တရားသူကြီး

၈ အဲဒီအခါ ဧဖရိမ်အမျိုးသားတွေက  ဂိဒေါင်ကို “ခင်ဗျားဘယ်လိုလုပ်လိုက်တာလဲ။ မိဒျန်လူမျိုးကို စစ်သွားတိုက်တုန်းက ကျုပ်တို့ကို ဘာလို့မခေါ်တာလဲ”+ ဆိုပြီး အကြီးအကျယ် ရန်တွေ့ကြတယ်။+ ၂ ဂိဒေါင်က “ခင်ဗျားတို့နဲ့နှိုင်းရင် ကျွန်တော် လုပ်ခဲ့တာတွေဟာ ဘာမှ မပြောပလောက်ပါဘူး။ ကျွန်တော်တို့ အဗျေဇာအမျိုးသားတွေ+ စပျစ်သီး စုသိမ်းတာဟာ ခင်ဗျားတို့ ဧဖရိမ်အမျိုးသားတွေ+ အကြွင်းအကျန် ကောက်သလောက်တောင် မရှိပါဘူး။ ၃ ဘုရားသခင်က မိဒျန်ဗိုလ်ချုပ် သြရဘနဲ့ဇေဘကို+ ခင်ဗျားတို့လက်ထဲ အပ်ခဲ့ပြီပဲ။ ခင်ဗျားတို့နဲ့နှိုင်းရင် ကျွန်တော် လုပ်ခဲ့တာတွေဟာ ဘာမှမပြောပလောက်ပါဘူးဗျာ” လို့ ပြောလိုက်တော့ သူတို့ စိတ်ပြေသွားတယ်။

၄ အဲဒီနောက် ဂိဒေါင်နဲ့ လူ ၃၀၀ က ဂျော်ဒန်မြစ်နား ရောက်လာပြီး ဖြတ်ကူးကြတယ်။ သူတို့မောပန်းနေပေမဲ့ ရန်သူတွေကို ဆက်လိုက်ကြတယ်။ ၅ သုကုတ်မြို့ကို ရောက်လာတော့ မြို့သားတွေကို “ကျွန်တော့်လူတွေ မောပန်းနေလို့ သူတို့စားဖို့ စားစရာပေးပါလား။ မိဒျန်ဘုရင် ဇေဘာနဲ့ ဇာလမုနကို ကျွန်တော်လိုက်ဖမ်းနေတာ” လို့ပြောတယ်။ ၆ ဒါပေမဲ့ သုကုတ်မြို့ရဲ့ ခေါင်းဆောင်တွေက “မင်းရဲ့တပ်အတွက် စားစရာပေးရအောင် ဇေဘာနဲ့ ဇာလမုနကို မင်းက လက်ရဖမ်းမိထားလို့လား” ဆိုပြီး ပြန်ပြောကြတယ်။ ၇ ဂိဒေါင်ကလည်း “ကောင်းပြီလေ၊ ဇေဘာနဲ့ ဇာလမုနကို ကျွန်တော့်လက်ထဲ ယေဟောဝါဘုရား အပ်တဲ့အခါ ခင်ဗျားတို့ကို ဆူးပင်၊ ချုံပင်နဲ့ ရိုက်မယ်”+ လို့ပြောလိုက်တယ်။ ၈ အဲဒီနောက် သုကုတ်မြို့ကနေ ပေနွေလမြို့ကို ဆက်တက်သွားပြီး မြို့သားတွေကို အဲဒီအတိုင်းတောင်းဆိုတယ်။ သူတို့ကလည်း သုကုတ်မြို့သားတွေလိုပဲ တုံ့ပြန်တယ်။ ၉ ဒါကြောင့် ဂိဒေါင်က “ငါအနိုင်ရပြီး ပြန်လာတဲ့အခါ ဒီမြို့ရဲ့ ရဲတိုက်ကို ဖြိုချပစ်မယ်”+ ဆိုပြီး ပြောလိုက်တယ်။

၁၀ ဇေဘာနဲ့  ဇာလမုနကတော့ ကာကော်အရပ်မှာ  တပ်ချထားကြတယ်။ အရှေ့တိုင်းသားတွေရဲ့ တပ်တစ်တပ်လုံးမှာ+  ဓားကိုင်တပ်သား ၁၂၀,၀၀၀ ကျရှုံးသွားတဲ့အတွက် အင်အား  ၁၅,၀၀၀  ပဲကျန်တော့တယ်။ ၁၁ ဂိဒေါင်က တဲရှင်နဲ့နေထိုင်သူတွေရဲ့ လမ်းအတိုင်း နောဗာအရပ်နဲ့ ယုဗေဟမြို့ အရှေ့ဘက်ကို+ ဆက်ချီတက်ပြီး ရန်သူ့တပ်ကို အလစ်ဝင်တိုက်တယ်။ ၁၂ မိဒျန်ဘုရင် ဇေဘာနဲ့ဇာလမုနက ထွက်ပြေးသွားတယ်။ ဂိဒေါင်က လိုက်ဖမ်းပြီး မိသွားတော့ မိဒျန်တစ်တပ်လုံး ကစဉ့်ကလျားဖြစ်ကုန်တယ်။

