ပြန်လည်ပတ်မှုများတွင် ထာဝစဉ်အသက်ရှင် စာအုပ်ကိုအသုံးပြုခြင်း

^၁ သမ္မာတရားကိုစိတ်ဝင်စားသူများအား ဝီရိယစိုက်ထုတ်၍ဂရုစိုက်ဖို့လိုကြောင်း တမန်တော်ပေါလုသိရှိခဲ့သည်။ မှန်မှန်ရေလောင်းပေး၍ ပြုစုပျိုးထောင်ပေးရန်လိုသည့် နုနယ်သောအပင်များနှင့် သူတို့ကိုနှိုင်းယှဉ်ခဲ့သည်။ (၁ ကော၊ ၃:၆-၉) ယနေ့လည်း ဝိညာဏတိုးတက်မှုအတွက် ပြုစုပေးရန် စိတ်ဝင်စားသူများထံ လည်ပတ်သွားသည့်အခါ တယုတယဂရုစိုက်ပြုစုမှုလိုအပ်ပါသည်။

^၂ ယခင်တစ်ခေါက်ကဆွေးနွေးခဲ့သည့်အကြောင်းကို ပြန်သတိရရန် သူတို့အား ထောက်ပေးဖို့လိုလိမ့်မည်အကြောင်း သိထားရန်လိုပါသည်။ ထိုကြောင့်ပြန်လည်ပတ်သွားသည့်အခါတိုင်း ယခင်တစ်ကြိမ်က ဘာအကြောင်းဆွေးနွေးခဲ့သည်ကို အတိုချုပ်ပြန်မေးမြန်းလျှင် ကောင်းပေမည်။ အိမ်ရှင်အထူးစိတ်ဝင်စားခဲ့သည့်အချက်များကို အာရုံပြုစေနိုင်ပါသည်။ ဆွေးနွေးခန်းတွင် အိမ်ရှင်အားပါဝင်စေပါ။ သူ၏စိတ်ဝင်စားရာများနှင့် လိုအပ်ချက်များကိုလည်း အကဲခတ်မိရန် သတိပြုပါ။

^၃ “ထာဝစဉ်အသက်ရှင်” စာအုပ်ကိုဝေငှနိုင်ခဲ့သည်ဖြစ်စေ၊ မဝေငှခဲ့သည်ဖြစ်စေ ပြန်လည်ပတ်မှုပြုရာတွင် သင်အံမှုစရန် ဤတိုက်ရိုက်ချဉ်းကပ်ပုံကို အသုံးပြုကောင်းအသုံးပြုလိုမည်။

▪ “ဤစာအုပ်ကိုအသုံးပြုခြင်းအားဖြင့် ကျမ်းစာမေးခွန်းများအတွက်အဖြေကို လူအများရရှိခဲ့ပါပြီ။” ထိုနောက် ထာဝစဉ်အသက်ရှင်စာအုပ်ပါ မာတိကာသို့ဖွင့်ပြီး ဤသို့ မေးနိုင်သည်။ “သင်စိတ်ဝင်စားဆုံးဖြစ်သည့်အကြောင်းက အဘယ်နည်း။” စိတ်ဝင်စားသည့်အခန်းသို့ဖွင့်ပြီး အပိုဒ်တိုင်းမှ ထူးခြားချက်များကို သဘောပေါက်စေရန် နံပါတ်တပ်ထားသည့်အပိုဒ်များသည် စာမျက်နှာတစ်ခုစီ၏အောက်တွင်ပါသော မေးခွန်းများနှင့် မည်သို့ညှိထားကြောင်းတင်ပြပါ။ အချက်အနည်းငယ်ကိုသာဆွေးနွေးပြီး နောက်တစ်ဖန်ပြန်လာဖို့ အသေအချာစီစဉ်ပါ။

