PREGUNTA 7
¿Ndáaña káʼa̱n Biblia xa̱ʼa ki̱vi̱ ndóoyó vitin?
“Ndakui̱ta iin ñuu kanitáʼanña xíʼin inka ñuu, ta na̱ chíñu kanitáʼanna xíʼin inka na̱ chíñu [...]. Ndiʼi tu̱ndóʼo yóʼo ña̱ sa̱kán kíxaʼáva kúúña.”
“Ta ndakui̱ta ku̱a̱ʼání na̱ profeta vatá ta sandáʼvina na̱ yiví. Ta xa̱ʼa ña̱ kooní ña̱ kini ku̱a̱ʼá na̱ yiví sandákoona ña̱ kuʼvi̱-inina kunitáʼanna.”
“Tá xíniso̱ʼondó káʼa̱nna xa̱ʼa guerra, va̱ása yi̱ʼvíndó; chi ña̱yóʼo koo tá koovaña, soo kúma̱níva kixa̱a̱ ña̱ ndiʼi-xa̱ʼa ñuyǐví.”
“Ta ndeéní ta̱an, ta koo kue̱ʼe̱ sana kooña ñuu yóʼo sana kooña ñuu káa ta koo so̱ko; ta kooní ña̱ kini, ta chí ndiví kooní seña.”
“Tiempo nu̱ú ndíʼi, koo ku̱a̱ʼá tu̱ndóʼo, saáchi koo na̱ yiví na̱ kuʼvi̱ka-ini kuni mií, koo na̱ kutóoní koo xu̱ʼún, koo na̱ koola̱ndo xíʼin ña̱ʼa, koo na̱ kuta̱a-ini nu̱ú inkana, koo na̱ ka̱ʼa̱n ndi̱va̱ʼa, koo na̱ kǒo kandíxa ña̱ ka̱ʼa̱n yivána, koo na̱ kǒo kuumií ña̱ to̱ʼó, koo na̱ va̱ása nda̱kú koo ini, koo na̱ va̱ása kuʼvi̱-ini kunikana na̱ veʼena, koo na̱ kǒo kandíxa táʼan, koo na̱ chika̱a̱ ku̱a̱chi táʼan, koo na̱ kǒo tavá ki̱ʼva xíʼin mií, koo na̱ ndi̱va̱ʼa-ini, koo na̱ kundasí ña̱ va̱ʼa, koo na̱ sandáʼvi táʼan, koo na̱ kǒo ndakiʼin xi̱ní, koo na̱ kuta̱aka-ini, koo na̱ keʼé ña̱ kúni̱ miína su̱víka ña̱ kúni̱ Ndióxi̱, koo na̱ ka̱ʼa̱n ña̱ ndásakáʼnunara, soo su̱ví ña̱ nda̱a̱ kúú ña̱yóʼo.”