၂ ဘုရင်များ
၁၈ အစ္စရေးဘုရင် ဧလာရဲ့သား ဟောရှာ+ နန်းစံသုံးနှစ်မှာ ယုဒဘုရင် အာခတ်ရဲ့သား+ ဟေဇကိ+ နန်းတက်လာတယ်။ ၂ သူနန်းတက်ချိန်မှာ အသက် ၂၅ နှစ်ရှိပြီ။ ဂျေရုဆလင်မြို့မှာ ၂၉ နှစ် စိုးစံတယ်။ မယ်တော်က ဇာခရိရဲ့သမီး အဘိလို့ခေါ်တယ်။+ ၃ ဟေဇကိက ဘိုးဘေးဒါဝိဒ်လိုပဲ+ ယေဟောဝါရှေ့မှာ မှန်ရာကိုဆက်လုပ်တယ်။+ ၄ အထွတ်အမြတ်နေရာတွေကို ဖယ်ရှားပြီး+ ကိုးကွယ်ရာကျောက်တိုင်တွေကို ချိုးဖဲ့ဖျက်ဆီးတယ်။+ ကိုးကွယ်ရာသစ်တိုင်တွေကို* ခုတ်လှဲပြီး မောရှေလုပ်ခဲ့တဲ့ ကြေးနီမြွေရုပ်ကို ထုခြေပစ်တယ်။+ အစ္စရေးတွေဟာ အဲဒီမြွေရုပ်ကို ကြေးနီမြွေရုပ်လို့ ခေါ်ပြီး အဲဒီအချိန်အထိ မြွေရုပ်ရှေ့မှာ ယဇ်တွေကို မီးရှို့ပူဇော်နေကြတုန်းပဲ။ ၅ ဟေဇကိဟာ အစ္စရေးတို့ရဲ့ဘုရား ယေဟောဝါကို ယုံကြည်ကိုးစားတယ်။+ သူ့အရင် ယုဒဘုရင်တွေထဲမှာရော သူ့နောက်ပိုင်း ဘုရင်တွေထဲမှာပါ သူ့လိုဘုရင်မျိုး မရှိဘူး။ ၆ ယေဟောဝါအပေါ် သစ္စာစောင့်သိတယ်။+ ဘုရားကို အမြဲနာခံတယ်။ မောရှေကို ယေဟောဝါပေးခဲ့တဲ့ ပညတ်ချက်တွေကို ဆက်ပြီးလိုက်နာတယ်။ ၇ ဒါကြောင့် သူနဲ့အတူ ယေဟောဝါရှိတယ်။ သူဟာ အရာရာကို ဉာဏ်ပညာရှိရှိ လုပ်ဆောင်တယ်။ အဆီးရီးယားဘုရင်ကို လက်အောက်မခံဘဲ ပုန်ကန်တယ်။+ ၈ ကင်းမျှော်စင်ကနေ ခံတပ်မြို့အထိ ဂါဇာမြို့နဲ့ ပတ်ဝန်းကျင်နယ်မြေ တစ်ခုလုံးမှာရှိတဲ့ ဖိလိတိလူတွေကိုလည်း တိုက်ခိုက်အနိုင်ယူတယ်။+
၉ ဟေဇကိနန်းစံ လေးနှစ်၊ အစ္စရေးဘုရင် ဧလာရဲ့သား ဟောရှာနန်းစံ+ ခုနစ်နှစ်မှာ အဆီးရီးယားဘုရင် ရှာလမနေဇာက ရှမာရိမြို့ကို ချီတက်လာပြီး ဝိုင်းထားပေမဲ့၊+ ၁၀ သုံးနှစ်စေ့ခါနီးမှ မြို့ကို သိမ်းယူနိုင်ခဲ့တယ်။+ ဟေဇကိနန်းစံ ခြောက်နှစ်၊ အစ္စရေးဘုရင် ဟောရှာ နန်းစံကိုးနှစ်မှာ ရှမာရိမြို့ကို သိမ်းယူလိုက်တယ်။ ၁၁ အဲဒီနောက် အဆီးရီးယားဘုရင်က အစ္စရေးတွေကို အဆီးရီးယားပြည်ဆီ ပြည်နှင်ဒဏ်ပေးပြီး+ ဟာလအရပ်မှာ၊ ဂေါဇန်မြစ်နားက