Viíní ná ndakiʼinyó na̱ taxiyó invitación ndaʼa̱

Ña̱ 23 tí marzo ndátunyó ndakutáʼan iin u̱xu̱ u̱vi̱ millón na̱ yiví ña̱ Conmemoración. Ta̱ ka̱ʼa̱nndosó ka̱ʼa̱nra xa̱ʼa iin ña̱ʼa ña̱ ndáyáʼviní ña̱ ta̱xi Jehová ndaʼa̱yó, ña̱ ta̱xira se̱ʼera ni̱xi̱ʼi̱ xa̱ʼayó ta ku̱a̱ʼání ña̱ va̱ʼa ndakiʼinyó xa̱ʼa ña̱yóʼo (Isa 11:6-9; 35:5, 6; 65:21-23; Jn 3:16). Soo su̱ví iinlá ta̱ ka̱ʼa̱nndosó kúú ta̱ kúúmií iin chiñu. Chi saátu miíyó va̱ʼa ndakiʼinyó na̱ ta̱xiyó invitación ndaʼa̱ (Ro 15:7). Ná kotoyó ndáa ki̱ʼva keʼéyóña.

• Su̱víyó kundoo kúúyó ña̱ kundatunyó kixaʼá ña̱ programa, ná ndakiʼinyó na̱ ta̱xiyó invitación ndaʼa̱ á na̱ kǒoka va̱xi reunión. Ná ku̱a̱kuyó xíʼinna ta viíní ná ka̱ʼa̱nyó xíʼinna.

• Kiʼin va̱ʼún kuenta xíʼin na̱ ta̱xiún invitación ndaʼa̱, ta koo tu̱ʼvaún ndakiʼúnna. Ka̱ʼa̱n xíʼinna ná koona xíʼún ta taxi Bibliaún ndaʼa̱na ta saátu cántico.

• Tándi̱ʼi discurso, ka̱ʼa̱n xíʼinna á kúúmiína iin pregunta. Tá xíniñúʼu kama keendó chi ki̱ʼvi inka congregación, kindo̱o xíʼinna ña̱ kuniúnna inka ki̱vi̱. Kivi ka̱ʼún xíʼinna: “Á ku̱tóún ña̱ xi̱niso̱ʼún. ¿Ndáa míí va̱ʼa ndaniʼíi̱ yóʼó ña̱ natúʼunkayó xa̱ʼaña?”.