¿Nda̱chun kǒo xíniñúʼu na̱ testigo Jehová cruz?

Ku̱a̱ʼání na̱ yiví na̱ kúú cristiano xíniñúʼuna tú cruz ña̱ ndasakáʼnuna Ndióxi̱. Ndi̱ʼi̱ na̱ testigo Jehová kúúndi̱ cristiano, soo kǒo xíniñúʼundi̱ cruz ña̱ ndasakáʼnundi̱ Ndióxi̱. ¿Nda̱chun?

Saáchi, Biblia kǒo káʼa̱nña ña̱ ni̱xi̱ʼi̱ ta̱ Jesús ndaʼa̱ iin cruz, saáchi ndaʼa̱ iin yitu̱nva ni̱xi̱ʼi̱ra káchiña. Saátu, Biblia káxiní káʼa̱nña: “kuxíkándó nu̱ú ndiʼi ña̱ʼa ña̱ ndásakáʼnu na̱ yiví”. Ña̱kán, tá xíniñúʼuyó cruz, ndásakáʼnuyó ña̱ ndásakáʼnu na̱ yiví (1 Corintios 10:14; 1 Juan 5:21).

Saátu, ta̱ Jesús ni̱ka̱ʼa̱nra ndáaña kúú ña̱ ndanaʼa̱ na̱ ndixa ndíku̱n sa̱tára, ta̱yóʼo ka̱chira: “Tasaá kúú ña̱ kunda̱a̱-ini ndiʼina ña̱ kúúndó discípuloi̱: tá kúʼvi̱-inindó xínitáʼanndó” (Juan 13:34, 35). Ña̱kán, su̱ví ña̱ ndasakáʼnuyó cruz á inka imagen kúú ña̱ na̱ʼa ña̱ kúúyó cristiano na̱ nda̱a̱, sáachi tá ndixa kúʼvi̱-iniyó xínitáʼanyó saá kúú ña̱ náʼa̱yó ña̱yóʼo.