ဟာဗော်မြို့၊ မီးဒီးယားမြို့တွေမှာ နေထိုင်စေတယ်။+ ၁၂ ဒီလိုဖြစ်ရတာက အစ္စရေးတွေဟာ ယေဟောဝါဘုရားရဲ့ စကားကို နားမထောင်တဲ့အပြင် ဘုရားသခင်ရဲ့ ပဋိညာဉ်ကိုလည်း ချိုးဖောက်ခဲ့လို့ပဲ။ အဲဒီပဋိညာဉ်ဟာ ယေဟောဝါရဲ့ကျွန် မောရှေမှာကြားခဲ့တဲ့ စကားတွေပဲ။+ အဲဒါတွေကို သူတို့ နားမထောင်ဘူး၊ မနာခံဘူး။
၁၃ ဟေဇကိနန်းစံ ၁၄ နှစ်မှာ အဆီးရီးယားဘုရင်+ သနာခရိပ်က ယုဒပြည်ရဲ့ ခံတပ်မြို့အားလုံးကို တိုက်ခိုက်သိမ်းယူလိုက်တယ်။+ ၁၄ အဲဒီအခါ ယုဒဘုရင်ဟေဇကိက လာခိရှမြို့မှာရှိတဲ့ အဆီးရီးယားဘုရင်ကို “ကျွန်တော် မှားပါပြီ။ မင်းကြီးရဲ့တပ်ကို ဆုတ်ခွာပေးပါ။ တောင်းဆိုသမျှ ပေးပါ့မယ်” လို့ သတင်းပို့တဲ့အခါ အဆီးရီးယားဘုရင်က ငွေ တဲလင့်* ၃၀၀၊ ရွှေတဲလင့် ၃၀ တောင်းတယ်။ ၁၅ ဒါကြောင့် ဟေဇကိက ယေဟောဝါရဲ့အိမ်တော်နဲ့ နန်းတော်ဘဏ္ဍာတိုက်ထဲမှာ တွေ့သမျှငွေတွေကို ပေးလိုက်တယ်။+ ၁၆ ပြီးတော့ ယေဟောဝါရဲ့ဗိမာန်တော် တံခါးတွေ၊+ တံခါးတိုင်တွေကို ဖြုတ်၊ အဲဒီမှာ ကိုယ်တိုင်မွမ်းမံထားတဲ့+ ရွှေတွေကိုခွာပြီး အဆီးရီးယားဘုရင်ကို ပေးလိုက်တယ်။
၁၇ နောက်တော့ အဆီးရီးယားဘုရင်က တာတန်၊* ရာဗသာရိတ်၊* ရာဗရှာခ* တို့ကို စစ်တပ်ကြီးနဲ့အတူ လာခိရှမြို့ကနေ+ ဂျေရုဆလင်မြို့မှာရှိတဲ့ ဟေဇကိမင်းဆီ လွှတ်လိုက်တယ်။+ သူတို့လည်း ဂျေရုဆလင်မြို့ကို ချီတက်လာပြီး အထက်ရေကန်ရဲ့ ရေသွယ်ပြွန်နားမှာ နေရာယူကြတယ်။ အဲဒီရေသွယ်ပြွန်ဟာ အဝတ်လျှော်သည်ရဲ့လယ်ကို ဦးတည်တဲ့ လမ်းမဘေးမှာ ရှိတယ်။+ ၁၈ ပြီးတော့ ဟေဇကိကို ထွက်လာဖို့ အော်ခေါ်တဲ့အခါ ဟိလခိရဲ့သား နန်းတော်အုပ်ဧလျာကိမ်၊+ စာရေးတော်ရှေဗန၊+ အာသပ်ရဲ့သား အတွင်းဝန် ယောအာတို့ ထွက်လာတယ်။
