Isaías

4 Ki̱vi̱ saá, u̱xa̱ ná ñaʼá tiinná iin ta̱a ta ka̱ʼa̱nná xíʼinra:

2 Ki̱vi̱ saá, ña̱ sakúaʼnu Jehová, liviní kooña ta va̱ʼaní kunaʼa̱ña, ta na̱ ñuu Israel na̱ ná kutaku, kusi̱íní-inina ta va̱ʼaní kunina xíʼin ña̱ kana nu̱ú ñuʼú. 3 Ndiʼi na̱ ná kindo̱o ñuu Sion xíʼin ndiʼi na̱ ná kindo̱o ñuu Jerusalén, na̱ ni̱ka̱ʼyi̱ ki̱vi̱ ña̱ va̱ʼa kutakuna, na̱ yi̱i̱ ka̱ʼa̱nna xíʼinna.

4 Jehová ndeéní sa̱a̱ra xíʼin na̱ ñuu Jerusalén ta ndatiinra ku̱a̱chi xíʼinna, tasaá ndaya̱kúnra ni̱i̱ ña̱ kúúmiína, 5 tá káʼñu,* Jehová tavára yi̱ʼma̱ ña̱ náʼa̱ táki̱ʼva náʼa̱ vi̱kó, ta ñuú tavára iin ñuʼu̱ ña̱ xíxi̱ ña̱ va̱ʼa ndaye̱ʼe̱ nu̱úna iníí sa̱tá yuku̱ Sion xíʼin nu̱ú ndátakana; saáchi ña̱yóʼo kúú ña̱ kundasi sa̱tá ñuu ña̱ káʼnuní ta kundaañana. 6 Ta koo iin veʼe loʼo nu̱ú kivi ku̱ʼu̱nna tá ndeéní niʼní tá káʼñu, nu̱ú kivi ku̱ʼu̱nna koo sávína tá ndeéní kúun sa̱vi̱.