ကျွန်ုပ်တို့၏ စာရှုသူများထံမှ

လက်ထပ်ထိမ်းမြားသည့်နေ့ ၂၀၀၃၊ ဖေဖော်ဝါရီလ ၈ ရက်ထုတ် နိုးလော့! တွင် လက်ထပ်ထိမ်းမြားသည့်နေ့—ရွှင်လန်းဖွယ်ကောင်းသောအစဖြစ်စေခြင်းဆိုတဲ့ မျက်နှာဖုံးဆောင်းပါးကို ကျွန်တော်အရမ်းနှစ်သက်မိပါတယ်။ ကျွန်တော်ငယ်စဉ်ကတည်းက အိမ်ထောင်ပြုခြင်းရဲ့ အရေးကြီးတဲ့ခြေလှမ်းအတွက် စိတ်ထဲမှာ အသင့်ပြင်ဆင်ထားပါတယ်။ ငယ်ရွယ်တဲ့စုံတွဲတွေမှာ ဖြစ်လေ့ရှိတဲ့ဖိစီးမှု မရှိဖို့ ဘယ်လိုကြိုတင်ပြင်ဆင်ရမယ်ဆိုတာနဲ့ ပျော်ရွှင်တဲ့အိမ်ထောင်ကို ဘယ်လိုထိန်းသိမ်းရမယ်ဆိုတာ နားလည်ဖို့ အဲဒီအကြောင်းအရာက ကျွန်တော့်ကို ကူညီပေးပါတယ်။ မိမိကျေးကျွန်တွေဆီက ယေဟောဝါအလိုရှိရာကိုပြုလုပ်ဖို့ ကြိုးစားလုပ်ဆောင်နေတဲ့ ကျွန်တော်တို့အားလုံးအပေါ် ဂရုစိုက်မှုကို ကျေးဇူးပြုပြီး မရပ်လိုက်ပါနဲ့။

အက်ဖ်. စီ၊ အီတလီ

အလိုအပ်ဆုံးအချိန်တွေမှာ ယေဟောဝါရဲ့ ညွှန်ကြားချက်တွေကို တိကျစွာ ဖော်ပြပေးတဲ့အတွက် ကျွန်မကို အမြဲတမ်းအံ့အားသင့်စေပါတယ်။ ၂၀၀၃၊ ဖေဖော်ဝါရီလ ၈ ရက်ထုတ် နိုးလော့! ကလည်း အဲဒီလိုပဲ အံ့အားသင့်စေပါတယ်။ ဒီလွန်ခဲ့တဲ့ လအနည်းငယ်အတွင်းမှာ စေ့စပ်ထားသူနဲ့ကျွန်မတို့ဟာ မင်္ဂလာပွဲအတွက် စီစဉ်နေကြပြီး စိတ်ပင်ပန်းမှု စပြီးခံစားခဲ့ကြရတယ်။ အဖွင့်ဆောင်းပါးက အဲဒီလိုစီစဉ်ချိန်တွေဟာ တကယ့်ကိုထူးခြားပြီး၊ စိုးရိမ်မှုကသာ စိတ်ရှုပ်စေကြောင်း ကျွန်မတို့ကိုသတိပေးပါတယ်။

အိတ်ချ်. အဲမ်.၊ ဩစတြေးလျ

စာမျက်နှာ ၁၀ ပါ မျက်နှာဖုံးဆောင်းပါးစီးရီးက ခင်ပွန်းဖြစ်သူသည် ခွဲနေရန်အတွက် အကြောင်းခိုင်လုံသည်ဟု ယုံကြည်လျှင် အိမ်ထောင်ဖက်ကို ထားခဲ့ခြင်းသည် လက်ခံဖွယ်ရာဖြစ်သည်ဟု သဘောပေါက်စေပါသည်။ ကျွန်တော်နှင့်ကျွန်တော့်ဇနီးသည် ထိုသို့ထောက်ခံကြောင်းကို ကျမ်းစာထဲတွင် အဘယ်နေရာ၌မျှမတွေ့ရပါ။ အမှန်မှာ ကျမ်းစာထဲ၌ ဆန့်ကျင်ဘက်ဖော်ပြထားသည်။—ဇနီးသည်သည် ထားခဲ့နိုင်သော်လည်း ခင်ပွန်းသည်သည် ဆက်နေဖို့ဖြစ်သည်။ ကမ္ဘာဦး ၂:၂၄က ခင်ပွန်းသည်သည် “ကိုယ်ခင်ပွန်း၌မှီဝဲ” သင့်သည်ဟု ဖော်ပြထားပါသည်။ ထို့နောက် ၁ ကောရိန္သု ၇:၁၁ ၌ဇနီးသည် “စွန့်ပစ်လျှင်” ဟုဆိုထားပြီး ထိုအခန်းငယ်၌ပင် ထပ်၍ “ယောက်ျားသည်လည်း မိမိမယားနှင့်မကွာစေနှင့်” ဟုဆိုထားပါသည်။