၁၉ ဒါနဲ့ ရာဗရှာခက “ဟေဇကိကို ပြောလိုက်။ ‘အဆီးရီးယားဘုရင်မင်းမြတ် မှာလိုက်တယ်– “မင်းက ဘာအားကိုးနဲ့ စိတ်ချလက်ချ ဖြစ်နေတာလဲ။+ ၂၀ ‘စစ်ဗျူဟာတွေ၊ စစ်အင်အားတွေရှိတယ်’ လို့ မင်းပြောနေပေမဲ့ အလကားပဲ။ ဘယ်သူ့အားကိုးနဲ့ ငါ့ကို ပုန်ကန်ရဲတာလဲ။+ ၂၁ မင်းက ကျူရိုးပြတ်နဲ့တူတဲ့ အီဂျစ်ရဲ့ အကူအညီကို အားထားနေတာကိုး။+ တကယ်တော့ အဲဒီကျူရိုးပြတ်က အားပြုသူရဲ့လက်ကို စူးတတ်တယ်။ အီဂျစ်ဘုရင်ဖာရောက သူ့ကိုအားထားသူတွေကို အဲဒီလိုပဲ လုပ်လိမ့်မယ်။ ၂၂ ‘ငါတို့ဘုရား ယေဟောဝါကို ငါတို့အားကိုးတယ်’+ ဆိုပြန်ရင်လည်း မင်းက အဲဒီဘုရားရဲ့ အထွတ်အမြတ်နေရာတွေ၊ ပူဇော်ရာပလ္လင်တွေကို ဖယ်ရှားပြီး+ ‘ဂျေရုဆလင်မြို့မှာရှိတဲ့ ဒီပလ္လင်ရှေ့မှာပဲ ဦးချရမယ်’ လို့ ယုဒလူတွေနဲ့ ဂျေရုဆလင်မြို့သားတွေကို ပြောခဲ့တယ်မဟုတ်လား။”’+ ၂၃ ဒီတော့ ကျုပ်ရဲ့သခင် အဆီးရီးယားဘုရင်နဲ့ လောင်းကြေးထပ်လိုက်ပါ။ ခင်ဗျားတို့ဆီမှာ မြင်းစီးသူရဲအလုံအလောက်ရှိရင် ကျုပ်က မြင်း ၂,၀၀၀ ပေးမယ်။+ ၂၄ မြင်းရထားတွေ၊ မြင်းစီးသူရဲတွေရဖို့ အီဂျစ်ကို အားကိုးနေရတဲ့ ခင်ဗျားတို့က ကျုပ်သခင်ရဲ့ မင်းမှုထမ်းတွေထဲက ရာထူးအနိမ့်ဆုံးတစ်ယောက်ကိုတောင် ခုခံနိုင်ပါ့မလား။ ၂၅ ယေဟောဝါရဲ့ အခွင့်မရှိဘဲ ဒီပြည်ကိုဖျက်ဆီးဖို့ ကျုပ်လာတယ် ထင်နေလား။ ‘ဒီပြည်ကို သွားတိုက်ခိုက်ပြီး ဖျက်ဆီးပါ’ လို့ ကျုပ်ကို ယေဟောဝါကိုယ်တိုင် မိန့်မှာထားတာ” ဆိုပြီးပြောတယ်။
၂၆ အဲဒီအခါ ဟိလခိရဲ့သား ဧလျာကိမ်၊ ရှေဗန၊+ ယောအာတို့က “ကျွန်တော်တို့နားလည်တဲ့ အာရမိတ်* စကားနဲ့ပဲ ပြောပါ။+ မြို့ရိုးပေါ်ကလူတွေ နားလည်တဲ့ ဂျူးဘာသာစကားနဲ့ မပြောပါနဲ့” လို့ တောင်းပန်ပေမဲ့၊+ ၂၇ ရာဗရှာခက+ “ကျုပ်သခင်က ခင်ဗျားတို့ရဲ့မင်းကြီးနဲ့ ခင်ဗျားတို့ကိုပဲ ဒီစကားတွေပြောဖို့ ကျုပ်ကို လွှတ်လိုက်တာ မဟုတ်ဘူး။ မြို့ရိုးပေါ်မှာ ထိုင်နေတဲ့သူတွေကိုပါ ပြောခိုင်းလိုက်တာ။ သူတို့ဟာ ခင်ဗျားတို့နဲ့အတူ ကိုယ့်ကျင်ကြီးကျင်ငယ်ကို ပြန်စားသောက်ရမယ့်သူတွေပဲလေ” ဆိုပြီး ပြောတယ်။
