၂ ရှမွေလ
၂၂ ယေဟောဝါက ဒါဝိဒ်ကို ရန်သူတွေနဲ့+ ရှောလုရဲ့လက်ကနေ+ ကယ်တင်ခဲ့တယ်။ အဲဒီအခါ ဒါဝိဒ်က ယေဟောဝါအတွက် ဒီသီချင်းကို စပ်ဆိုခဲ့တယ်–+
၃ ဘုရားသခင်ဟာ ငါခိုလှုံတဲ့ ကျောက်ဆောင်၊+
ငါ့ရဲ့ ဒိုင်းလွှား၊+ ငါ့ကိုကယ်တင်တဲ့ ဦးချို၊* လုံခြုံတဲ့ခိုလှုံရာ၊+
ငါပြေးဝင်ခိုနားတဲ့နေရာ၊+ ငါ့ရဲ့ကယ်တင်ရှင်ပါ။+ ငါ့ကို အကြမ်းဖက်မှုကနေ ကယ်တင်တယ်။
၄ ချီးမွမ်းထိုက်တဲ့အရှင် ယေဟောဝါကို ငါဆုတောင်းတဲ့အခါ
ရန်သူတွေလက်ကနေ ငါ့ကို ကယ်တင်ပေးမှာပဲ။
၅ သေခြင်းရဲ့ လှိုင်းလုံးကြီးတွေ ငါ့ကို ဝိုင်းရံထားတယ်။+
အသုံးမကျသူတွေက ရုတ်တရက် လွှမ်းမိုးတတ်တဲ့ရေလို ငါ့ကို ခြောက်လှန့်နေတယ်။+
၆ သင်္ချိုင်းရဲ့ ကြိုးတွေ ငါ့ကို ပတ်ရစ်ထားတယ်။+
သေခြင်းရဲ့ ကျော့ကွင်းတွေကို ငါရင်ဆိုင်နေရတယ်။+
၇ ဒုက္ခရောက်နေချိန်မှာ ယေဟောဝါကို ငါဆုတောင်းတယ်။+
ဘုရားသခင်ကို အမြဲဆုတောင်းတယ်။
ငါ့အသံကို ဗိမာန်တော်ထဲကနေ ကြားတယ်။
ငါ့ရဲ့အကူအညီတောင်းသံက ဘုရားရဲ့နားထဲ ရောက်သွားတယ်။+
၈ မြေကြီး ယိမ်းထိုးပြီး တုန်ခါလာတယ်။+
ကောင်းကင်ရဲ့အုတ်မြစ်တွေလည်း တသိမ့်သိမ့် တုန်လာတယ်။+
အမျက်တော်ကြောင့် အဲဒါတွေ ယိမ်းထိုးလာတယ်။+
ဘုရားဆီကနေ မီးကျီးခဲတွေ ထွက်လာတယ်။
၁၀ ဘုရား ဆင်းသက်တဲ့အခါ ကောင်းကင် ညွှတ်ကျလာတယ်။+
ခြေတော်ရင်းမှာ မည်းမှောင်တဲ့တိမ်ထု ရှိနေတယ်။+
၁၁ ဘုရားက ခေရုဗိမ်ကို စီးပြီး+ ပျံသန်းလာတယ်။
ကောင်းကင်တမန်* ရဲ့တောင်ပံပေါ်မှာ ဘုရားကို မြင်ရတယ်။+
၁၃ မီးကျီးခဲတွေက ရှေ့တော်မှာရှိတဲ့ လျှပ်စီးတွေထဲမှာ တောက်လောင်နေတယ်။
၁၄ ယေဟောဝါက ကောင်းကင်မှာ မိုးခြိမ်းစေတယ်။+
အမြင့်ဆုံးအရှင်က အသံကို လွှင့်တယ်။+
၁၅ မြားတွေ ပစ်လွှတ်ပြီး+ ရန်သူတွေကို ကစဉ့်ကလျား ဖြစ်စေတယ်။
လျှပ်စီးတွေလက်ပြီး သူတို့ကို ဖရိုဖရဲဖြစ်စေတယ်။+
မြေကြီးအုတ်မြစ်တွေ ပေါ်လာတယ်။
၁၇ အထက်အရပ်ကနေ လက်တော် ဆန့်လိုက်တယ်။
ငါ့ကိုကိုင်ပြီး နက်ရှိုင်းတဲ့ ရေထဲကနေ ဆယ်ယူတယ်။+
၁၉ ငါဒုက္ခရောက်နေချိန်မှာ သူတို့ တိုက်ခိုက်ပေမဲ့လည်း+
ငါ့ကို ယေဟောဝါ ထောက်မပေးတယ်။
၂၀ ဘေးကင်းလုံခြုံတဲ့နေရာဆီ ငါ့ကို ပို့ဆောင်ပေးတယ်။+
