၆ ယေဟောဝါက မောရှေရှေ့မှာ ဖြတ်သွားပြီး “ယေဟောဝါဟာ ကရုဏာရှိပြီး+ သနားစာနာတတ်တဲ့ဘုရား၊+ ယေဟောဝါဟာ အမျက်ထွက်နှေးပြီး+ ခိုင်မြဲတဲ့မေတ္တာနဲ့+ သစ္စာတရား ကြီးမားတဲ့ဘုရား၊+ ၇ လူထောင်ပေါင်းများစွာကို ခိုင်မြဲတဲ့မေတ္တာပြတဲ့ဘုရား၊+ အမှားတွေ၊ ကျူးလွန်မှုတွေ၊ အပြစ်တွေကို ခွင့်လွှတ်ပေမဲ့+ ပြစ်မှားသူကို ဒဏ်မပေးဘဲမနေတဲ့ဘုရား၊+ ဖခင်ရဲ့အပြစ်အတွက် သားမြေးမြစ်တွေအထိ ဒဏ်ခတ်တဲ့ ဘုရားပဲ”+ လို့ပြောတယ်။

၂၇ ‘ငါ့ကျွန်ယာကုပ်၊ မကြောက်နဲ့။

အစ္စရေး၊ မထိတ်လန့်နဲ့။+

ယာကုပ်ဟာ ပြန်လာပြီး အနှောင့်အယှက်မရှိဘဲ စိတ်အေးလက်အေး နေရလိမ့်မယ်။

ခြောက်လှန့်တဲ့သူ တစ်ယောက်မှ ရှိမှာမဟုတ်ဘူး။+

၂၈ ဒါကြောင့် ငါ့ကျွန်ယာကုပ်၊ မကြောက်နဲ့။ မင်းနဲ့အတူ ငါရှိတယ်။

မင်းတို့ တကွဲတပြား ရောက်သွားတဲ့ တိုင်းနိုင်ငံတွေကို အစတုံးဖျက်ဆီးမယ်။+

မင်းတို့ကိုတော့ အစတုံးဖျက်ဆီးမှာ မဟုတ်ဘူး။+

တော်သင့်ရုံပဲ ဆုံးမမယ်။+

အပြစ်မပေးဘဲနဲ့တော့ မနေဘူး။’ ဒါဟာ ငါယေဟောဝါပြောတဲ့ စကားပဲ။”