၂၈ အဲဒီနောက် ရာဗရှာခက ရပ်ပြီး ဂျူးဘာသာစကားနဲ့ အော်ပြောတယ်– “အဆီးရီးယားဘုရင်မင်းမြတ် အမိန့်ကို နားထောင်ကြ။+ ၂၉ မင်းကြီး မိန့်မှာလိုက်တာက– ‘ငါ့လက်ထဲကနေ မင်းတို့ကို မကယ်လွှတ်နိုင်တဲ့ ဟေဇကိရဲ့ လှည့်စားမှုကို မခံကြနဲ့။+ ၃၀ ဟေဇကိက “ငါတို့ကို ယေဟောဝါ ကျိန်းသေကယ်လိမ့်မယ်။ အဆီးရီးယားဘုရင်လက်ထဲ ဒီမြို့ မရောက်စေရဘူး” ဆိုပြီး ယေဟောဝါကို မင်းတို့အားကိုးလာအောင် လုပ်နေတာကို လက်မခံနဲ့။+ ၃၁ ဟေဇကိပြောတာကို နားမယောင်ကြနဲ့။ ငါအဆီးရီးယားဘုရင် ပြောမယ်– “ငါနဲ့ ငြိမ်းချမ်းရေးယူပြီး အညံ့ခံလိုက်။ ဒါဆိုရင် မင်းတို့အားလုံး ကိုယ့်စပျစ်ပင်၊ ကိုယ့်သဖန်းပင်ရဲ့ အသီးတွေကို စားခွင့်ရလိမ့်မယ်။ ကိုယ့်ရေတွင်းထဲက ရေကို သောက်ခွင့်ရလိမ့်မယ်။ ၃၂ ငါပြန်လာပြီး မင်းတို့ရဲ့ပြည်လို ကောက်နှံနဲ့ စပျစ်ဝိုင်သစ်တွေ၊ အစားအစာနဲ့စပျစ်ခြံတွေ၊ သံလွင်ပင်နဲ့ပျားရည်တွေ ပေါများတဲ့ပြည်ဆီ ခေါ်သွားမယ်။+ မင်းတို့မသေဘဲ အသက်ဆက်ရှင်လိမ့်မယ်။ ဟေဇကိက ‘ငါတို့ကို ယေဟောဝါ ကယ်တင်လိမ့်မယ်’ ဆိုပြီး လှည့်စားနေတာ။ သူ့စကားကို နားမယောင်ကြနဲ့။ ၃၃ ဘယ်လူမျိုးရဲ့ဘုရားက ကိုယ့်တိုင်းပြည်ကို အဆီးရီးယားဘုရင်ရဲ့ လက်ကနေ ကယ်နုတ်ဖူးလို့လဲ။ ၃၄ ဟာမတ်မြို့သားနဲ့+ အာပဒ်မြို့သားရဲ့ဘုရားတွေ ဘယ်မှာလဲ။ သေဖရဝိမ်မြို့သား၊+ ဟေနမြို့သား၊ အိဝါမြို့သားရဲ့ ဘုရားတွေကော ဘယ်မှာလဲ။ အဲဒီဘုရားတွေက ရှမာရိမြို့ကို ငါ့လက်ကနေ ကယ်တင်နိုင်ခဲ့လို့လား။+ ၃၅ ပြည့်ရှင်ဘုရားတွေထဲမှာ ဘယ်ဘုရားကများ ကိုယ့်တိုင်းပြည်ကို ငါ့လက်ကနေ ကယ်နုတ်ဖူးလို့လဲ။ ယေဟောဝါကရော ဂျေရုဆလင်မြို့ကို ငါ့လက်ကနေ ကယ်တင်နိုင်မှာ မို့လို့လား။”’”+
၃၆ ဒါပေမဲ့ “ဘာမှပြန်မပြောနဲ့” ဆိုပြီး ဟေဇကိမင်း အမိန့်ထုတ်ထားတဲ့အတွက် လူတွေလည်း တစ်ခွန်းမှ ပြန်မပြောဘဲ နှုတ်ဆိတ်နေကြတယ်။+ ၃၇ ဟိလခိရဲ့သား နန်းတော်အုပ် ဧလျာကိမ်၊ စာရေးတော် ရှေဗန၊ အာသပ်ရဲ့သား အတွင်းဝန် ယောအာတို့ကတော့ ကိုယ့်အဝတ်တွေကို ဆွဲဆုတ်၊ ဟေဇကိဆီ ပြန်လာပြီး ရာဗရှာခရဲ့ စကားတွေကို ပြန်ပြောပြတယ်။