အသင်းတော်စာအုပ်ကြီးသင်တန်းသည် ပညာပေးဆိုင်ရာလုပ်ငန်းများကို တိုးမြှင့်ပေး

^၁ အသင်းတော်စာအုပ်ကြီးသင်တန်းသည် ယေဟောဝါအဖွဲ့အစည်း၏ ပညာပေးရေးအစီအစဉ်တွင် အရေးကြီးကဏ္ဍတစ်ခုဖြစ်သည်။ ရပ်ကွက်အနှံ့အပြားတွင် စာအုပ်ကြီးသင်တန်းအုပ်စုများကို စီစဉ်ထားရာ အားလုံးတက်ရောက်နိုင်ကြဖို့ အဆင်ပြေစေပါသည်။ မိမိနေရာရပ်ကွက်တွင် သင်တန်းရှိသည့်အတွက် စိတ်ဝင်စားသူများသည် တက်ရောက်ရန် ဖိတ်ခေါ်ချက်ကို အလွယ်တကူလက်ခံပေမည်။

^၂ အုပ်စုတစ်ခုစီတွင် လူမများစေရန် ကြိုးစားကွပ်ကဲထားသည်။ ဤသို့အားဖြင့် သင်တန်းကိုင်သူသည် တစ်ဦးစီကို ကူညီပေးနိုင်ခွင့်ရပေမည်။ အားလုံး၏ သင်ယူနှုန်းသည် မတူပါ။ အကြောင်းတစ်ခုကို ကြိုတင်လေ့လာထားလျက်နှင့် အချက်တစ်ချက်ကို နားမလည်နိုင်သူရှိလျှင် သင်တန်းကိုင်သူသည် သင်တန်းပြီးနောက် ရှင်းပြလိုပေမည်။ ထို့ပြင် လူနည်းစုဖြစ်သောကြောင့် အဖြေပေးရန်၊ ကျမ်းချက်များဖတ်ရန် အခွင့်အရေးပိုများများရလိမ့်မည်။ မှန်မှန်ဖြေဆိုခြင်းအားဖြင့် ဆွေးနွေးနှီးနှောမှုကို အထောက်အကူပြုသလော။ ကိုယ်ပိုင်စကားဖြင့် ဖြေဆိုပါသလော။ ပါဝင်ရန် အသင့်ရှိခြင်းက အသင်နှင့်အခြားသူများကိုပါ အကျိုးရှိစေမည်။ ပြင်ဆင်ရာတွင် သင်တန်းမှ အချက်အချို့ကို ကိုယ်ကိုယ်တိုင် မည်သို့ကျင့်သုံးနိုင်မည်ကို ခွဲခြားသိမြင်နိုင်ရန် ဆင်ခြင်ပိုင်းဖြတ်ပါ။—ဟေ. ၅:၁၄။

^၃ စာအုပ်ကြီးသင်တန်းမှူး အသုံးပြုသည့် သွန်သင်နည်းများကို လေ့လာခြင်းအားဖြင့် အိမ်တွင်းကျမ်းစာသင်အံမှုများကို ပိုစိတ်ဝင်စားစွာ၊ သွန်သင်နည်း ပိုကောင်းစွာ မည်သို့ပြုလုပ်ပေးနိုင်ကြောင်း သင်ယူနိုင်သည်။ အရည်အချင်းရှိ ညီအစ်ကိုတစ်ဦးသည် အပိုဒ်များကို ဖတ်ရှုပြီးနောက် မေးခွန်းများကို ဆွေးနွေးကြသည်။ သင်တန်းမှူးက ကြားနိုင်လောက်သော အဖြေများပေးရန် အားလုံးကို အားပေးသည်။ အချိန်ရသ၍ ကိုးကားထားသည့်ကျမ်းချက်များ၏ သက်ဆိုင်ပုံကို သိနားလည်စေရန် မေးခွန်းမေး၍ ဖြေဆိုခွင့်ပေးသည်။ (နေဟမိ ၈:၈ နှိုင်းယှဉ်။) တစ်ခါတစ်ရံ သူကိုယ်တိုင် လိုရင်းတိုရှင်း ဖြေဆိုပေမည်။ သို့မဟုတ် အဓိကအချက်တစ်ခုကို ပေါ်လွင်စေရန် အရန်မေးခွန်းများကို မေးပေမည်။ ဥပမာတစ်ခုပေးခြင်းဖြင့် ထိုအကြောင်းအရာသည် ကျွန်ုပ်တို့၏ဘဝအသက်တာနှင့် မည်သို့သက်ဆိုင်ကြောင်း သဘောပေါက်လာပေမည်။

