ခေတ်ဆိုးခေတ်ကျပ်ကြီးထဲမှာ ဘယ်လို ရှေ့ဆက်ရပ်တည်နိုင်မလဲ
ဒုက္ခပြဿနာတွေ ပိုများလာတဲ့အတွက် အရင်ကထက် ဘေးကျပ်နံကျပ် ဖြစ်လာတယ်လို့ ခံစားနေရသလား။ သင့်ဒေသမှာ အောက်ပါ ဒုက္ခတစ်မျိုးမျိုး ကြုံနေရပါသလား။
စစ်ပွဲ
ကပ်ရောဂါ
သဘာဝဘေးအန္တရာယ်
ဆင်းရဲမွဲတေမှု
ခွဲခြားဆက်ဆံမှု
အကြမ်းဖက် ရာဇဝတ်မှု
ဘေးဆိုးကြုံရသူတွေဟာ အထိတ်တလန့်ဖြစ်ပြီး မျှော်လင့်ချက် မဲ့သွားကြတယ်။ အဖြစ်ဆိုး ကြုံခဲ့ရသူတချို့ ခံစားချက် ကင်းမဲ့သွားကြတယ်။ ရေရှည် ထိတ်လန့်မှု၊ ခံစားချက် ကင်းမဲ့မှုက အခြေအနေကို ပိုဆိုးရွားစေတယ်။
ခေတ်ဆိုးခေတ်ကျပ်ကြီးထဲမှာ ကျန်းမာရေး၊ အသက်မွေးဝမ်းကျောင်း၊ ချစ်မြတ်နိုးရသူတွေ၊ ပျော်ရွှင်မှုစတာတွေကို ကာကွယ်စောင့်ရှောက်ဖို့ ပြတ်ပြတ်သားသား လုပ်ဆောင်ရမယ်။
စိတ်ထိခိုက်စရာတွေ နည်းနိုင်သမျှ နည်းအောင် ဘာတွေ လုပ်နိုင်သလဲ။