၁၃ ယောရှရဲ့သား  ဂိဒေါင်က ဟေရက်အတက်လမ်းအတိုင်း တိုက်ပွဲကနေ ပြန်လာတယ်။ ၁၄ လမ်းမှာ သုကုတ်မြို့သား လူငယ်တစ်ယောက်ကိုဖမ်းပြီး စစ်ဆေးမေးမြန်းတဲ့အခါ အဲဒီလူငယ်က သုကုတ်မြို့ရဲ့ ခေါင်းဆောင်နဲ့အကြီးအကဲ ၇၇ ယောက်ရဲ့ နာမည်ကို ရေးပေးတယ်။ ၁၅ ဂိဒေါင်လည်း သုကုတ်မြို့သားတွေဆီ သွားပြီး “‘ပင်ပန်းနေတဲ့ မင်းရဲ့လူတွေကို စားစရာပေးရအောင် ဇေဘာနဲ့ ဇာလမုနကို မင်း လက်ရဖမ်းမိထားလို့လား’+ ဆိုပြီး ခင်ဗျားတို့ ကဲ့ရဲ့ခဲ့တယ်လေ။ ဒီမှာကြည့်၊ ဇေဘာနဲ့ ဇာလမုနဆိုတာ ဒီလူတွေပဲ” လို့ပြောတယ်။ ၁၆ အဲဒီနောက် သုကုတ်မြို့ရဲ့ အကြီးအကဲတွေကို ခေါ်၊ ဆူးပင်နဲ့ ရိုက်ပြီး သင်ခန်းစာပေးလိုက်တယ်။+ ၁၇ ပေနွေလရဲတိုက်ကိုလည်း ဖြိုချပြီး+ မြို့သားတွေကို သတ်ပစ်တယ်။

၁၈ ပြီးတော့ ဂိဒေါင်က ဇေဘာနဲ့ဇာလမုနကို  “တာဗော်မြို့မှာ မင်းတို့သတ်ခဲ့တဲ့လူတွေက  ဘယ်လိုပုံစံရှိသလဲ” လို့မေးတော့ “မင်းလို ဘုရင့်သားတော်ရုပ်မျိုးပဲ”  လို့  ပြန်ဖြေကြတယ်။ ၁၉ ဂိဒေါင်က “သူတို့ဟာ ငါ့ရဲ့ တစ်အူထုံ့ဆင်း  ညီအစ်ကိုတွေပဲ။  ဒီတော့ အသက်ရှင်နေတဲ့ ဘုရား ယေဟောဝါကို တိုင်တည်ပြီး ငါပြောမယ်။ မင်းတို့ကသာ သူတို့ကို အသက်ချမ်းသာပေးခဲ့ရင် ငါလည်း မင်းတို့ကို သတ်မှာမဟုတ်ဘူး” လို့ပြောတယ်။ ၂၀ အဲဒီနောက် “သူတို့ကို သတ်ပစ်လိုက်” ဆိုပြီး သားဦး ယေသာကို ပြောတယ်။ ဒါပေမဲ့ ယေသာက ငယ်သေးတော့ ကြောက်ပြီး ဓားကို ဆွဲမထုတ်ဘူး။ ၂၁ ဇေဘာနဲ့ဇာလမုနက “မင်းကိုယ်တိုင် လာသတ်စမ်းပါ။ ယောက်ျားဆိုတာ သတ္တိရှိရတယ်ကွ” လို့ပြောတယ်။ ဂိဒေါင်လည်း ဇေဘာနဲ့ဇာလမုနကို သတ်ပြီး+ သူတို့ကုလားအုတ်တွေရဲ့  လည်ပင်းမှာဆွဲထားတဲ့ လခြမ်းပုံ အဆင်တန်ဆာတွေကို ယူလိုက်တယ်။

