မေးခွန်းသေတ္တာ
• သီအိုကရက်တစ်ဓမ္မအမှုကျောင်းတွင် ကျောင်းသားများသည် အကြိမ်မည်မျှတာဝန်ရရှိသင့်သနည်း။
သီအိုကရက်တစ်ဓမ္မအမှုကျောင်း၏ အဓိကရည်ရွယ်ချက်များမှ တစ်ခုမှာ လူထုဟောပြောချက်ပေးသူများ မွေးထုတ်ပေးရန်ဖြစ်သည်။ ထိုကြောင့် သီအိုကရက်တစ်ဓမ္မအမှုကျောင်းအစီအစဉ်အရ ဟောပြောချက်တာဝန်များကို အများအားဖြင့် ညီအစ်ကိုများအားတာဝန်ပေးလေ့ရှိသည်။
သို့ရာတွင် ကျောင်း၏အရေးကြီးရည်မှန်းချက်တစ်ခုမှာ ယေဟောဝါ၏လူမျိုးအားလုံးကို ခရစ်ယာန်ဓမ္မအမှု၌ ထိရောက်စွာဟောပြောသွန်သင်သူများဖြစ်စေရန် လေ့ကျင့်ပေးဖို့ဖြစ်သည်။ ယင်းကြောင့် ညီအစ်မများပါ နာမည်စာရင်းသွင်းထားရန် သင့်တော်ပါသည်။
ကျောင်းမှအပြည့်အဝအကျိုးခံစားနိုင်ရန် နာမည်စာရင်းပါသူများသည် ကျောင်းသားတာဝန်ကို မကြာခဏရရှိသင့်သည်။ ကျောင်းသားတိုင်း အနည်းဆုံးသုံးလတစ်ကြိမ်တာဝန်ရလျှင်ကောင်းပေမည်။ ဒေသခံအခြေအနေများကခွင့်ပြုမည်ဆိုလျှင် ညီအစ်ကိုများအား ထပ်ဆင့်တာဝန်များပေးအပ်နိုင်သည်။ သွန်သင်ခြင်းဟောပြောချက် နှင့် ကျမ်းစာပေါ်လွင်ချက်များကို မှန်မှန်ပေးသည့် အကြီးအကဲများအား ကျောင်းသားဟောပြောချက်များကိုပါ တာဝန်ချမှတ်ရန်မလိုအပ်ပါ။
နှစ်ပေါင်း ၅၀ နီးပါး သီအိုကရက်တစ်ဓမ္မအမှုကျောင်းသည် သန်းပေါင်းများစွာသောသူတို့၏ ဝိညာဉ်ရေးဘက်တိုးတက်ရန်နှင့် နိုင်ငံတော်သတင်းကိုတင်ဆက်ဟောပြောပုံ တိုးတက်လာနည်းများတတ်လာရန် ကူညီပေးခဲ့ပေပြီ။ ယေဟောဝါဘုရားသခင်ထံမှ ဤအံ့ချီးဖွယ်ပြင်ဆင်ပေးချက်ကို အားလုံးအပြည့်အဝအသုံးပြုကြရန် တိုက်တွန်းပေးပါသည်။ ကျွန်ုပ်တို့၏ရည်မှန်းချက်မှာ “ရှက်ကြောက်စရာအကြောင်းမရှိဘဲ သမ္မာတရားကိုမှန်ကန်စွာ” သုံးစွဲတတ်သူများ၊ ဘုရားသခင့်မျက်နှာသာရသူတို့အဖြစ် ကိုယ်ကိုယ်ကိုဆက်သရန်ဖြစ်သင့်သည်။—၂ တိ၊ ၂:၁၅။