နိုဝင်ဘာလတွင် ဝေငှမည့် အထူးထုတ်နိုးလော့!

^၁ လူများစွာသည် သမ္မာကျမ်းစာ၏တန်ဖိုးနှင့်ပတ်သက်၍ စိတ်ရင်းမှန်ဖြင့် မေးခွန်းထုတ်ကြသည်။ ‘ကျမ်းစာကို လူသားများ ရေးသားခဲ့ခြင်းဖြစ်ပါက ဘုရားသခင့်နှုတ်ကပါဌ်တော်ဟု အဘယ်ကြောင့်ခေါ်ဆိုနိုင်မည်နည်း။ ကျွန်ုပ်တို့ကိုလမ်းညွှန်ပေးရာတွင် ကျမ်းစာကို အဘယ်ကြောင့် ယုံကြည်အားထားသင့်သနည်း။ ကျမ်းစာကို အချိန်ပေးပြီး ကြိုးစားလေ့လာမည်ဆိုလျှင် အဘယ်အကျိုးကျေးဇူးများ ရရှိမည်နည်း။ မည်သည့်ကျမ်းစာကို အသုံးပြုသင့်သနည်း။’ “သမ္မာကျမ်းစာကို သင်ယုံကြည်စိတ်ချနိုင်သလော” ခေါင်းစဉ်ရှိ နိုဝင်ဘာလထုတ်နိုးလော့!အထူးထုတ်တွင် ထိုမေးခွန်းများကို ဖြေဆိုထားပါသည်။

^၂ ဤအထူးထုတ်နိုးလော့!ကို ရပ်ကွက်တွင် နှံ့နှံ့စပ်စပ်ဝေငှလိုကြပါသည်။ ဖြစ်နိုင်မည်ဆိုလျှင် နိုဝင်ဘာလအတွင်း စနေနေ့တိုင်း အသင်းတော်လိုက် တစ်အိမ်မှတစ်အိမ်ဓမ္မအမှုတွင် ဝေငှပါ။ သင့်ဆွေမျိုး၊ အိမ်နီးချင်း၊ အလုပ်ဖော်၊ ကျောင်းဆရာ၊ ကျောင်းနေဖက်နှင့် ပြန်လည်ပတ်မှုများကို ဝေငှပါ။ ဈေးဝယ်ထွက်စဉ်နှင့် ခရီးသွားစဉ် ယူဆောင်သွားပါ။ အကြီးအကဲများသည် ထိုစာပေများကို ပိုတောင်းခံထားရာ အသင်းတော်တွင် စာပေအလုံအလောက်ရှိမည်ဖြစ်သည်။

^၃ ကျမ်းစာသင်အံမှုတစ်ခု စတင်ပါ– မဂ္ဂဇင်းဝေငှသည့်အခါ ကျမ်းစာသင်အံမှုအတွက် လမ်းခင်းပေးနိုင်သည်။ ဥပမာ၊ “နောက်တစ်ခါလာတဲ့အခါ ‘ကမ္ဘာမြေအတွက် ဘုရားသခင့်ရည်ရွယ်ချက်ကဘာလဲ’ ဆိုတဲ့မေးခွန်းနဲ့ပတ်သက်ပြီး ကျမ်းစာမှာဘာပြောထားလဲဆိုတာ ပြောပြချင်တယ်” ဟုပြောနိုင်သည်။ ထို့နောက် နောက်တစ်ကြိမ်လည်ပတ်ချိန်တွင် ၂၀၀၇၊ ဇွန် ၁ ကင်းမျှော်စင် စာမျက်နှာ ၃၊ အပိုဒ် ၁-၃ ကိုဆွေးနွေးပါ။ နောက်တစ်နည်းမှာ “နောက်တစ်ခါလာတဲ့အခါ အခုပြည့်စုံနေတဲ့ ကျမ်းစာပရောဖက်ပြုချက်တစ်ခုကို ပြောပြချင်တယ်” ဟုပြောနိုင်သည်။ ထို့နောက် ပြန်သွားသည့်အခါ ၂၀၀၇၊ ဇူလိုင် ၁၅ ကင်းမျှော်စင် စာမျက်နှာ ၃၊ အပိုဒ် ၁-၃ ကိုဆွေးနွေးပါ။ သို့မဟုတ် ဤသို့ရိုးရိုးလေးပြောနိုင်သည်– “ကျမ်းစာမှာပါတဲ့အရာတွေကို လူအတော်များများက နားမလည်ကြဘူး။ ကျမ်းစာကို ပိုနားလည်အောင် ဘယ်လိုလုပ်ရမလဲဆိုတာ နောက်တစ်ခါပြန်လာတဲ့အခါ ပြောပြချင်တယ်။” ပြန်သွားချိန်တွင် သမ္မာကျမ်းစာသွန်သင်ရာစာအုပ်မှ အကြောင်းအရာများပါဝင်သော အထူးထုတ်ကင်းမျှော်စင်တစ်စောင်ကို ဝေငှပြီး သင်အံမှုကျင်းပပုံကို သရုပ်ပြပါ။

^၄ သမ္မာကျမ်းစာသာလျှင် “ကယ်တင်ခြင်းအလို့ငှာ ပညာကိုပေးနိုင်” သည်။ (၂ တိ. ၃:၁၅) ထို့ကြောင့် သမ္မာကျမ်းစာကို လူတို့ယုံကြည်စိတ်ချလာရန် ကူညီပေးဖို့ ဤအထူးထုတ်နိုးလော့!ကို ကျွန်ုပ်တို့အားလုံး ဇွဲထက်သန်စွာ ဝေငှလိုကြပါသည်။