ကေ. အယ်လ်. ဩစတြေးလျ

“နိုးလော့!” တုံ့ပြန်ချက်– ကမ္ဘာဦး ၂:၂၄ အထက်အောက်စကားကို ထည့်စဉ်းစားရပါမည်။ ထိုတွင်မှတ်တမ်းတင်ထားသော ဘုရားသခင့်ညွှန်ကြားချက်များတွင် ခွဲနေနိုင်ခြင်းနှင့်ပတ်သက်သောလမ်းညွှန်ချက်ကို မဖော်ပြထားပါ။ ကောရိန္သုမြို့သားများထံရေးသော ပေါလု၏စာတွင် ယေဟောဝါက အိမ်ထောင်အစီအစဉ်ကို အလွန်တန်ဖိုးထားပြီး စုံတွဲတစ်တွဲသည် သူတို့၏ အိမ်ထောင်ကို မပြိုကွဲအောင် တတ်နိုင်သမျှ ကြိုးစားထိန်းသိမ်းသင့်သည်ဟု ရှင်းလင်းစွာဖော်ပြထားသည်။ ပေါလုက ဇနီးသည်အတွက်တစ်မျိုးနှင့် လင်ယောက်ျားအတွက်တစ်မျိုးဟူ၍ စံနှုန်းနှစ်မျိုးရှိရန် ရည်ရွယ်နေခြင်းမဟုတ်သည်မှာ ထင်ရှားပါသည်။ အခန်းငယ် ၁၀ နှင့် ၁၁ က လင်ယောက်ျားနှင့်ဇနီးသည် နှစ်ဦးစလုံးကို အဖြစ်နိုင်ဆုံး မခွဲခွာကြရန် တောင်းဆိုထားပါသည်။ ထို့ကြောင့် ကျိုးကြောင်းညီညွတ်သည်မှာ ဇနီးသည်နှင့်သက်ဆိုင်ရာသည် လင်ယောက်ျားနှင့်လည်း သက်ဆိုင်ပါမည်။

တောင်ကြက်တူရွေး “တောင်ကြက်တူရွေး—တောင်တန်းပေါ်မှ ပြက်လုံးထုတ်သူ” (ဖေဖော်ဝါရီ ၈၊ ၂၀၀၂ [လိပ်]) ဆောင်းပါးကိုဖတ်ရတာ ရွှင်မြူးဖွယ် ဘယ်လောက်ကောင်းသလဲဆိုရင် အသံကျယ်ကျယ်နဲ့ မရယ်ဘဲမနေနိုင်ခဲ့ဘူး။ ယေဟောဝါက တကယ်ပဲ ပျော်ရွှင်သောဘုရားဖြစ်ရမယ်! စစ်မှန်ပြီးမေတ္တာပါတဲ့ဖန်ဆင်းရှင်တစ်ပါးတည်းကပဲ လူသားတွေရဲ့ဘဝမှာ ပျော်ရွှင်မှုများစွာပေးရာကို ဆောင်ကြဉ်းပေးနိုင်ပါတယ်။ ရယ်ရွှင်ဖွယ်ငှက်ဖြစ်တဲ့ အဲဒီတောင်ကြက်တူရွေးတွေကို ကိုယ်တိုင်သိမြင်ရမယ့်နေ့ကို ကျွန်မစောင့်မျှော်နေပါတယ်။ ဒီဆောင်းပါးအတွက်သာမက သင်တို့ရေးသားတဲ့ စိတ်ဝင်စားဖွယ် တခြားအကြောင်းအရာတွေနဲ့ ယုံကြည်ခြင်းခိုင်ခံ့စေတဲ့ ဆောင်းပါးတွေအတွက် အလွန်ကျေးဇူးတင်ပါတယ်။

အာရ်. အာရ်.၊ ဂျာမနီ

ကျွန်မအမျိုးသား ကျွန်မကိုထားခဲ့ပြီး မကြာမီ ဖေဖော်ဝါရီ ၈၊ ၂၀၀၃၊ နိုးလော့! ကို ကျွန်မရရှိခဲ့ပါတယ်။ မျက်နှာဖုံးမှာပါတဲ့ မင်္ဂလာဆောင်တဲ့နေ့ပုံက ကျွန်မအတွက် လက်ခံဖို့ အတော့်ကိုခက်ပါတယ်။ ‘ကျွန်မနဲ့ကျွန်မအမျိုးသားဟာ မျက်နှာဖုံးပုံမှာပါတဲ့စုံတွဲလို ဘာ ကြောင့်မပျော်ရွှင်ရတာလဲ’လို့ တွေးခဲ့မိတယ်။ ဒါပေမဲ့၊ အဲဒီမဂ္ဂဇင်းမှာပါတဲ့ တောင်ကြက်တူရွေးဆောင်းပါး [လိပ်] ကို ကျွန်မဖတ်လိုက်တဲ့အချိန်မှာ အသံထွက်ရယ်မောခဲ့ပါတယ်။ အဲဒီလိုမျိုး ချစ်စရာကောင်းတဲ့ငှက်ကလေးရှိတယ်ဆိုတာ ကျွန်မမသိခဲ့ဘူး! ကျွန်မစိတ်လန်းဆန်းခဲ့ပါတယ်။ အဲဒီအရာက “ဘဝကိုပျော်မွေ့ပါ”လို့ ယေဟောဝါကကျွန်မကိုပြောပြီး အားပေးနေသလိုပါပဲ။ ကျေးဇူးအထူးတင်ပါတယ်။

အဲမ်. ဝိုင်.၊ ဂျပန်