ငါ့ကိုနှစ်သက်တဲ့အတွက် ကယ်တင်တယ်။+
၂၁ ယေဟောဝါက ငါဖြောင့်မတ်တဲ့အတိုင်း ဆုချတယ်။+
ငါ့လက်တွေ အပြစ်ကင်းတဲ့အတိုင်း ပြန်ဆပ်ပေးတယ်။+
၂၂ ယေဟောဝါရဲ့ လမ်းစဉ်တွေအတိုင်း ငါအမြဲလိုက်လျှောက်တယ်။
ဘုရားသခင်ကို ကျောခိုင်းတာဟာ ဆိုးညစ်တဲ့လုပ်ရပ် ဖြစ်လို့ ငါမလုပ်ဘူး။
၂၃ ဘုရားရဲ့ တရားစီရင်ချက်တွေအကြောင်း+ ငါအမြဲစဉ်းစားတယ်။
ဘုရားရဲ့ ဥပဒေတွေကနေ ငါလမ်းလွဲသွားမှာ မဟုတ်ဘူး။+
၂၄ ရှေ့တော်မှာ အပြစ်ပြောစရာမရှိအောင် ငါနေမယ်။+
မပြစ်မှားမိအောင် စောင့်ထိန်းမယ်။+
၂၆ သစ္စာစောင့်သိသူကို ကိုယ်တော်ကလည်း သစ္စာစောင့်သိတယ်။+
အပြစ်ပြောစရာမရှိသူကို အပြစ်ပြောစရာ မရှိအောင် ဆက်ဆံတယ်။+
၂၇ ဖြူစင်သူကို ဖြူစင်တဲ့သဘောနဲ့ ဆက်ဆံတယ်။+
ကောက်ကျစ်သူကိုတော့ ပါးနပ်စွာ ဆက်ဆံတယ်။+
၂၈ နှိမ့်ချသူတွေကို ကယ်တင်တယ်။+
မောက်မာသူတွေကိုတော့ သဘောမကျတဲ့အကြည့်နဲ့ ကြည့်ပြီး ချိုးနှိမ်ပစ်တယ်။+
၂၉ အို ယေဟောဝါ၊ ကိုယ်တော်ဟာ ကျွန်တော့်ရဲ့ မီးခွက်ပါ။+
ကျွန်တော့်ရဲ့ မှောင်မိုက်ကို ထွန်းလင်းစေတဲ့အရှင်ဟာ ယေဟောဝါပါ။+
၃၀ ကိုယ်တော့်အကူအညီကြောင့် ဓားပြအုပ်စုကို ဖြိုခွင်းနိုင်ပြီ။
ဘုရားသခင်ပေးတဲ့ ခွန်အားကြောင့် မြို့ရိုးကို တက်နိုင်ပြီ။+
၃၁ စစ်မှန်တဲ့ဘုရားသခင်ရဲ့ လမ်းစဉ်ဟာ ပြည့်ဝစုံလင်တယ်။+
ယေဟောဝါရဲ့ နှုတ်ထွက်စကားဟာ သန့်စင်တယ်။+
ဘုရားဟာ ခိုလှုံသူတွေအတွက် ဒိုင်းလွှားပဲ။+
၃၂ ယေဟောဝါကလွဲလို့ ဘယ်ဘုရား ရှိသလဲ။+
ငါတို့ဘုရားသခင်ကလွဲလို့ ဘယ်သူက ကျောက်ဆောင်ဖြစ်သလဲ။+
၃၃ စစ်မှန်တဲ့ဘုရားသခင်ဟာ ငါ့ရဲ့ခိုင်ခံ့တဲ့ရဲတိုက်ပဲ။+
ငါ့လမ်းခရီးကို ချောမွေ့စေတယ်။+
၃၄ ငါ့ခြေကို သမင်ရဲ့ခြေလို ဖြစ်စေတယ်။
မြင့်မားတဲ့နေရာတွေမှာ ရပ်စေတယ်။+
၃၅ ငါ့လက်တွေကို စစ်ရေးကျွမ်းကျင်အောင် လေ့ကျင့်ပေးတယ်။
ကြေးနီလေးကို ငါ့လက်ရုံးအားနဲ့ တင်နိုင်တယ်။
၃၆ ကျွန်တော့်ကို ကယ်တင်ခြင်းဒိုင်းလွှား ပေးတယ်။
ကိုယ်တော့်နှိမ့်ချမှုကြောင့် ကျွန်တော် ကြီးမြတ်လာတယ်။+
၃၇ ကျွန်တော်ခြေချမယ့်လမ်းကို ကိုယ်တော် ကျယ်ဝန်းစေတယ်။
ကျွန်တော် ခြေချော်မှာ မဟုတ်ဘူး။+