^၄ အခြားချဉ်းကပ်နည်းတစ်နည်းကား၊

▪ “အရင်အပတ်က ကျမ်းစာဆွေးနွေးခွင့်ရတာ တကယ်ဝမ်းသာတယ်။ ကျွန်တော်တို့ ဘာကြောင့်ခဏခဏပြန်လာရသလဲလို့ စဉ်းစားနေကြသူများတယ်။ သင်သည် ကမ္ဘာ့ပရဒိသုတွင် ထာဝစဉ်အသက်ရှင်နိုင်သည်စာအုပ်၊ စာမျက်နှာ ၂၉ ကအချက်ကို သင်စိတ်ဝင်စားမယ်ထင်တယ်။ [အပိုဒ် ၁၁ ကိုဖတ်။] ဒီအတိုင်းဆိုရင် ကျွန်ုပ်တို့ရဲ့ဝတ်ပြုရေးကို ဘုရားသခင်လက်ခံနိုင်ဖို့ ဘာလိုမယ်ထင်သလဲ။ [ဖြေဆိုစေ၍ အိမ်ရှင်ကိုချီးမွမ်းပေးပါ။] ယေရှုခေတ်က မိမိတို့ဘာသာကို ဘုရားသခင်နှစ်သက်တယ်လို့ယူဆသူအချို့ရှိတယ်။ ဒီအခန်းရဲ့အပိုဒ် ၂ မှာသူတို့အကြောင်းဘယ်လိုပြောထားတယ်ဆိုတာကို သတိပြုပါ။” တင်ပြချက်များကိုဖတ်၍ ရှင်းပြပါ။

^၅ “ထာဝစဉ်အသက်ရှင်” စာအုပ်ကိုဝေငှခဲ့သည့်အိမ်သို့ ပြန်လည်ပတ်သွားသည့်အခါ ဤသို့ဆိုနိုင်သည်။

▪ “ဟိုတစ်ခေါက်က ပြောင်းလဲစရာလိုတဲ့ ကမ္ဘာ့အခြေအနေများအကြောင်း ကျွန်ုပ်တို့ဆွေးနွေးခဲ့တယ်။ ဆိုးသွမ်းမှုကို ဘုရားဘာကြောင့်ခွင့်ပြုခဲ့တယ်ဆိုတာကို ခင်ဗျားစဉ်းစားဖူးသလား။ ဖြေဆိုစေ၍ စာမျက်နှာ ၉၉၊ အပိုဒ် ၂ သို့ဖွင့်ပြီး လေ့လာရန်မေးခွန်းများကို သတိပြုစေပါ။ ဤအပိုဒ်ကိုဖတ်၍ဆွေးနွေးရာတွင် ကျမ်းချက်များကိုလည်း ဖွင့်ဖတ်ပါ။ ဆွေးနွေးခန်းတွင် ရုပ်ပုံများ၊ ဥပမာကိုဖွင့်ပြ၍ ဆွေးနွေးနိုင်သည်။ ဥပမာ စာမျက်နှာ ၇၈၊ ၈၄-၅၊ ၁၁၉၊ ၁၄၇၊ ၁၄၉-၅၃ နှင့် ၁၅၆-၈ တို့ဖြစ်သည်။

^၆ ဝေစာထားရစ်ခဲ့သောနေရာတွင်။ စစချင်းသွားခဲ့သည့်အချိန်က ဝေစာထားခဲ့သည့်အခါမျိုးရှိသည်။ ပြန်လည်ပတ်သွားသည့်အခါ ကိုးကားထားသည့်ကျမ်းချက်များနှင့်အတူ ဝေစာမှ အပိုဒ်တစ်ပိုဒ် သို့မဟုတ် နှစ်ပိုဒ်ကို ဆွေးနွေးနိုင်သည်။ ထိုနောက် ဝေစာတွင်ကိုးကားထားသောကျမ်းချက်များကို ထာဝစဉ်အသက်ရှင်စာအုပ်၌ အကျယ်တဝင့်ဆွေးနွေးတင်ပြထားကြောင်း ဖော်ပြပါ။ အိမ်ရှင်သည် စိတ်ဝင်စားပုံရှိလျှင် ထာဝစဉ်အသက်ရှင်စာအုပ်ကိုဝေငှလိုမည်။ နောက်တစ်ကြိမ်ပြန်လာသည့်အခါ ဆက်နွေးနွေးမည့်အကြောင်း စီစဉ်ထားနိုင်ပါသည်။

^၇ ခရစ်ယာန်ယုံကြည်ခြင်းနုနယ်သေးသည့်အပင်များကို သစ္စာရှိရှိဂရုစိုက်ပြုစုရေလောင်းပေးစဉ် မိမိဘုန်းတော်ထင်ရှားရေးအတွက် ဘုရားသခင်သည် အမှန်ကြီးထွားစေပါလိမ့်မည်။​—၁ ကော၊ ၃:၇။