Isaías

51 ”Kuniso̱ʼo ndóʼó na̱ chíkaa̱ní ndee̱ ña̱ keʼéndó ña̱ va̱ʼa,

ndóʼó na̱ nándukú Jehová.

Kotondó yu̱u̱ nu̱ú ke̱endó

ta kotondó ya̱vi̱ nu̱ú ta̱vána ndóʼó.

 2 Kotondó yivándó ta̱ Abrahán

ta saátu ñá Sara, ñá sa̱káku ndóʼó.

Saáchi iin kuitíva xi̱kuu ta̱yóʼo tá ka̱nai̱ra;

ta̱xii̱ bendición ndaʼa̱ra ta ku̱a̱ʼání nda̱sai̱ se̱ʼera.

Sandáʼara ndiʼi ña̱ ndi̱ʼi-xa̱ʼa̱,*

ta nda̱a̱ táki̱ʼva ni̱xi̱yo ñuʼú ña̱ Edén saá ndasara ñuʼú yi̱chí

ta ndasara yoso̱ yi̱chí nda̱a̱ táki̱ʼva íyo jardín Jehová.

Nu̱ú ña̱yóʼo, kusi̱íní-inina

taxina tíxa̱ʼvi ta katana yaa ña̱ liviní.

 4 Viíní kuniso̱ʼondó yi̱ʼi̱ na̱ ñuu miíi̱,

kuniso̱ʼondó yi̱ʼi̱.

Saáchi taxii̱ iin ley,

ta ña̱ nda̱kú ña̱ kéʼíi̱ kooña nda̱a̱ táki̱ʼva íyo iin ñuʼu̱ ña̱ kutuu̱n nu̱ú na̱ ñuu.

Xa̱a̱ ku̱yatin sakǎkui̱ ndóʼó

xíʼin ndeíi̱ ndatii̱n ku̱a̱chi xíʼin na̱ ñuu.

Na̱ ndóo nu̱ú isla, kundaa-inina yi̱ʼi̱

ta kundatuna kunina ndeíi̱.

 6 Ndaniʼindó nu̱úndó ta kotondó chí ndiví

ta kotondó nu̱ú ñuʼú.

Ndiví ndutaña nda̱a̱ táki̱ʼva ndúta yi̱ʼma̱;

ndiʼi-xa̱ʼa̱ ñuʼú nda̱a̱ táki̱ʼva ndíʼi-xa̱ʼa̱ iin ti̱ko̱to̱,

ta na̱ ndóo nu̱úña kuvina nda̱a̱ táki̱ʼva xíʼi̱ tí ti̱xe̱ʼe.

Soo sakǎkui̱na ndiʼi tiempo

ta ña̱ nda̱kú ña̱ kéʼíi̱, va̱ása ndiʼi-xa̱ʼa̱ña.

 7 Kuniso̱ʼo ndóʼó na̱ xíni̱ ndáaña kúú ña̱ va̱ʼa,

ndóʼó na̱ ñuu miíi̱ na̱ nda̱taánva̱ʼa ley miíi̱ níma̱ndó.

Va̱ása yi̱ʼvíndó kunindó na̱ ta̱a na̱ kúsi̱kindaa ndóʼó

ta va̱ása yi̱ʼvíndó tá káʼa̱n-ndi̱va̱ʼana xíʼinndó.

 8 Saáchi nda̱a̱ táki̱ʼva xáxi iin ti̱kixín ti̱ko̱to̱ saá kaxírína;

ti̱kixín tí xáxi ti̱ko̱to̱ kaxírína nda̱a̱ táki̱ʼva xáxirí ti̱ko̱to̱ ña̱ ku̱vaʼa xíʼin ixí* ndikachi.*

Ndiʼi tiempo keʼíi̱ ña̱ nda̱kú,

ta sakǎkui̱ ndóʼó ta saátu na̱ se̱ʼendó ndiʼi tiempo”.

 9 Jehová.* Ndakáxí-iniún,* ndakáxí-iniún. Ndakiʼin ndeún nda̱a̱ táki̱ʼva ndákiʼún ti̱ko̱to̱ún.

Ndakáxí-iniún nda̱a̱ táki̱ʼva ke̱ʼún tiempo xi̱naʼá, nda̱a̱ táki̱ʼva ke̱ʼún tá ni̱xi̱yo na̱ táʼanndi̱ na̱ xi̱ndoo xi̱naʼá.