၃၈ ရန်သူတွေကို လိုက်ဖမ်းပြီး ချေမှုန်းမယ်။
သုတ်သင်ဖယ်ရှားလို့ မပြီးမချင်း ပြန်မလာဘူး။
၃၉ သူတို့ ပြန်မထနိုင်အောင် နင်းခြေပြီး သုတ်သင်မယ်။+
ကျွန်တော့်ခြေရင်းမှာ ပြိုလဲသွားလိမ့်မယ်။
၄၀ ကျွန်တော် စစ်တိုက်နိုင်အောင် ကိုယ်တော် အစွမ်းခွန်အား ပေးလိမ့်မယ်။+
ရန်သူတွေကို ခြေအောက်မှာ ပြိုလဲစေမယ်။+
၄၁ ရန်သူတွေကို နောက်လှည့်ပြေးစေမယ်။+
ကျွန်တော့်ကို မုန်းတဲ့သူတွေ ဇာတ်သိမ်းသွားအောင် ကျွန်တော်လုပ်မယ်။+
၄၂ သူတို့ အော်ဟစ်အကူအညီတောင်းပေမဲ့ ကယ်တင်မယ့်သူ တစ်ယောက်မှ မရှိဘူး။
သူတို့ အော်ခေါ်ရင်တောင် ယေဟောဝါ ပြန်မထူးဘူး။+
၄၃ သူတို့ကို ဖုန်မှုန့်လို ဖြစ်သွားအောင် ကျွန်တော် ထုထောင်းပစ်မယ်။
လမ်းပေါ်က ရွှံ့တွေကို နင်းသလို နင်းခြေမယ်။
၄၄ ကျွန်တော့်ကို အပြစ်ရှာသူတွေလက်ကနေ ကိုယ်တော် ကယ်တင်လိမ့်မယ်။+
လူမျိုးတွေရဲ့ ခေါင်းဆောင် ဖြစ်လာအောင် ကာကွယ်စောင့်ရှောက်မယ်။+
ကျွန်တော်မသိတဲ့ လူမျိုးတစ်မျိုးက ကျွန်တော့်ဆီမှာ ကျွန်ခံလိမ့်မယ်။+
၄၅ တိုင်းတစ်ပါးသားတွေ ရှေ့မှာလာပြီး ဝပ်တွားကြလိမ့်မယ်။+
ကျွန်တော့်သတင်းကို ကြားထားတဲ့အတွက် နာခံကြလိမ့်မယ်။
၄၆ တိုင်းတစ်ပါးသားတွေ သတ္တိမရှိတော့ဘူး။
ရဲတိုက်တွေထဲကနေ ကြောက်ရွံ့တုန်လှုပ်ပြီး ထွက်လာလိမ့်မယ်။
၄၇ ယေဟောဝါဟာ အသက်ရှင်နေတဲ့ဘုရားပဲ။ ငါ့ကျောက်ဆောင်ကို ချီးမွမ်းကြပါ။+
ငါ့ရဲ့ဘုရားသခင်၊ ငါ့ကိုကယ်တင်တဲ့ ကျောက်ဆောင်ကို ချီးမြှောက်ကြပါ။+
၄၈ စစ်မှန်တဲ့ဘုရားသခင်က ငါ့အတွက် လက်စားချေ ပေးတယ်။+
လူတွေကို ငါ့ခြေအောက်မှာ နှိမ်နင်းတယ်။+
၄၉ ရန်သူတွေလက်ကနေ ကယ်တင်ပေးတယ်။
တိုက်ခိုက်သူတွေရဲ့ အထက်မှာ ကျွန်တော့်ကို ချီးမြှင့်ပေးတယ်။+
အကြမ်းဖက်သူရဲ့ လက်ကနေ ကယ်တင်ပေးတယ်။+
၅၀ ဒါကြောင့် ယေဟောဝါဘုရား၊ လူမျိုးတွေအလယ်မှာ ကိုယ်တော့်ကို ကျေးဇူးတင်ချီးမွမ်းပါ့မယ်။+
နာမတော်ကို ချီးမွမ်းသီချင်းဆိုပါ့မယ်။+
၅၁ ဘုရားက ခန့်အပ်ထားတဲ့ဘုရင်ကို ကယ်တင်ဖို့ ကြီးမြတ်တဲ့အရာတွေ လုပ်ဆောင်တယ်။+
ဘိသိက်ပေးထားသူကို၊ ဒါဝိဒ်နဲ့ သူ့မျိုးနွယ်ကို
ခိုင်မြဲတဲ့မေတ္တာ ထာဝစဉ်ပြတယ်။”+