Ndáa ki̱ʼva kivi ka’viyó

Nandukú xa̱ʼa̱ ña̱ va̱ʼa ña̱ kúúmií Jehová

Tá káʼviyó Biblia kivi nandukúyó xa̱ʼa̱ ña̱ káʼviyó ña̱ va̱ʼa kunda̱a̱-iniyó xíʼinña. Soo kǒo xíniñúʼu kuití keʼéyóña xa̱ʼa̱ ña̱ kúni̱yó sakúaʼayó ku̱a̱ʼání ña̱ʼa. Saáchi ña̱ kúni̱yó kúú ña̱ kunda̱a̱-iniyó ndáa ki̱ʼva íyo yiváyó Jehová ta ña̱yóʼo chindeétáʼan xíʼinyó ña̱ kuʼvi̱ka-iniyó kuniyóra. Ña̱kán, tá káʼviyó Biblia kivi ndakanixi̱níyó xa̱ʼa̱ ña̱yóʼo: “¿Ndáaña sánáʼa̱ versículo yóʼo yi̱ʼi̱ xa̱ʼa̱ Jehová?”.

Kivi nandukún xa̱ʼa̱ ku̱mí ña̱ ndáyáʼvi va̱ʼaka ña̱ kúúmií Jehová, tá kúú: ña̱ kúʼvi̱-inira xínira miíyó, ña̱ ndíchiníra, ña̱ nda̱kúní íyo ña̱ kéʼéra xíʼin ña̱ íyoní ndee̱ra. Soo, ku̱a̱ʼáníkava ña̱ va̱ʼa kúúmií Jehová. Ña̱kán, ¿ndáa míí kivi ndani̱ʼún ña̱ káʼa̱n xa̱ʼa̱ ña̱yóʼo?

Kivi ndani̱ʼún yáʼaka 50 ña̱ va̱ʼa ña̱ kúúmií Jehová nu̱ú Índice de las publicaciones Watch Tower ña̱ tu̱ʼun sáʼán. Ki̱ʼvi nu̱ú káʼa̱nña “Jehová” tándi̱ʼi ki̱ʼviún subtitulo ña̱ naní “Cualidades por nombre”. Koto ndáaña va̱ʼa ña̱ kúúmií Jehová kúú ña̱ káʼviún xa̱ʼa̱ ta ña̱yóʼo nandukún (tá nu̱ú ña̱ naní Guía de estudio para los testigos de Jehová ni̱ki̱ʼviún nandukú nu̱ú káʼa̱nña “Jehová” tándi̱ʼi ki̱ʼvi subtítulo ña̱ naní “Cualidades de Jehová”).