အသက် ဘယ်လို စတင်လာသလဲ

သိပ္ပံနည်းကျကျ တွေးခေါ်တတ်သူက “ဆင့်ကဲဖြစ်စဉ်ကြောင့်” လို့ ဖြေလိမ့်မယ်။ ဘာသာရေးသမားကတော့ “ဖန်ဆင်းခြင်းကြောင့်” လို့ ဖြေမယ် ဆိုပြီး တချို့ ယူဆကြလိမ့်မယ်။

အဲဒီယူဆချက်အတိုင်းတော့ အမြဲမဟုတ်ပါဘူး။

တကယ်တော့၊ သိပ္ပံပညာရှင်တွေအပါအဝင် ပညာတတ် အတော်များများက ဆင့်ကဲသီအိုရီအပေါ် သံသယဝင်ကြတယ်။

တက္ကသိုလ်မှာ ဆင့်ကဲဖြစ်စဉ်ကို သင်ယူခဲ့ရတဲ့ ပိုးမွှားဗေဒ ပါမောက္ခ ဂျဲရက်က “စာမေးပွဲဖြေတဲ့အခါ ပါမောက္ခတွေ လိုချင်တဲ့အဖြေကို ကျွန်တော်ဖြေခဲ့တယ်။ ဒါပေမဲ့ အဲဒီအတိုင်း ကျွန်တော်မယုံဘူး” ဆိုပြီး ပြောပြတယ်။

သိပ္ပံနည်းကျကျ တွေးခေါ်တတ်သူတချို့က ဆင့်ကဲဖြစ်စဉ်ကြောင့် အသက်စတင်ခဲ့တယ်လို့ ဘာကြောင့် မယုံကြတာလဲ။ အဲဒီအဖြေရဖို့ သုတေသီအတော်များများ စိတ်ရှုပ်ရတဲ့ ဒီမေးခွန်းနှစ်ခုကို စဉ်းစားကြည့်ရအောင်– (၁) အသက် ဘယ်လို စတင်လာသလဲ။ (၂) သက်ရှိတွေ ဘယ်လို တဖြည်းဖြည်း ဖြစ်ပေါ်လာသလဲ။