အကြီးမြတ်ဆုံးလူသားစာအုပ်ကို ဝေငှခြင်းငှာဝေစာများ အသုံးပြု

^၁ ဇွန်လအတွင်း အသက်ရှင်ခဲ့သမျှတွင် အကြီးမြတ်ဆုံးလူသား စာအုပ်ကို စိတ်ဝင်စားကြရန် ကြေညာသူများသည် ဝေစာများအသုံးပြုကြလိမ့်မည်။ ပထမအကြိမ် သွားရောက်ရာတွင် အိမ်ရှင်အချို့သည် ဤသို့ချဉ်းကပ်ပြီး စာအုပ်ဝေငှနည်းကို သဘောကျပေမည်။

^၂ ဤလောက ဆက်လက်တည်ရှိမည်လော။ စကားစမြည်စတင်ပေးရာတွင် ဝေစာများသည် အလွန်အကူအညီဖြစ်သည်။ ဝေစာများပါ အဓိပ္ပာယ်လေးနက်သောအကြောင်းများသည် သူတို့နှင့်တိုက်ရိုက်သက်ဆိုင်သည့်အတွက် အိမ်ရှင်များစိတ်ဝင်စားစရာဖြစ်လိမ့်မည်။

ဥပမာ၊ သင်ဤသို့ပြောဆိုနိုင်သည်။

▪ “လူတွေနဲ့စကားပြောဆိုတဲ့အခါ . . . [နောက်ဆုံးသတင်းတစ်ရပ်ကိုရွေး] အကြောင်းကို စိုးရိမ်နေကြတာ သတိပြုမိတယ်။ ကမ္ဘာ့အခြေအနေတွေကလည်း ဆိုးသထက်ဆိုးနေပုံရှိတယ်။ ဒီလောက တည်ရှိနိုင်အုံးမလားဆိုပြီး တစ်ချို့ကတောင်ထင်တယ်။ အဲ့ဒါကို ဘယ်လိုသဘောရသလဲ။ [အိမ်ရှင်ဖြေဆိုပါစေ။ လူအများ အပြုသဘောရှိကြသည်။] အားရှိစရာအကြောင်းတစ်ခုကို ဖတ်ဖူးလို့ အဲ့ဒါကို ပေးဖတ်ချင်တယ်။ ဒီဝေစာထဲမှာပါတယ်။ [ဤလောက ဆက်လက်တည်ရှိမည်လောဝေစာကို အိမ်ရှင်အားလှမ်းပေးစဉ် တစ်ခုကို လက်ထဲကိုင်ထားပါ။] အဲ့ဒီအကြောင်း ယေရှုဘယ်လိုပရောဖက်ပြုခဲ့တယ်ဆိုတာကို သတိထားပါ။ . . .။” သင့်နိဒါန်းတွင်ပါသည့် နောက်ဆုံးသတင်းနှင့်တိုက်ဆိုင်သော စာမျက်နှာ ၄၊ သို့မဟုတ် ၅ မှအပိုဒ်တစ်ပိုဒ်ကိုဖတ်ပါ။ ထိုနောက် အကြီးမြတ်ဆုံးလူသား စာအုပ်ကိုကမ်းလှမ်းပေမည်။ အဆင်ပြေပုံရှိလျှင် အခန်း ၁၁၁ တွင်ပေါ်လွင်စေသည့် ယေရှု၏ပရောဖက်ပြုချက်ပါ ထပ်ဆင့်အကြောင်းကို ဖွင့်ပြပေးပါ။ နောက်တစ်ကြိမ်ပြန်လာသည့်အခါ ဆွေးနွေးရန် အကြောင်းတစ်ခုနှင့်ပတ်သက်၍ မေးခွန်းတစ်ခုမေးမြန်းထားရန် သတိပြုပါ။

