Kuniñúʼu pregunta

Mateo 16:13-16

Viíní keʼún pregunta xíʼinna ña̱ va̱ʼa ná kuniso̱ʼona yóʼó ta ná ndakanixi̱nína xa̱ʼa ña̱ káʼún xíʼinna, ta saátu ña̱ va̱ʼa na̱ʼún nu̱úna ndáaña kúú ña̱ ndáyáʼvika.

NDÁA KI̱ʼVA KEʼÚNÑA:

• Va̱ʼaní ka̱ʼún xíʼinna. Nda̱ka̱tu̱ʼúnna xa̱ʼa ña̱ʼa ña̱ kivi ndakanixi̱nína xa̱ʼa, ta saátu ña̱ kivi kutóona kunda̱a̱-inina xa̱ʼa.

• Chindeéna ná ndakanixi̱nína xa̱ʼa iin ña̱ʼa. Chindeétáʼan xíʼin na̱ xíniso̱ʼo yóʼó ña̱ va̱ʼa ná ndakanixi̱nína xa̱ʼa ña̱ káʼún xíʼinna, ta kuniñúʼu pregunta ña̱ kivi chindeétáʼan xíʼinna ña̱ va̱ʼa kunda̱a̱-inina.

• Na̱ʼa̱ nu̱úna ndáaña kúú ña̱ ndáyáʼvika. Siʼna iin pregunta keʼún xíʼinna ta saá ka̱ʼún xíʼinna xa̱ʼa mií ña̱ ndáyáʼvi va̱ʼaka. Tándi̱ʼi ni̱ka̱ʼún xíʼinna, kuniñúʼu pregunta ña̱ kivi chindeétáʼan xíʼinna ña̱ va̱ʼa ndakaʼánna xa̱ʼaña.