“လူတစ်ဦးရဲ့စိတ်ဝင်စားမှုကိုနှိုးဆွပေးနိုင်တဲ့ ဘယ်မဂ္ဂဇင်းအဟောင်း ဒါမှမဟုတ် ဘယ်ဘရိုရှာကိုမဆို ဝေငှပါ”

သမ္မာကျမ်းစာသွန်သင်ရာစာအုပ်ကို ဝေငှတဲ့ လတွေအတွင်း ဦးဆုံးတွေ့ဆုံချိန်မှာ ကျမ်းစာသင်အံမှုစဖို့ ကျွန်တော်တို့ ကြိုးစားကြတယ်၊ အိမ်ရှင်မှာ အဲဒီစာအုပ်ရှိထားပြီဖြစ်ပေမဲ့ သင်အံမှုကို လက်မခံသေးဘူးဆိုရင် “သူ့ရဲ့စိတ်ဝင်စားမှုကိုနှိုးဆွပေးနိုင်တဲ့ ဘယ်မဂ္ဂဇင်းဟောင်း ဒါမှမဟုတ် ဘယ်ဘရိုရှာကိုမဆို ဝေငှ” ပါ။ ဘာကြောင့်လဲ။

ဘရိုရှာတွေနဲ့ မဂ္ဂဇင်းဟောင်းတွေမှာ အခန့်သင့်အကြောင်းအရာမျိုးစုံ ပါဝင်ပါတယ်။ အဲဒီစာပေတွေထဲက အကြောင်းအရာတစ်ခုခုက အိမ်ရှင်ရဲ့နှလုံးကို ထိမိနိုင်တယ်။ ဒါကြောင့် အမှုဆောင်ထွက်ဖို့ ပြင်ဆင်နေပြီဆိုရင် ဘရိုရှာမျိုးစုံနဲ့ မဂ္ဂဇင်းအဟောင်းတွေကိုပါ ထည့်ထားပါ။ သင့်မှာ မဂ္ဂဇင်းအဟောင်းတွေမရှိဘူးဆိုရင် မဂ္ဂဇင်းကောင်တာကနေ ရယူနိုင်ပါတယ်။ တကယ်လို့ အိမ်ရှင်က သမ္မာကျမ်းစာသွန်သင်ရာစာအုပ်ကို ရထားပြီဖြစ်ပေမဲ့ ကျမ်းစာသင်အံမှုလက်မခံသေးဘူးဆိုရင် သင့်မှာပါလာတဲ့မဂ္ဂဇင်းနဲ့ ဘရိုရှာတချို့ကို ပြပြီး သူစိတ်ဝင်စားတာတွေကို ယူစေပါ။ အဲဒီနောက် သူ့စိတ်ဝင်စားမှု မပျောက်သွားအောင် ပြန်လည်ပတ်မှုလုပ်ဖို့ စီစဉ်ထားပါ။ နောက်ဆုံးမှာ ကျမ်းစာသင်အံမှု စတင်ကောင်းစတင်နိုင်ပါလိမ့်မယ်။