ထိရောက်သောပြန်လည်ပတ်မှုများပြုလုပ်ခြင်းအားဖြင့် စိတ်ဝင်စားမှု တိုးပွားစေပါ

^၁ ကောင်းစွာပြင်ဆင်ထားသောဟောပြောချက်တိုင်း၌ စိတ်ဝင်စားမှုကို နှိုးဆွပေးသောနိဒါန်း၊ သိသင့်သိအပ်သောအချက်များပါသည့် ကိုယ်မနှင့် လှုံ့ဆော်မှုဖြစ်စေသောနိဂုံးတို့ ပါဝင်သည်။ နိဒါန်းသည် ပရိသတ်၏အာရုံကိုဆွဲငင်ပေးသော်လည်း ကိုယ်မနှင့်နိဂုံးမပါလျှင် ဟောပြောချက်သည် မပြည့်စုံနိုင်ပါ။ ကျွန်ုပ်တို့ဓမ္မအမှုဆောင်ရွက်ခြင်းကိစ္စ၌လည်း ထပ်တူမူဝါဒကို အသုံးပြုနိုင်ပါသည်။ ပထမလည်ပတ်ချိန်တွင် အိမ်ရှင်၏စိတ်ဝင်စားမှုကိုနှိုးဆွပေးခြင်းသည် အလွန်ကောင်းပေသည်။ သို့သော် ထိရောက်သောပြန်လည်ပတ်မှုများပြုလုပ်ခြင်းအားဖြင့် စစဦးဆုံးတွေ့ရှိခဲ့သောစိတ်ဝင်စားမှုကို တိုးပွားစေရမည်။

^၂ ဆင်းရဲဒုက္ခကို ဘုရားသခင် အဘယ်ကြောင့်ခွင့်ပြုရသနည်း။ စဉ်းစားစရာမေးခွန်းပါတကား။ ယနေ့လူအများ ဤအကြောင်းကိုသိလိုနေကြသည်မဟုတ်လော။ ယင်းကြောင့် အထက်ပါဆောင်းပါးတွင် ပထမအကြိမ်လည်ပတ်ချိန်တွင် ဤအမေးကိုတင်ပြခြင်းအားဖြင့် ပြန်လည်ပတ်မှုပြုသည့်အခါ ဖြေဆိုပေးရန် စောင့်မျှော်နေစေရန် အကြံပြုထားခြင်းဖြစ်သည်။

^၃ ဤသို့သင်ပြောဆိုနိုင်မည်။

◼ “မင်္ဂလာပါ။ အရင်တစ်ခါက ဆင်းရဲခြင်းကို ဘုရားသခင်ဘာကြောင့်ခွင့်ပြုထားကြောင်း ပေါ်လာပြီး အဲ့ဒီအကြောင်းကို ဆွေးနွေးဖို့ ပြန်လာမယ်လို့ ကတိပေးခဲ့တယ်။ လူကို ဘုရားသခင်တကယ်စိတ်ဝင်စားမယ်ဆိုရင် ဆင်းရဲဒုက္ခကို အဆုံးသတ်ပေးလိမ့်မယ်လို့ လူအတော်များများယူဆတယ်။ ခင်ဗျားလည်း အဲ့ဒီလိုဘဲ ယူဆနေမယ်။ [အိမ်ရှင်အားဖြေပါစေ။] ဘုရားသခင်ဟာ လူကိုတကယ်စိတ်ဝင်စားတယ်လို့ ကျမ်းစာဆိုတယ်။ [၁ ယောဟန် ၄:၈ ဖတ်ပါ။] အခုအထိ ဆင်းရဲခြင်းကို ဘုရားသခင်ခွင့်ပြုထားဒါ အကြောင်းကောင်းများရှိပါတယ်။ အကြောင်းတစ်ခုကို ၂ ပေတရု ၃:၉ မှာဖော်ပြထားတယ်။ [ဖတ်ပါ။] အခြားအကြောင်းများကို ဒီဘရိုရှာထဲမှာ အကြမ်းအားဖြင့်ဖော်ပြထားတယ်။” ထိုနောက် ဘုရားသခင်သည် ကျွန်ုပ်တို့အား အမှန်ပင် ဂရုစိုက်တော်မူသလော ဘရိုရှာ၏ စာမျက်နှာ ၁၂-၁၄ ကိုဖွင့်၍ စိတ်ဝင်စားစရာအချက်တစ်ခုကို ဆွေးနွေးပါ။