^၄ အချို့အသင်းတော်စာအုပ်ကြီးသင်တန်းကို တက်ရောက်သူအရေအတွက်သည် အလွန်နည်းသည်။ အသင် မှန်မှန်တက်ပါသလော။ မတက်လျှင် အရေးကြီးပြင်ဆင်ချက်တစ်ခုကို သင်လက်လွတ်နေသည်။ စာအုပ်ကြီးသင်တန်းအစီအစဉ်သည် ကျွန်ုပ်တို့အား ယေဟောဝါဂရုစိုက်နေကြောင်း ဖော်ပြသည့် နည်းတစ်နည်းဖြစ်သည်။ (၁ ပေ. ၅:၇) ကျွန်ုပ်တို့သည် ဝိညာဉ်ခွန်အားရှိရန် အသိဉာဏ်ပညာ တိုးတက်စေလိုတော်မူသည်။ တစ်ဖက်ကကြည့်ပြန်လျှင် ကျွန်ုပ်တို့သည် ယေဟောဝါနှင့် ကိုယ်တော်၏အဖွဲ့အစည်းတွင် အသုံးခံရသူမဖြစ်စေရန်စာတန်သည် ကျွန်ုပ်တို့၏ဝိညာဏကြီးထွားမှုကို နှောင့်နှေးစေပြီး အားနည်းစေသည်။ ယင်းသို့ မဖြစ်စေပါနှင့်! ဤခင်မင်ရင်းနှီးသောအုပ်စုလေးတွင်ရှိနွေးထွေး၊ မေတ္တာပါသောအသိုင်းအဝိုင်းက၊ သင့်နှလုံးထိမိစေပြီး ယေဟောဝါအား ဆက်ချီးမွမ်းနေရန် စေ့ဆော်မှုကို ဖြစ်စေပါ။—ဆာလံ ၁၁၁:၁ နှိုင်းယှဉ်။

^၅ ကြေညာသူများအတွက် လုပ်ငန်းတော်အစည်းအဝေးများကို အဆင်ပြေသည့် စာအုပ်ကြီးသင်တန်းအုပ်စုအများတွင် စီစဉ်လေ့ရှိသည်။ ယင်းတို့သည် ရက်သတ္တပတ်အလည်၊ ရက်သတ္တပတ်အဆုံး၊ သို့မဟုတ် ညနေပိုင်း သက်သေခံခြင်းလုပ်ငန်းအတွက် ဖြစ်ကောင်းဖြစ်မည်။ ရပ်ကွက်အလုံအလောက်ရှိပြီး လယ်ကွင်းတွင် ဦးဆောင်မည့်သူတစ်ဦး ရှိနေရန် စာအုပ်ကြီးသင်တန်းမှူးက စီစဉ်ပေးပါမည်။ လယ်ကွင်းလုပ်ငန်းအတွက် အစည်းအဝေးများသည် ၁၀-၁၅ မိနစ်ထက်မကြာသင့်ပါ။ နေ့စဉ်ကျမ်းချက်သည် ဟောပြောခြင်းလုပ်ငန်းနှင့်သက်ဆိုင်လျှင် သင်တန်းမှူးသည် ယင်းကိုအကျဉ်းချုပ်သုံးသပ်ပြီးနောက် လယ်ကွင်းလုပ်ငန်းအတွက် အကြံပြုချက် တစ်ခုနှစ်ခု၊ သို့မဟုတ် လက်ရှိဝေငှမှုအတွက် သရုပ်ပြကလေးတစ်ခုကို တင်ဆက်လိုပေမည်။

^၆ သင်တန်းမှူးသည် မိမိအုပ်စုရှိသူ တစ်ဦးစီနှင့် တွဲဖက်အမှုဆောင်ဖြစ်ရန်၊ သင့်တော်သလို အားပေး၊ လေ့ကျင့်ပေးဖြစ်ရန် ကြိုးစားပါလိမ့်မည်။—မာကု ၃:၁၄ နှိုင်းယှဉ်; လုကာ ၈:၁။