၂၂ နောက်တော့ အစ္စရေးတွေက “ကျွန်တော်တို့ကို မိဒျန်လူတွေ လက်ထဲကနေ ကယ်တင်ခဲ့တဲ့အတွက် ခင်ဗျားနဲ့ ခင်ဗျားရဲ့သားမြေးတွေ ကျွန်တော်တို့ကို  အုပ်ချုပ်ပါ”+ လို့ပြောတဲ့အခါ၊ ၂၃ ဂိဒေါင်က  “ကျွန်တော်  မအုပ်ချုပ်ဘူး။  ကျွန်တော့်သားလည်း  မအုပ်ချုပ်ဘူး။  အုပ်ချုပ်မယ့်အရှင်ဟာ ယေဟောဝါပဲ။+ ၂၄ ဒါပေမဲ့ တစ်ခုတော့ တောင်းဆိုပါရစေ။ ခင်ဗျားတို့အားလုံး တိုက်ရာပါဥစ္စာတွေထဲက နှာခေါင်းမှာတပ်တဲ့ကွင်း တစ်ကွင်းစီ ကျွန်တော့်ကိုပေးပါ” လို့တောင်းတယ်။ (စစ်ရှုံးသွားတဲ့ အိရှမေလလူတွေက နှာခေါင်းမှာ ရွှေကွင်းတပ်လေ့ရှိတယ်။)+ ၂၅ သူတို့ကလည်း “ပေးမှာပေါ့” ဆိုပြီး ဝတ်ရုံတစ်ထည်ကိုဖြန့်၊  တိုက်ရာပါဥစ္စာထဲက နှာခေါင်းကွင်းတစ်ကွင်းစီ ထည့်ပေးကြတယ်။ ၂၆ ဂိဒေါင်ရလိုက်တဲ့ ရွှေနှာခေါင်းကွင်းတွေရဲ့ အလေးချိန်ဟာ ရှယ်ကယ်* ၁,၇၀၀ ရှိတယ်။ လခြမ်းပုံအဆင်တန်ဆာတွေ၊ ဆွဲပြားတွေ၊ မိဒျန်ဘုရင်တွေရဲ့ ခရမ်းရောင်သိုးမွေးထည်တွေ၊ ကုလားအုတ် လည်ပတ်ကြိုးတွေကိုလည်း သူ ရလိုက်တယ်။+

၂၇ ဂိဒေါင်က အဲဒီရွှေနဲ့ သင်တိုင်း* တစ်ခုလုပ်ပြီး+ သူနေထိုင်တဲ့ သြဖရမြို့မှာ+ ပြသထားတယ်။ အစ္စရေးတွေက အဲဒီကိုလာပြီး သင်တိုင်းကို ဝတ်ပြုကြတယ်။*+ ဒါကြောင့် သင်တိုင်းက ဂိဒေါင်နဲ့ အိမ်သားတွေအတွက် ထောင်ချောက်တစ်ခု ဖြစ်သွားတယ်။+

၂၈ ဒီလိုနဲ့ မိဒျန်လူတွေ+ ရှုံးနိမ့်သွားပြီး  အစ္စရေးတွေကို  နောက်ထပ် စိန်မခေါ်ရဲကြတော့ဘူး။ ဂိဒေါင်လက်ထက်မှာ တိုင်းပြည်ဟာ နှစ်ပေါင်း ၄၀ လုံး ငြိမ်းချမ်းသာယာနေတယ်။+

၂၉ ယောရှရဲ့သား  ယေရုဗာလက+ အိမ်ကို ပြန်သွားပြီး နေထိုင်တယ်။

၃၀ ဂိဒေါင်မှာ မယားအများကြီးရှိတော့ သားချည်းပဲ အယောက် ၇၀ ရှိတယ်။ ၃၁ ရှေခင်မြို့မှာနေတဲ့ သူ့မယားငယ်က သားတစ်ယောက်မွေးတယ်။ အဲဒီသားကို အဘိမလက်လို့+ နာမည်ပေးတယ်။ ၃၂ ယောရှရဲ့သား ဂိဒေါင်ဟာ အသက်ရှည်ရှည်နေပြီးနောက် သေဆုံးသွားတယ်။ အဗျေဇာအမျိုးသားတွေ နေထိုင်တဲ့ သြဖရမြို့က+ သူ့ဖခင်ယောရှရဲ့ သင်္ချိုင်းဂူမှာ သူ့ကိုသင်္ဂြိုဟ်ကြတယ်။

၃၃ ဂိဒေါင်  သေဆုံးသွားတာနဲ့ ဗာလဘုရားတွေကို  အစ္စရေးတွေ ဝတ်ပြုကြပြန်တယ်။*+  ဗာလဗေရိတ်ကို  ဘုရားအဖြစ် ကိုးကွယ်ကြတယ်။+ ၃၄ ပတ်ဝန်းကျင် ရန်သူတွေ လက်ထဲကနေ ကယ်တင်ခဲ့တဲ့+ ယေဟောဝါဘုရားကို  သတိမရကြတော့ဘူး။+ ၃၅ ဂိဒေါင်လို့ခေါ်တဲ့ ယေရုဗာလက သူတို့အတွက် ကောင်းတာတွေ အများကြီး လုပ်ပေးခဲ့ပေမဲ့ သူတို့ ကျေးဇူးမသိတတ်ကြဘူး၊ ဂိဒေါင်ရဲ့ အိမ်သားတွေကိုလည်း  ခိုင်မြဲတဲ့မေတ္တာ  မပြကြဘူး။+