‘ကောင်းမြတ်ခြင်းနှင့် မေတ္တာအကြောင်း သူတို့ပြောဆိုကြ’

မကြာသေးမီနှစ်များအတွင်း ပြင်သစ်နိုင်ငံရှိ ယေဟောဝါသက်သေများသည် အပြင်းအထန် ရှုတ်ချပြောဆိုခံခဲ့ရကြသည်။ သူတို့ကိုလူတို့တလွဲထင်စေကြဖို့ မမှန်တစ်ဝက်မှန်တစ်ဝက်စကားနှင့် လွဲမှားသောသတင်းပေးချက်များကို ဆန့်ကျင်သူတို့က အသုံးပြုခဲ့ကြသည်။ ၁၉၉၉ ခုနှစ်အစပိုင်းတွင် ပြင်သစ်တစ်နိုင်ငံလုံးရှိ ယေဟောဝါသက်သေများသည် ပြင်သစ်ပြည်သူပြည်သားတို့၊ သင်တို့လှည့်ဖြားခံနေရကြပြီ! အမည်ရှိဝေစာ စောင်ရေ ၁၂ သန်းကိုဝေငှခဲ့ကြသည်။ ဤဝေစာတွင် သူတို့အားအသရေဖျက်ပြောဆိုသည့်စကားများကို လူသိရှင်ကြား ဖော်ထုတ်ခဲ့ကြသည်။

ဤလှုပ်ရှားမှုပြီး၍ ရက်အနည်းငယ်အကြာတွင် ဆရာဝန်ဖြစ်သည့် ပါလီမန်အဖွဲ့ဝင်ဟောင်းတစ်ဦးဖြစ်သူ မစ္စတာ ယားန် ဘောနောမ်က ဒေသခံသတင်းစာတိုက်တစ်ခုထံသို့ အိတ်ဖွင့်စာတစ်စောင်ပေးပို့ခဲ့သည်။ သူကဤသို့ရေးသားခဲ့သည်– “ကျွန်တော့်အိမ်သို့ ယေဟောဝါသက်သေများ မကြာမကြာလာကြသည်။ ကျွန်တော့်ထံလာ၍ ကောင်းမြတ်ခြင်းနှင့် ကမ္ဘာလုံးဆိုင်ရာမေတ္တာအကြောင်း ပြောပြကြသည်။ . . . သူတို့သည် အခွင့်မရှိဘဲ အတင်းဝင်ရောက်ခြင်းမရှိကြပါ။ သူတို့သည် နူးညံ့သိမ်မွေ့ စွာ တင်ပြပြောဆိုကြပြီး ကျွန်တော်၏သံသယသဘောထားကို ကြင်နာစွာနားထောင်ကြသည်။”

ယေဟောဝါသက်သေများ၏ ဝိညာဉ်ရေးအမြင်နှင့်ပတ်သက်၍ မစ္စတာ ဘောနောမ်ကဤသို့ဆိုခဲ့သည်– “သူတို့၏ လောကပညာမဲ့မှုသည် လုံးဝဘေးမပြုနိုင်ပါ။ အခြားတစ်ဖက်တွင်မူ နိုင်ငံရေးသမားအချို့၏ လောကပညာမဲ့မှုသည် နိုင်ငံသားများ၏ငြိမ်သက်ခြင်းနှင့် လူ့အဖွဲ့အစည်း၏စည်းလုံးညီညွတ်မှုကို ပို၍အန္တရာယ်ရှိစေသည်။”