndáaña kivi kundoʼoyó tá ná kiʼinyó chiñu yóʼo? ¿Á sakúxíkaña miíyó nu̱ú Jehová? Tá ná kundoʼoyó ña̱yóʼo, ña̱ ndakanixi̱níyó xa̱ʼa̱ ña̱ káʼa̱n Hebreos 13:5 va̱ʼaní chindeétáʼanña xíʼinyó.

“Kǒo kutóoníndó kuumiíndó xu̱ʼún”

• Tándi̱’i ke̱ʼún oración nu̱ú Jehová, koto ndáa ki̱ʼva íyo ña̱ ndákanixi̱níún xa̱ʼa̱ xu̱ʼún. Ndakanixi̱ní ndáa yichi̱ kúú ña̱ chínúún nu̱ú na̱ va̱lí se̱ʼún (g-S 9/15 6).

“Kusi̱í-inindó xíʼin ña̱ʼa ña̱ xa̱a̱ kúúmiíndó”

• Kiʼin kuenta ndáa ña̱ʼa kúúmií ña̱ xíniñúʼún (w16.07-S 7 párrs. 1, 2).

“Nda̱a̱ ni iin yichi̱ va̱ása sandákoi̱ yóʼó ta nda̱a̱ ni iin yichi̱ va̱ása sañándaʼíi̱ yóʼó”

• Tá siʼnaka Reino Ndióxi̱ ndíʼi̱-iniún xa̱ʼa̱, miíra chindeétáʼan xíʼún ña̱ ni̱ʼún ña̱ xíniñúʼún (w14-S 15/4 21 párr. 17).

TÁNDI̱ʼI XI̱TONDÓ VIDEO ÑA̱ NANÍ NA̱ HERMANOYÓ KǑO NDÍʼI̱-ININA NI YÁʼANA NU̱Ú TU̱NDÓʼO: ÑA̱ ÍXAMA̱NÍ XU̱ʼÚN NU̱ÚNA, NDAKUIINNDÓ PREGUNTA YÓʼO:

¿Ndáaña sákuaʼún xíʼin ña̱ ke̱ʼé ta̱ Miguel Novoa?