သမ္မာကျမ်းစာ သွန်သင်ရာ
ဘုရားသခင့်နိုင်ငံတော်ဆိုတာ ဘာလဲ
လူတချို့ ယုံကြည်တာက ဘုရားသခင့်နိုင်ငံတော်ဆိုတာ လူတစ်ယောက်ရဲ့ စိတ်နှလုံးထဲမှာရှိတဲ့အရာ၊ တချို့ကျတော့ လူအားလုံးပူးပေါင်းပြီး ကမ္ဘာ့ငြိမ်းချမ်းရေးရအောင် လုပ်ဆောင်တဲ့အခါ ဘုရားသခင့်နိုင်ငံတော်လာမယ်လို့ ယုံကြည်ကြတယ်။ သင်ကော ဘယ်လိုယုံကြည်ပါသလဲ။
သမ္မာကျမ်းစာ သွန်သင်ရာ
“ပျက်စီးခြင်းသို့မရောက်နိုင်သော နိုင်ငံတစ်ခုကို . . . ကောင်းကင်ဘုံရှင် ဘုရားသခင်သည် တည်ထောင်စေတော်မူမည်။ ထိုနိုင်ငံသည် . . . အထက်ဆိုခဲ့ပြီးသော [လူသားတွေရဲ့] နိုင်ငံရှိသမျှတို့ကို ချိုးဖဲ့ဖျက်ဆီး၍ အစဉ်အမြဲတည်လိမ့်မည်။” (ဒံယေလ ၂:၄၄၊ ၄၅) ဘုရားသခင့်နိုင်ငံတော်ဆိုတာ တကယ့်အစိုးရတစ်ခုဖြစ်တယ်။
ကျမ်းစာမှ နောက်ထပ်သင်ယူနိုင်ရာများ
ဘုရားသခင့်နိုင်ငံတော်က ကောင်းကင်ကနေ အုပ်ချုပ်မယ်။—မဿဲ ၁၀:၇; လုကာ ၁၀:၉။
ဘုရားသခင်က ဒီနိုင်ငံတော်အားဖြင့် အလိုတော်ကို ကောင်းကင်မှာရော၊ မြေကြီးမှာပါ ပြည့်စုံစေမယ်။—မဿဲ ၆:၁၀။
ဘုရားသခင့်နိုင်ငံတော် ဘယ်အချိန်မှာလာမလဲ
သင်ဘယ်လိုထင်သလဲ
ဘယ်သူမှ မသိဘူး
မကြာခင်လာမယ်
ဘယ်တော့မှ မလာဘူး
သမ္မာကျမ်းစာ သွန်သင်ရာ
“လူမျိုးအပေါင်းတို့အတွက် သက်သေဖြစ်စေရန် နိုင်ငံတော်နှင့်ဆိုင်သော ဤသတင်းကောင်းကို လူနေရာ မြေတစ်ပြင်လုံး၌ ဟောပြောရလိမ့်မည်။ သို့ပြီးမှ အဆုံးသည် ရောက်လိမ့်မည်။” (မဿဲ ၂၄:၁၄) သတင်းကောင်းကို မြေတစ်ပြင်လုံးမှာ ဟောလို့ပြီးသွားတာနဲ့ ဘုရားသခင့်နိုင်ငံတော်က လက်ရှိဆိုးသွမ်းတဲ့စနစ်ကို အဆုံးတိုင်စေမယ်။
ကျမ်းစာမှ နောက်ထပ်သင်ယူနိုင်ရာများ