မျက်နှာဖုံးဆောင်းပါးများ

မျက်စိနဲ့မမြင်နိုင်တဲ့ ဘုရားသခင်က မြင်တွေ့လို့ရတဲ့ စကြဝဠာကို ဖန်ဆင်းခဲ့တယ်။ ဒါကို သင် တကယ်ယုံကြည်သလား။ လူအားလုံးကတော့ မယုံကြဘူး။ ဖန်ဆင်းရှင်နဲ့ပတ်သက်တဲ့ အမှန်တရားကို တခြားသူတွေ နားလည်အောင် ကျွန်ုပ်တို့ ဘယ်လို ကူညီပေးနိုင်သလဲ၊ တစ်ချိန်တည်းမှာ ကျွန်ုပ်တို့ ကိုယ်တိုင်ရဲ့ယုံကြည်ခြင်း ပိုခိုင်ခံ့လာအောင် ဘယ်လိုလုပ်နိုင်သလဲ။ ဒီဆောင်းပါးမှာ အဖြေရှာကြည့်ပါ။

ခရစ်ယာန်တွေဟာ ယေဟောဝါရဲ့အစေခံဖို့ တိုက်တွန်းခံရကြတယ်။ ဒီဆောင်းပါးက ကျွန်တွေအတွက် ယေဟောဝါရဲ့ အထူးပညတ်အကြောင်း သင်ပေးပါလိမ့်မယ်။ စာတန်ရဲ့ကျွန် မဖြစ်ဖို့၊ လောကရဲ့ သွေးဆောင်မှုကို မခံရဖို့နဲ့ သစ္စာရှိတဲ့ကျွန်တွေကို ဘုရားသခင် ဘယ်လိုကောင်းချီးပေးပုံတွေကိုလည်း သင်ပေးပါလိမ့်မယ်။

ကျွန်ုပ်တို့ နေ့တိုင်းကျမ်းစာဖတ်ပြီး တွေးတောဆင်ခြင်မယ်ဆိုရင် ကျွန်ုပ်တို့ရဲ့ဆုတောင်းချက်တွေရဲ့ အရည်အသွေးက တိုးတက်လာပါလိမ့်မယ်။ ပထမဆောင်းပါးမှာ ဘုရားသခင့်စကားတော်ကို တွေးတောဆင်ခြင်ခြင်းက ဘုရားသခင့်လူမျိုးအတွက်တောင်းတဲ့ လေဝိသားတွေရဲ့ဆုတောင်းချက်ကို ပိုပြီးအဓိပ္ပာယ်ပြည့်ဝစေခဲ့တယ်ဆိုတာ လေ့လာကြပါမယ်။ ဒုတိယဆောင်းပါးမှာ ယေရှုရဲ့ဆုတောင်းချက်တွေနဲ့အညီ ကျွန်ုပ်တို့ လုပ်ဆောင်နိုင်ပုံကို ဖော်ပြထားတယ်။ ဆုတောင်းချက်နှစ်ခုစလုံးက ကျွန်ုပ်တို့ရဲ့လိုအပ်ရာတွေထက် ယေဟောဝါရဲ့အလိုတော်ကို ဦးစားထားသင့်တယ်ဆိုတာ ဖော်ပြတယ်။