လေ့လာရန်ဆောင်းပါးများ

မမှန်ကန်တဲ့အယူအဆတွေနဲ့ ကျမ်းစာမှာမပါတဲ့အချက်တွေကို ယုံကြည်သွားအောင် လှည့်ဖြားတာကို မခံဖို့ အရေးကြီးပါတယ်။ ကျွန်ုပ်တို့ဟာ အဆုံးရောက်ခါနီးမှာ အသက်ရှင်နေကြရတယ်၊ ဒါကြောင့် သက်သာလောနိတ် ပထမစောင်နဲ့ ဒုတိယစောင်မှာပါတဲ့ သတိပေးချက်တွေက တကယ် အချိန်ကိုက်ပဲ။

ဘုရားသခင့်နိုင်ငံတော်ကို ထောက်ပံ့လိုသူတွေဟာ ကိုယ်ကျိုးစွန့်လိုတဲ့သဘော ရှိဖို့ လိုတယ်။ ရှေးခေတ်အစ္စရေးလူမျိုး ပူဇော်တဲ့ ပူဇော်သကာတွေကို ဒီဆောင်းပါးမှာ လေ့လာကြပါမယ်။ ဒီနေ့အချိန်မှာ ဘုရားသခင့်နိုင်ငံတော်လုပ်ငန်းကို အတတ်နိုင်ဆုံး ထောက်ပံ့နေသူများစွာရဲ့ စံနမူနာတွေကနေလည်း အားပေးမှုရရှိပါလိမ့်မယ်။

နှစ်စဉ် ဂျူးတွေ ပသခါပွဲကျင်းပတဲ့အချိန်နဲ့ ခရစ်ယာန်စစ်တွေ ယေရှုရဲ့သေခြင်း အောက်မေ့ရာပွဲ ကျင်းပတဲ့အချိန်က တစ်ချိန်တည်းလောက်မှာ ကျတယ်။ ခရစ်ယာန်တွေဟာ ပသခါပွဲကို မကျင်းပကြပေမဲ့ ဘာကြောင့် အဲဒီပွဲအကြောင်း သိထားသင့်သလဲဆိုတာကို ပထမဆောင်းပါးမှာ ဆွေးနွေးပါမယ်။ သခင့်ညစာစားပွဲကို ဘယ်အချိန်မှာ ကျင်းပသင့်တယ်၊ အဲဒါက ကျွန်ုပ်တို့အားလုံးအတွက် ဘာကြောင့်အရေးကြီးသလဲဆိုတာကို ဒုတိယဆောင်းပါးမှာ ဆွေးနွေးပါမယ်။