Kixina chí Sion ta nda̱ʼyi̱ kóʼóna* xa̱ʼa̱ ña̱ kúsi̱í-inina;

ndiʼi tiempo kusi̱í-inina ta nda̱a̱ táki̱ʼva koo iin corona ña̱ kunúu xi̱nína saá kooña.

¿Nda̱chun xíniñúʼu yi̱ʼvíún kuniún iin ta̱a ta̱ kuvi?

¿Ta nda̱chun xíniñúʼu yi̱ʼvíún kuniún iin se̱ʼe ta̱a ta̱ ndiʼi-xa̱ʼa̱ nda̱a̱ táki̱ʼva ndíʼi-xa̱ʼa̱ ku̱ʼu̱ kúii̱ tá yíchi̱ña?

13 ¿Nda̱chun na̱ndóso-iniún xa̱ʼa̱ Jehová, ta̱ i̱xava̱ʼa yóʼó,

ta̱ sa̱ndákaa̱ ndiví ta chi̱ndúʼúra xa̱ʼa̱ ñuʼú?

Iníí ki̱vi̱ ni̱yi̱ʼvíún xi̱niún ta̱ sáa̱ní xíʼún ta̱ íxandi̱va̱ʼa xíʼún,

ta nda̱kanixi̱níún ña̱ sandíʼi-xa̱ʼa̱ra yóʼó.

14 Na̱ ku̱toso xíʼin na̱ núʼni xíʼin cadena, xa̱a̱ ku̱nu̱mí sa̱ñána;

va̱ása kuvina ta ni va̱ása taánnana ini ya̱vi̱,

ta ni va̱ása kuma̱ní ña̱ kuxuna.

15 Soo yi̱ʼi̱ kúú Jehová Ndióxi̱ún,

ta̱ sáka̱nda̱ nu̱ú mar ta táxira ña̱ níʼirá;

Jehová ta̱ xáʼndachíñu nu̱ú na̱ ángel kúú ki̱víi̱.

16 Miíi̱ ka̱ʼa̱n xíʼún ndáaña ka̱ʼún

chise̱ʼíi̱ yóʼó xíʼin ku̱nda̱ti̱* ndaʼíi̱,

ña̱ va̱ʼa chindúʼi̱ xa̱ʼa̱ ndiví ta chindúʼi̱ xa̱ʼa̱ ñuʼú

ta saátu ña̱ ka̱ʼi̱n xíʼin Sion: ‘Yóʼó kúú ñui̱’.

17 Ndakáxí-iniún. Ndakáxí-iniún. Ndako̱o Jerusalén,

yóʼó ñá xi̱ʼi copa ndaʼa̱ Jehová nu̱ú ñúʼu ña̱ sáa̱níra

yóʼó ñá xi̱ʼi copa tá vino.

Sa̱ndíʼún copa tá vino tá kúni̱ sánduva yóʼó.

18 Nda̱a̱ ni iin na̱ se̱ʼeñá na̱ sa̱kákuñá kǒo íyo xíʼinñá ña̱ kuniʼina yichi̱ nu̱úñá,

ta nda̱a̱ ni iin na̱ se̱ʼeñá na̱ sa̱kúaʼnuñá kǒo nítiinna ndaʼa̱ñá.

Ku̱a̱ʼánína ndóo chí ti̱tu̱n ndiʼi calle

ndo̱ʼona nda̱a̱ táki̱ʼva ndóʼo kití yukú tá tíinnarí xíʼin ñunú.*

21 Ña̱kán, ixaún ña̱ ma̱ní, kuniso̱ʼo ña̱yóʼo,

yóʼó ñá xóʼvi̱,* ñá ni̱xi̱ni soo su̱ví xa̱ʼa̱ ña̱ xi̱ʼún vino.

“Kindai̱ copa ndaʼún, ña̱ sánduva yóʼó,

copa tá vino nu̱ú ñúʼu ña̱ sái̱;

va̱ása ndikókaún koʼúnña.

23 Taxii̱ña ndaʼa̱ na̱ ka̱ni yóʼó,

ndaʼa̱ na̱ ni̱ka̱ʼa̱n xíʼún,

‘Kundee* ña̱ va̱ʼa ya̱ʼandi̱ sa̱táún’,

ta nda̱a̱ táki̱ʼva íyo nu̱ú ñuʼú, saá nda̱saún sa̱táún,