Iníísaá ñuyǐví íyo na̱ yiví na̱ ndi̱va̱ʼa-ini | ¿Ndáaña káʼa̱n Biblia?

Íyoní na̱ ndi̱va̱ʼa-ini chí Haití, saátu Sudáfrica, México xíʼin inkaka ñuu ña̱ íyo chí Latinoamérica. Ta nda̱a̱ ñuu nu̱ú kǒoní na̱ xáʼní íyo, na̱ yiví yíʼvinína chi íyo na̱ íxakuíʼná ta saátu na̱ kánitáʼan.

¿Ndáaña káʼa̱n Biblia xa̱ʼa̱ ña̱ íyoní na̱ ndi̱va̱ʼa-ini?

Biblia káʼa̱nña ña̱ kooní na̱ ndi̱va̱ʼa-ini

Biblia ni̱ka̱ʼa̱nña ña̱ kooní na̱ ndi̱va̱ʼa-ini ta saátu na̱ xáʼní tiempo vitin. Ta ña̱yóʼo náʼa̱ña “ña̱ xa̱a̱ ku̱yatin ndiʼi-xa̱ʼa̱ ñuyǐví yóʼo” (Mateo 24:3). Ta̱ Jesús ni̱ka̱ʼa̱nra xa̱ʼa̱ ña̱yóʼo:

• “Ta tá ná kixáʼa koo ku̱a̱ʼání ña̱ va̱ása va̱ʼa, ku̱a̱ʼání na̱ yiví kǒo kuʼvi̱ka-inina kunitáʼanna” (Mateo 24:12).

Biblia ni̱ka̱ʼa̱nña ndáa ki̱ʼva koo na̱ yiví tiempo so̱ndíʼi: “Va̱ása ka̱ʼnu̱-inina, ndi̱va̱ʼaní koo inina, va̱ása kuʼvi̱-inina kunina ña̱ va̱ʼa” (2 Timoteo 3:1-5). Xa̱ʼa̱ ña̱ kéʼé na̱ yiví ña̱yóʼo kǒo íxato̱ʼóna ley ña̱ íyo ñuu nu̱ú ndóona.

Soo va̱ása xíniñúʼu ndakava-iniyó chi Biblia káʼa̱nña ña̱ si̱lóʼoní kúma̱ní ta ndiʼi-xa̱ʼa̱ ña̱ va̱ása va̱ʼa ta va̱ása kooka na̱ ndi̱va̱ʼa-ini.

• “Si̱lóʼo tiempo kúma̱ní, ta na̱ yiví na̱ kéʼé ña̱ va̱ása va̱ʼa ndiʼi-xa̱ʼa̱na, ta ni ná kotoún nu̱ú xi̱ndoona kǒokana kuniún. Soo na̱ vitá-ini kúú na̱ kundoo nu̱ú ñuʼú yóʼo ta si̱íní kundoona nu̱úña chi kǒoka ku̱a̱chi koo” (Salmo 37:10, 11).

¿Ndáaka ña̱ káʼa̱n Biblia xa̱ʼa̱ ña̱ koo chí nu̱únínu? ¿Nda̱chun kivi kandíxayó ña̱ xínu profecía ña̱ va̱xi nu̱ú Biblia tiempo vitin? Kaʼvi xa̱ʼa̱ ña̱yóʼo nu̱ú artículo yóʼo:

“La esperanza real de un mañana mejor”

“¿Cuál es la señal de “los últimos días” o “los tiempos finales?”

“¿Predijo la Biblia cómo sería la gente en nuestros días?”