Ndeéní ni̱ta̱an chí ñuu Turquía xíʼin Siria | ¿Ndáaña káʼa̱n Biblia xa̱ʼa̱ ña̱yóʼo?

Tá lunes 6 tí febrero ña̱ ku̱i̱ya̱ 2023, ndeéní ni̱ta̱an chí ñuu Turquía xíʼin Siria.

• “Ki̱vi̱ lunes yóʼo, ndeéní ni̱ta̱an chí ñuu Turquía ta saátu chí táʼví noroeste ña̱ ñuu Siria, ta yáʼaka 3,700 na̱ yiví ni̱xi̱ʼi̱. Soo su̱ví iinlá ña̱yóʼo kúú tu̱ndóʼo ña̱ kúúmiína, chi saátu vi̱xinní. Ña̱kán ku̱a̱ʼání na̱ yiví na̱ tu̱kue̱ʼe̱ á ná ndi̱ʼi-xa̱ʼa̱ veʼe xóʼvi̱nína. Ta xa̱ʼa̱ ña̱ vi̱xinní íxayo̱ʼvi̱níña xíʼinna ña̱ ndani̱ʼína na̱ yiví na̱ ni̱ka̱ku” (Reuters, 6 tí febrero ña̱ ku̱i̱ya̱ 2023).

Kusuchíní-iniyó tá kúnda̱a̱-iniyó ña̱ kúu tu̱ndóʼo táʼan ña̱yóʼo. Tá ndóʼoyó ña̱yóʼo kivi ka̱ʼa̱nyó xíʼin Jehová ña̱ ná chindeétáʼanra xíʼinyó, chi ta̱kán “sándi̱kora-iniyó” (2 Corintios 1:3). Ta saátu “tu̱ʼun Ndióxi̱ chíndeétáʼanña xíʼinyó [...] ta sándi̱koña-iniyó ña̱ va̱ʼa kundatuyó ña̱ taxi Ndióxi̱ ndaʼa̱yó chí nu̱únínu” (Romanos 15:4).

Nu̱ú Biblia kivi sakúaʼún xa̱ʼa̱ ña̱yóʼo:

• Ña̱ ni̱ka̱ʼa̱nña xa̱ʼa̱ ña̱ ta̱anní.

• Ndáaña kivi sandíko-iniyó ña̱ va̱ʼa kundatuyó ña̱ ndakiʼinyó chí nu̱únínu.

• Ndáaña keʼé Ndióxi̱ ña̱ va̱ʼa sandíʼi-xa̱ʼa̱ra ndiʼi ña̱ sáxo̱ʼvi̱ miíyó.

Tá kúni̱ún kunda̱a̱ka-iniún xa̱ʼa̱ ña̱yóʼo, kaʼvi artículo ña̱ naní:

• “Grandes terremotos: ¿qué fue lo que predijo la Biblia?”.

• “¿Dónde hallar esperanza?”.

• “Dios pronto acabará con el sufrimiento”.