သမ္မာကျမ်းစာ သွန်သင်ရာ

စိုးရိမ်ပူပန်စရာတွေ လျော့နည်းအောင် ကျမ်းစာ ကူညီပေးနိုင်သလား

သင် ဘယ်လို ထင်ပါသလဲ

• ကူညီနိုင်

• မကူညီနိုင်

• ကူညီကောင်းကူညီနိုင်

ကျမ်းစာ သွန်သင်ရာ

“စိုးရိမ်ပူပန်စရာ ရှိသမျှကို ဘုရားသခင်ဆီ ပုံအပ်ထားလိုက်ပါ။ ဘုရားသခင်ဟာ ခင်ဗျားတို့ကို ဂရုစိုက်တဲ့အရှင် ဖြစ်လို့ပဲ။” (၁ ပေတရု ၅:၇) စိုးရိမ်ပူပန်စရာတွေ လျော့နည်းအောင် ဘုရားသခင် ကူညီပေးနိုင်တယ်လို့ ကျမ်းစာ အာမခံထားတယ်။

ကျမ်းစာမှ နောက်ထပ်သိရှိနိုင်ရာများ

• ဆုတောင်းခြင်းအားဖြင့် “ဘုရားသခင့်ငြိမ်သက်ခြင်း” ခံစားရပြီး စိုးရိမ်စရာတွေ လျော့နည်းသွားနိုင်တယ်။—ဖိလိပ္ပိ ၄:၆၊ ၇။

• ကျမ်းစာဖတ်ရှုခြင်းကလည်း ဖိစီးမှုတွေကို ခံရပ်နိုင်ဖို့ ကူညီပေးတယ်။—မဿဲ ၁၁:၂၈-၃၀။

စိုးရိမ်ပူပန်မှုကင်းတဲ့ဘဝ ရနိုင်ပါဦးမလား

လူတချို့ ယုံကြည်ရာ . . .

အသက်ရှင်နေသရွေ့ စိုးရိမ်ပူပန်မှုနဲ့ ဖိစီးမှုတွေ ရှိနေမှာပဲ။ သေမှပဲ စိုးရိမ်ပူပန်စရာတွေကနေ လွတ်ကင်းနိုင်မယ်လို့ ယုံကြည်သူတွေလည်း ရှိတယ်။ သင် ဘယ်လို ထင်ပါသလဲ။

ကျမ်းစာ သွန်သင်ရာ

စိုးရိမ်ပူပန်စရာတွေကို ဘုရားသခင် ဖယ်ရှားပေးမယ်။ “သေခြင်းရှိတော့မှာ မဟုတ်ဘူး။ ငိုကြွေးမြည်တမ်းတာ၊ အော်ဟစ်တာ၊ နာကျင်တာတွေလည်း ရှိတော့မှာ မဟုတ်ဘူး။”—ဗျာဒိတ် ၂၁:၄။

ကျမ်းစာမှ နောက်ထပ်သိရှိနိုင်ရာများ

• ဘုရားသခင့်နိုင်ငံတော်မှာ ငြိမ်သက်အေးချမ်းစွာ နေထိုင်ရမယ်။—ဟေရှာယ ၃၂:၁၈။

• စိုးရိမ်ပူပန်စရာတွေ၊ ဖိစီးမှုတွေကို သတိရတော့မှာ မဟုတ်ဘူး။—ဟေရှာယ ၆၅:၁၇။