စေတနာတရားကြီးမားလှတဲ့ မိန်းကလေးတစ်ဦး

မကြာသေးမီက ဘရာဇီးနိုင်ငံတွင် ကိုးနှစ်အရွယ်မိန်းကလေးတစ်ဦးသည် သူစုဆောင်းထားသောငွေကို ၁၈ ဒေါ်လာနှင့် ၂၅ ဒေါ်လာစီ သူ့ဘာသာသူ ခွဲလိုက်သည်။ အသင်းတော်ကုန်ကျစရိတ်ကို ကာမိစေဖို့ ဝတ်ပြုရာခန်းမရှိအလှူငွေသေတ္တာတွင် ၁၈ ဒေါ်လာ ထည့်ခဲ့သည်။ ထို့နောက် ကျန် ၂၅ ဒေါ်လာကို ယေဟောဝါသက်သေများ၏ဌာနခွဲရုံးသို့ စာတိုတစ်စောင်နှင့်အတူ ပေးပို့ခဲ့သည်။ သူ၏စာတွင် ဤသို့ရေးထားသည်– “ဒီအလှူငွေကို ကမ္ဘာချီလုပ်ငန်းအတွက် လှူဒါန်းချင်ပါတယ်။ ကမ္ဘာတစ်ဝန်းမှာ သတင်းကောင်းဟောပြောနေတဲ့ ညီအစ်ကိုညီအစ်မတွေကို ကူညီချင်လို့ပါ။ ယေဟောဝါကိုချစ်မြတ်နိုးစိတ်အပြည့်နဲ့ လှူလိုက်ပါတယ်။”

သတင်းကောင်းဟောပြောခြင်းလုပ်ငန်းကို တတ်နိုင်သလောက် ထောက်ပံ့ကူညီခြင်း၏အရေးကြီးမှုကို မိဘများက ထိုမိန်းကလေးအား သင်ပေးခဲ့သည်။ ထို့ပြင် “တန်းဖိုးရှိသောအရာများဖြင့် ယေဟောဝါကို ဂုဏ်တင်” ဖို့လိုကြောင်းလည်း သင်ပေးခဲ့သည်။ (သု. ၃:၉၊ ကဘ) ထိုမိန်းကလေးကဲ့သို့ ကျွန်ုပ်တို့အားလုံးလည်း မိမိတို့၏ဒေသတွင်ဖြစ်စေ၊ ကမ္ဘာတစ်ဝန်းတွင်ဖြစ်စေ ဘုရားသခင့်နိုင်ငံတော်အကျိုးစီးပွား တိုးတက်အောင် လုပ်ဆောင်ရာတွင် ထက်သန်စွာ ပါဝင်နိုင်ကြပါစေ။