မေးခွန်းသေတ္တာ

▪ အသင်းတော်စာအုပ်ကြီးသင်တန်းများကို အဘယ်အချိန်တွင် ကျင်းပသင့်သနည်း

နိုင်ငံတော်ခန်းမတွင် အားလုံးစည်းဝေးမည့်အစား အသင်းတော်ရပ်ကွက်အတွင်း နေရာအနှံ့တွင် စာအုပ်ကြီးသင်တန်းအုပ်စုများစွာကျင်းပခြင်းသည် အများအားဖြင့် ပိုလက်တွေ့ကျသည်သာမက အဆင်ပိုပြေပါသည်။ တက်ရောက်ကြမည့်သူ အများစုအတွက် အဆင်အပြေဆုံးအချိန်တွင် ဤသင်တန်းများကို ကျင်းပသင့်ပါသည်။ အများအားဖြင့် အခြားအစည်းအဝေးများ၊ သို့မဟုတ် လုပ်ငန်းတော်အစီအစဉ်များ မရှိသည့်ညနေချိန်တွင် ကျင်းပမည်ဖြစ်သည်။ သို့ရာတွင် မိုးချုပ်လျှင် အိမ်ပြင်မထွက်ဝံ့သော သက်ကြီးရွယ်အိုများနှင့် ညပိုင်းအလုပ်လုပ်သူများအတွက် နေ့လည်ချိန်တွင် စာအုပ်ကြီးသင်တန်း စီစဉ်ပေးလျှင် အကျိုးရှိပေမည်။ အချို့အခြေအနေများတွင် စနေ၊ တနင်္ဂနွေ နေ့လည်ပိုင်းတွင် သင်တန်းကျင်းပခြင်းသည် လက်တွေ့ကျပေမည်။

စိတ်ဝင်စားသူများနှင့် “ကြေညာသူ အများစုအတွက် အဆင်ပြေ” မည့် စည်းဝေးအချိန်များကို အကြီးအကဲများသည် စုံစမ်းမေးမြန်းပြီး သတ်မှတ်ပေးနိုင်ပါသည်။ (ဓအ ၇၈) ရွေးချယ်သည့်နေ့ရက်နှင့်အချိန်သည် လယ်ကွင်းလုပ်ငန်းအစီအစဉ်များကို အနှောင့်အယှက်ပြုခြင်း၊ သို့မဟုတ် ကန့်သတ်လျော့နည်းစေခြင်းမပြုသည့်အချိန် ဖြစ်သင့်သည်။