ကြေညာချက်များ

▪ ဖေဖော်ဝါရီနှင့် မတ်လတွင်ဝေငှရန်စာပေ– သင့်မိသားစုဘဝကိုရွှင်လန်းစေခြင်း။ ဧပြီနှင့် မေ– ကင်းမျှော်စင်နှင့် နိုးလော! တစ်စောင်ချင်းစီ။ ရက်သတ္တပတ်အလယ် လုပ်ငန်းတော်အတွက်နှင့် မကြာခဏအမှုဆောင်ရသည့်ရပ်ကွက်တွင် ကျွန်ုပ်တို့ထံမှ ဘုရားသခင် အဘယ်အရာတောင်းဆိုတော်မူသနည်း ဘရိုရှာအသစ်ကိုအသုံးပြုပေမည်။

▪ အတွင်းရေးမှူးနှင့် လုပ်ငန်းတော်ကြီးကြပ်မှူးသည် မှန်မှန်ရှေ့ဆောင်အားလုံး၏လုပ်ငန်းကို ပြန်သုံးသပ်သင့်သည်။ တစ်ဦးတစ်ယောက်သည် တောင်းဆိုထားသောနာရီကိုပြည့်မီရန် အခက်တွေ့နေပါက အကူအညီပေးရန် အကြီးအကဲများစီစဉ်သင့်သည်။ အကြံပြုချက်များအတွက် အောက်တိုဘာ ၁ ရက်၊ ၁၉၉၃ နှင့် အောက်တိုဘာ ၁ ရက်၊ ၁၉၉၂ အသင်းမစာ (S-201) တို့ကိုပြန်သုံးသပ်ပါ။ ၁၉၈၆ ဩဂုတ် ကျွန်ုပ်တို့၏နိုင်ငံတော်ဓမ္မအမှု ကြားညှပ်စာရွက်ပါ အပိုဒ် ၁၂-၂၀ [လိပ်] ကိုလည်းကြည့်ပါ။

▪ မတ်၊ ဧပြီနှင့် မေလများတွင် အရန်ရှေ့ဆောင်လိုသော ကြေညာသူများသည် ယခုပင်စီစဉ်ပြီး လျှောက်လွှာများကို စောစောတင်ထားသင့်သည်။ ဤသို့အားဖြင့် အကြီးအကဲများသည် လယ်ကွင်းလုပ်ငန်းအစီအစဉ်များကို လိုအပ်သလိုစီစဉ်ပြီး မဂ္ဂဇင်းနှင့် အခြားစာအုပ်စာတမ်းများ အလုံအလောက်ရှိရန် စီစဉ်ပေးနိုင်ပါမည်။ အရန်ရှေ့ဆောင်လုပ်မည့်သူများအားလုံး၏ အမည်ကို အသင်းတော်အားကြေညာသင့်သည်။

▪ ၁၉၉၇၊ မေ ၁၀၊ စနေနေ့တွင် ဌာနခွဲရုံးကို မိုးဦးရာသီသန့်ရှင်းရေးအတွက် ပိတ်ထားပါမည်။ ယင်းကြောင့် ထိုနေ့ရက်တွင် အသင်းတော်များမှ အလည်အပတ်လာခြင်း၊ စာအုပ်စာတမ်းများ လာထုတ်ယူခြင်း အစီအစဉ်များမရှိပါ။

▪ ရရှိနိုင်သောစာအုပ်စာတမ်းများ–

ဘရိုရှာ (လိုသလောက်မှာယူနိုင်သည်)– ကျွန်ုပ်တို့ထံမှ ဘုရားသခင် အဘယ်အရာတောင်းဆိုတော်မူသနည်း —မြန်မာ

ကမ္ဘာတစ်ဝန်းတွင် စည်းစည်းလုံးလုံးဘုရားသခင့်အလိုတော်ထမ်းရွက်ခြင်း —မြန်မာ

ကျိုးကြောင်းဆင်ခြင် —မြန်မာ

မိသားစုဘဝ —မြန်မာ

ယေဟောဝါအားချီးမွမ်းကျူးဧခြင်း (အသေး) —မြန်မာ

ကျွန်ုပ်တို့၏ဓမ္မအမှုကို ပြီးမြောက်စေရန် ဖွဲ့စည်းထားခြင်း —မြန်မာ