လုပ်ငန်းတော် အခွင့်ထူး

^၁ တက္ကသိုလ်ကျောင်းကို ခြောက်နှစ်တက်ခဲ့သည့်ကာလအတွင်းထက် ကင်းမျှော်စင် နှင့် နိုးလော့ ကိုဖတ်ရှုခဲ့၍ တန်ဖိုးရှိအကြောင်းများ ပိုသိရှိခဲ့ရကြောင်း စာရှုသူတစ်ဦးပြောပါသည်။ ဤမဂ္ဂဇင်းများကို အချိန်အနည်းငယ်အတွင်းသာဖတ်ရှုပြီးနောက် ဤသို့သောကြည်နူးဖွယ်စကားများကို စိတ်ရင်းမှန်သောစာရှုသူများပြောကြသည်ကို ကြားလေ့ကြားထရှိသည်။ ယင်းမဂ္ဂဇင်းများကိုတန်ဖိုးထားတတ်သူများအား မှန်မှန်ပေးဖတ်နိုင်ခြင်းသည် အခွင့်ထူးလှသည်တကား။

^၂ သမ္မာတရားကို အနည်းအကျဉ်းစိတ်ဝင်စားသူများစွာတို့သည် အိမ်တွင်းကျမ်းစာသင်အံမှုလက်ခံသည်အထိ မတိုးတက်လာကြသေးပါ။ သို့သော် ကင်းမျှော်စင် နှင့် နိုးလော့ စောင်ရေတိုင်းကို သူတို့ထံ မှန်မှန်ပို့ပေးသူရှိမည်ဆိုလျှင် သူတို့၏စိတ်ဝင်စားမှုကို ပျိုးထောင်ပြုစုပေးနိုင်ပါလိမ့်မည်။ မှန်ပါသည်။ မဂ္ဂဇင်းလမ်းကြောင်း၌ မဂ္ဂဇင်းများကို မှန်မှန်ပို့ပေးခဲ့ခြင်းအားဖြင့် နောက်ဆုံး အိမ်တွင်းကျမ်းစာသင်အံမှု မှန်မှန်ပြုလုပ်ရန် သဘောတူညီခဲ့ကြပေပြီ။

^၃ ကိုယ်တိုင် မဂ္ဂဇင်းများကိုကြိုတင်ဖတ်ထားပြီး မဂ္ဂဇင်းလမ်းကြောင်းရှိသူတစ်ဦးစီ စိတ်ဝင်စားရာများကို သတိပြုထားမည်ဆိုလျှင် မဂ္ဂဇင်းလမ်းကြောင်းမှ ကိုယ်ကိုယ်တိုင် အကျိုးခံစားရပါသည်။

^၄ တစ်အိမ်မှတစ်အိမ်လုပ်ငန်းတွင် မဂ္ဂဇင်းများကို လက်ခံယူသည့်အခါ စိတ်ဝင်စားမှုအမှန်တင်ပြမည်ဆိုလျှင် ကျွန်ုပ်တို့၏မဂ္ဂဇင်းများ၌ စိတ်ဝင်စားစရာအကြောင်းများ နှစ်ပတ်တစ်ကြိမ် အမြဲပါဝင်ကြောင်းရှင်းပြကာ လာပို့ပေးစေလိုလျှင် ပို့ပေးနိုင်ကြောင်း တင်ပြပါ။ ထိုသို့လည်း မှန်မှန်ပြုလုပ်ပေးပါ။ ရောက်သည့်အခါတိုင်း အခွင့်ကောင်းယူကာ အိမ်ရှင်အား ကျမ်းစာအကြောင်းတစ်ခုခုကို ဆွေးနွေးတင်ပြပါ။ ဤလုပ်ငန်းတော် အခွင့်ထူးမှ သင်ပျော်ရွှင်မှု အမှန်ရရှိပါလိမ့်မည်။