^၄ အိမ်ရှင်အချို့မူကား ထိုထက်အသေအချာရှင်းပြစရာလိုမည်ဖြစ်၍ သူတို့ကျေနပ်လောက်သောအဖြေရရှိရန် အကြိမ်ကြိမ်ပြန်လည်ပတ်စရာ လိုကောင်းလိုမည်။ ဇန်နဝါရီလအတွင်း ဝေငှမည့် ၁၉၂ မျက်နှာရှိစာအုပ်တိုင်းတွင်ပင် ယင်းအကြောင်းနှင့်စပ်လျဉ်း၍ ဆက်ဆွေးနွေးနိုင်စရာအကြောင်းတစ်ခုခုပါရှိပါသည်။

^၅ ဆွေးနွေးခန်းအဆုံးတွင် မေးခွန်းနောက်တစ်ခုဖော်ပြကာ ပြန်လာသည့်အခါ စိတ်ဝင်စားစရာအကြောင်းတို့ကို တင်ပြလိုကြောင်း အိမ်ရှင်ကိုပြောပြခဲ့ပါ။ လူသေလွန်သည့်အခါ မည်သို့ဖြစ်သည်ကို များစွာသောလူများသိလိုကြသည်။ အဆင်ပြေသည့်အချိန်တွင် ယင်းအကြောင်းကိုဆွေးနွေးရန် စီစဉ်နိုင်သည်။

^၆ အခြေခံမူဝါဒသုံးခုကို မှတ်မိထားလျှင် အထောက်အကူဖြစ်ပေမည်။ လိုက်လျောညီထွေပြုတတ်ပါ။ အိမ်ရှင်သည် ကျမ်းစာအကြောင်းဆွေးနွေးရန် အချိန်ကန့်သတ်ထားကျင့်ရှိချင်မှရှိမည်။ တိုတိုတုတ်တုတ်ဖြစ်ပါ။ အစပထမတွင် ကြာမြင့်စွာနေလွန်းခြင်း၊ အချက်အမျိုးမျိုးကို ဆွေးနွေးခြင်း မပြုပါနှင့်။ အချိန်တိုကလေးအတွင်း အချက်အနည်းငယ်ကိုသာ ဆွေးနွေးတင်ပြပါက သင့်လည်ပတ်မှုများကို လက်ခံလိုကြလိမ့်မည်။ ရင်းနှီးခင်တွယ်မှုရှိပါ။ အိမ်ရှင်၏အကျိုးကို သင်လိုလားကြောင်း သိနားလည်စေပါ။

^၇ ကျွန်ုပ်တို့၏လောလောဆယ်ပန်းတိုင်မှာ အိမ်ရှင်နှင့် ကျမ်းစာဆွေးနွေးလိုခြင်းဖြစ်သည်။ ထိုနောက် တိုးတက်မှုရှိသော အိမ်တွင်းကျမ်းစာသင်အံမှုကို ထာဝစဉ်အသက်ရှင် အစရှိသည့် သင့်တော်သောစာအုပ်တစ်အုပ်နှင့် စတင်လိုခြင်းဖြစ်ပါသည်။ ထိရောက်သောပြန်လည်ပတ်မှုများကိုပြုလုပ်ခြင်းအားဖြင့် အစပထမတွေ့ရှိခဲ့သောစိတ်ဝင်စားမှုကို တဖြည်းဖြည်း တိုးပွားများပြားလာစေနိုင်သည့်အခါ သင်ပျော်ရွှင်မှုများစွာရရှိပါလိမ့်မည်။