^၃ ကမ္ဘာသစ်တွင် ငြိမ်းချမ်းသောအသက်တာ။ ငြိမ်းချမ်းသောကမ္ဘာပေါ်အသက်ရှင်ခြင်းသည် သင့်အတွက် အဘယ်အဓိပ္ပာယ်ရှိသနည်း။ အများအားဖြင့်ဆိုလျှင် လူတို့သည် ထည်ဝါသောမြစ်ကြီးမြစ်ငယ်များနှင့် အေးမြသောလျှိုမြောင်များတွင် နှစ်လိုဘွယ်တိရစ္ဆာန်များ သင့်တင့်စွာအတူတူနေထိုင်နေသည့် ရှုခင်းများကို တွေးမိကြသည်။ ငြိမ်းချမ်းသောကမ္ဘာရောက်ရှိလာမည့်အကြောင်းသည် လက်ရှိကမ္ဘာ့အခြေအနေကြောင့် စိတ်ဆင်းရဲနေသူများအတွက် စိတ်လန်းဆန်းဖွယ်ဖြစ်ပေလိမ့်မည်။

^၄ သင့်အိမ်နီးချင်းများ၊ အလုပ်လုပ်ဘက်များနှင့် တစ်အိမ်မှတစ်အိမ်သွားရာတွင် ဆုံတွေ့သူများအား စိတ်လန်းဆန်း၊ ကြည်နူးဖွယ်ရာသတင်းတစ်ခုကိုပြောပြရန် အသင့်ရှိပါသလော။

“ကမ္ဘာသစ်တွင် ငြိမ်းချမ်းသောအသက်တာ” ဝေစာကိုအသုံးပြုကာ ဤသို့ပြောဆိုနိုင်မည်။

▪ “ဒီဝေစာဖေါ်ပြထားတဲ့အတိုင်း တစ်နေ့ကျရင် လူတွေငြိမ်းချမ်းစွာနေထိုင်နိုင်မယ်လို့ ခင်ဗျားထင်သလား။ [အိမ်ရှင်ဖြေဆိုပါစေ။] စာမျက်နှာ ၂ ပါပထမအပိုဒ်ရှိ နောက်ဆုံးဝါကျကို ကျေးဇူးပြု၍ကြည့်ပါ။ ‘သို့သော် ဤအခြေအနေများ မြေကြီးပေါ်တွင်ဖြစ်လာလိမ့်မည်ဟု ယုံကြည်ခြင်းသည် အိပ်မက်၊ သို့မဟုတ် စိတ်ကူးယဉ်မျှသာလော။’ [ထိုနောက် ဝေစာပါ နောက်အပိုဒ်ကိုဖတ်။] ကောင်းကင်သစ်၊ မြေကြီးသစ်အကြောင်း ကိုးကားချက်ဟာ ကျမ်းစာထဲက၊ ၂ ပေတရု ၃:၁၃ ဖြစ်တယ်။ အဆင်ပြေမယ်ဆိုရင် ကျမ်းစာယူလာပြီး ဆာလံ ၁၀၄:၅ ကိုဖတ်တဲ့အခါ ကမ္ဘာ့အနာဂတ်အကြောင်း ပိုသိရလိမ့်မည်။” သို့မဟုတ် သင့်ကျမ်းစာမှ ထိုအခန်းငယ်ကို ဖတ်ပြနိုင်မည်။ ထို့နောက် အကြီးမြတ်ဆုံးလူသား စာအုပ်ကိုဝေငှစဉ် အခန်း ၁၃၃ သို့ညွှန်း၍ဆွေးနွေးနိုင်သည်။

^၅ ပျိုးလိုက်သောမျိုးစေ့ကို ‘ရေလောင်း’ ပေးခြင်းငှာ နောက်ထပ်အကြိမ်ကြိမ်ပြန်လည်ပတ်ရန်လိုမည်။ (၁ ကော၊ ၃:၆၊ ၇) အောက်ပါဆောင်းပါးတွင် အကြီးမြတ်ဆုံးလူသား စာအုပ်ဖြင့် ပထမအကြိမ်ရောက်ချိန်၊ သို့မဟုတ် ပြန်လည်ပတ်သွားချိန်တွင် သင်အံမှု မည်သို့စတင်နိုင်မည်အကြောင်း သိရှိရမည်။