ဘုရားသခင့်နှုတ်ကပါဌ်တော်ကိုလက်ခံ၍ကျင့်သုံးခြင်းအားဖြင့် အကျိုးခံစားရခြင်း
၁ သန်းပေါင်းများစွာသောသူတို့၌ သမ္မာကျမ်းစာရှိကြသော်လည်း ယင်းကို ဘုရားသခင့်နှုတ်ကပါဌ်တော်အဖြစ် လက်မခံသူများစွာရှိ၍ အများအားဖြင့် ၄င်းပါပညာရှိသောသြဝါဒကိုမကျင့်သုံးကြသဖြင့် ယင်းမှအကျိုးကျေးဇူးမခံစားရသူ များပါသည်။ သို့ရာတွင် ယင်းသည် ဘုရားသခင့်နှုတ်ကပါဌ်တော်အမှန်ဖြစ်ပြီး အရာအရာအတွက်အကျိုးရှိသည်ဟု ယေဟောဝါလူများယုံကြည်ကြသည်။ (၂ တိ၊ ၃:၁၆၊ ၁၇) ထိုကြောင့် ၁၉၉၃ လုပ်ငန်းတော်နှစ်အတွက် တိုက်နယ်စည်းဝေးပွဲအစီအစဉ်၏အဓိကအချက်သည် “ဘုရားသခင့်နှုတ်ကပါဌ်တော်ကိုလက်ခံ၍ကျင့်သုံးခြင်းအားဖြင့် အကျိုးခံစားရခြင်း” ဖြစ်မည်။
၂ ဘုရားသခင့်နှုတ်ကပါဌ်တော်ကို ပိုမိုတန်ဖိုးထားတတ်ရန်၊ ကျွန်ုပ်တို့၏ဘဝကဏ္ဍအသီးသီးတွင် ပိုမိုပြည့်ဝစွာကျင့်သုံးဖို့အကူအညီဖြစ်စေရန် ဟောပြောချက်များ၊ သရုပ်ပြပွဲများ၊ တွေ့ကြုံမှုများ နှင့် လူတွေ့ခေါ်မေးခြင်းပုံစံမျိုးဖြင့် အားပေးတည်ဆောက်လိမ့်မည်။ စနေနေ့မွန်းလွဲပိုင်းအစီအစဉ်သည် အပန်းဖြေခြင်း၊ ပေါင်းသင်းမှု နှင့် ရုပ်ဝါဒအပေါ် မိသားစုမည်သို့သဘောထားသင့်သည့် ဆုံးမစကားနှင့်ပဲ့ပြင်မှုကို ဆွေးနွေးတင်ပြလိမ့်မည်။ လောကနှင့်မတူ၊ ယင်း၏အကျင့်ဆိုးများကိုအတုမယူ၊ လေးစားမှုမရှိ၊ ညစ်ညမ်းသောစကားကို မည်သို့ရှောင်ကြဉ်နိုင်မည်ကိုတင်ပြပါလိမ့်မည်။ ထို့ပြင် ဖတဆိုး၊ မိတဆိုးသားသမီးများနှင့် အိမ်ထောင်ပျက်သူမိဘများအတွက် အားပေးစကားများ ကြားနာရမည်။
၃ ထို့ပြင် စနေနေ့တွင် ဆက်ကပ်အပ်နှံခါစလူသစ်များသည် ယင်းနှင့်စပ်လျဉ်းသည့်ဟောပြောချက်ကိုကြားနာပြီးနောက် နှစ်ခြင်းခံယူခွင့်ရမည်။ တိုက်နယ်စည်းဝေးတွင်နှစ်ခြင်းယူလိုသူများသည် စောစောအကြောင်းကြားထားလျှင် အသင်းတော်ဦးစီးကြီးကြပ်မှူးသည် နှစ်ခြင်းခံမည့်သူများအတွက်မေးခွန်းများကို အကြီးအကဲများနှင့်လေ့လာရန် စီစဉ်ပေးနိုင်ပါလိမ့်မည်။
၄ တနင်္ဂနွေနေ့နံနက်အစီအစဉ်တွင် ဘုရားသခင့်နှုတ်ကပါဌ်တော်နှင့်အညီ ကျင့်ကြံခြင်းအားဖြင့် လောကနှင့်မတူကြောင်း တင်ပြနိုင်သည့်နည်းလမ်းများကို သုံးသပ်ပါမည်။ ကိုယ်ကိုယ်ကိုဆင်ယင်ပုံအရေးကြီးကြောင်း၊ စိတ်ကိုမညစ်ညူးစေရန် မည်သို့ပြုနိုင်ကြောင်းတို့ကိုလည်း သုံးသပ်ပါမည်။ မွန်းလွဲပိုင်းတွင် ခရိုင်ကြီးကြပ်မှူးက “သမ္မာကျမ်းစာသည် ကျမ်းစစ်ကျမ်းမှန်ဖြစ်ကြောင်း အဘယ်အမှတ်အသားရှိသနည်း” ဟူသည့်လူထုဟောပြောချက်ကို ဟောပြောပါမည်။ ဤကောင်းမွန်သောအစီအစဉ်ကို စိတ်ဝင်စားသူအားလုံးတက်ရောက်ရန် ဖိတ်ကြားလိုကြမည်။
၅ ဤတိုက်နယ်အစည်းအဝေးအစီအစဉ်ကို အဘယ်အချိန်၊ အဘယ်နေရာတွင်ကျင်းပလိမ့်မည်အကြောင်း နောက်မှကြေညာပါမည်။ ဘုရားသခင့်နှုတ်ကပါဌ်တော်၏သြဝါဒကိုလက်ခံ၍ကျင့်သုံးခြင်းအားဖြင့် အကျိုးခံစားရရန် တက်ရောက်ကြဖို့ အားပေးတိုက်တွန်းပါသည်။—ယာ၊ ၁:၂၂-၂၅။