၄။ ဒုက္ခခံဖို့ လူဖြစ်လာတာလား

အဲဒီအချက်ကို ဘာကြောင့် သိဖို့ လိုသလဲ

ဒီမေးခွန်းရဲ့ အဖြေကို သိရင် ဘဝအပေါ် ရှုမြင်ပုံ ပြောင်းသွားနိုင်တယ်။

စဉ်းစားကြည့်ပါ

ကမ္ဘာကို ဒီလောက် လှလှပပ ဖန်ဆင်းထားပြီး ဘုရားက ကျွန်တော်တို့ကို ဒုက္ခခံစေတယ်ဆိုတာ ယုတ္တိရှိပါ့မလား။

ဘုရားမဲ့ဝါဒီတွေ ဘုရားရဲ့ သဘောထားကို မေးခွန်းထုတ်တာ၊ ဘုရား ရှိရဲ့လားလို့ သံသယဝင်တာဟာ လူတွေ ကြုံနေရတဲ့ ဆင်းရဲဒုက္ခကြောင့် ဖြစ်တယ်။ ဘုရားမှာ ဒုက္ခတွေကို တားဆီးနိုင်စွမ်း ဒါမှမဟုတ် တားဆီးချင်တဲ့ ဆန္ဒ မရှိလို့ ဖြစ်ရမယ်၊ ဒါမှမဟုတ် ဘုရား လုံးဝ မရှိတာ ဖြစ်ရမယ်လို့ သူတို့ ယုံကြည်ကြတယ်။

တကယ်ပဲ အဲဒီအကြောင်းရင်းတွေကြောင့် ဒုက္ခရောက်တာလား။

ကျမ်းစာ သွန်သင်ရာ

ကျွန်တော်တို့ ဒုက္ခခံဖို့ ဘုရား ဖန်ဆင်းထားတာ မဟုတ်ဘူး။

ဘဝကို ပျော်မွေ့စေချင်တယ်။

‘ဘဝတစ်လျှောက်လုံး ပျော်ပျော်နေပြီး ကောင်းမှု လုပ်တာထက် မွန်မြတ်တာ ဘာမှ မရှိဘူး။ အဲဒီအပြင် စားတာ၊ သောက်တာ၊ ကြိုးစားပမ်းစား လုပ်ကိုင်မှုကြောင့် ပျော်ရွှင်ကျေနပ်တာဟာ သင့်လျော်တယ်။ ဒါတွေဟာ ဘုရားသခင်ဆီက ရတဲ့ လက်ဆောင်ပဲ။’ —ဒေသနာ ၃:၁၂၊ ၁၃။

ဘုရားက ပထမလူသားမောင်နှံကို ဒုက္ခကင်းတဲ့ ဘဝ ပေးခဲ့တယ်။

သူတို့ကော သားစဉ်မြေးဆက်တွေပါ ဒုက္ခ ခံဖို့ ဘုရား မရည်ရွယ်ခဲ့ဘူး။

‘ဘုရားသခင်က “သားသမီးတွေ အများကြီး မွေးကြ။ ကမ္ဘာမြေကို ပြည့်စေပြီး အုပ်ထိန်းကြ” လို့ ပြောတယ်။’—ကမ္ဘာဦး ၁:၂၈။

ပထမလူသားမောင်နှံဟာ ဘုရားကို မနာခံဖို့ ရွေးချယ်ခဲ့တယ်။

ဒါကြောင့် သူတို့ကော သားစဉ်မြေးဆက်တွေပါ ဒုက္ခရောက်ရတယ်။

“အပြစ်ဟာ လူတစ်ယောက်ကြောင့် လူ့လောကထဲ ရောက်လာတယ်။ အပြစ်ကြောင့် သေခြင်းလည်း ပေါ်ပေါက်လာတယ်။ ဒါကြောင့် လူအားလုံးဟာ အပြစ်ရှိသူတွေ ဖြစ်သွားတဲ့အတွက် သေဆုံးကြရတယ်။” —ရောမ ၅:၁၂။a

ဘုရား လမ်းညွှန်ချက် မပါဘဲ အသက်ရှင်ဖို့ ကျွန်တော်တို့ကို မဖန်ဆင်းထားဘူး။

လူတွေဟာ ရေအောက်မှာ နေထိုင်ဖို့ မဖြစ်နိုင်သလို လူလူချင်း အုပ်ချုပ်ဖို့လည်း မဖြစ်နိုင်ဘူး။

‘လူဟာ ကိုယ့်ခြေလှမ်းကို လမ်းညွှန်ပိုင်ခွင့် မရှိပါဘူး။’—ယေရမိ ၁၀:၂၃။

ဘုရားက ကျွန်တော်တို့ကို ဒုက္ခ မကြုံစေချင်ဘူး။

ပြဿနာတွေကို ကျွန်တော်တို့ အတတ်နိုင်ဆုံး ရှောင်ဖို့ ဘုရား အလိုရှိတယ်။

“ငါ့ပညတ်တွေကို အာရုံစိုက်မယ်ဆိုရင် မင်းတို့ရဲ့ ငြိမ်သက်ခြင်းဟာ မြစ်လို . . . ဖြစ်လာမယ်။” —ဟေရှာယ ၄၈:၁၈။