ယေဟောဝါသင်ပေးတဲ့အရာတွေကို သင်အတတ်နိုင်ဆုံး သင်ယူနေပါသလား

အရေးအဖတ်သင်တန်းများ

• ရည်ရွယ်ချက်– ကိုယ်ပိုင်ကျမ်းစာလေ့လာနိုင်ဖို့နဲ့ တခြားသူတွေကို အမှန်တရား သင်ပေးနိုင်ဖို့ စာရေးတတ်၊ ဖတ်တတ်အောင်သင်ပေးတယ်။

• သင်တန်းကာလ– လိုအပ်ချက်အလိုက်။

• နေရာ– ဒေသခံနိုင်ငံတော်ခန်းမ။

• တက်ရောက်နိုင်သူများ– ကြေညာသူအားလုံးနဲ့ စိတ်ဝင်စားသူများ။

• လျှောက်ထားနိုင်ပုံ– ဒေသလိုအပ်ချက်အရ အသင်းတော်အကြီးအကဲတွေဟာ အရေးအဖတ်သင်တန်းတွေကို စီစဉ်ပေးကြတယ်၊ အကျိုးရရှိနိုင်တဲ့ ဘယ်သူ့ကိုမဆို တက်ရောက်ဖို့အားပေးကြတယ်။

သီအိုကရက်တစ်ဓမ္မအမှုကျောင်း

• ရည်ရွယ်ချက်– ထိရောက်သော သတင်းကောင်းဟောပြောသူနဲ့ သွန်သင်သူတွေဖြစ်အောင် ကြေညာသူတွေကို လေ့ကျင့်ပေးတယ်။

• သင်တန်းကာလ– စဉ်ဆက်မပြတ်။

• နေရာ– ဒေသခံနိုင်ငံတော်ခန်းမ။

• စာရင်းပေးသွင်းနိုင်သူများ– ကြေညာသူအားလုံး။ အသင်းတော်နဲ့တက်ကြွစွာပူးပေါင်းနေသူ၊ ကျမ်းစာသွန်သင်ချက်တွေကို သဘောတူလက်ခံသူ၊ ကျမ်းစာမူတွေနဲ့အညီ အသက်ရှင်သူတစ်ဦးဖြစ်မယ်ဆိုရင်လည်း စာရင်းပေးသွင်းနိုင်တယ်။

• လျှောက်ထားနိုင်ပုံ–  သီအိုကရက်တစ်ဓမ္မအမှုကျောင်း ကြီးကြပ်မှူးကို ပြောပါ။

နိုင်ငံခြားဘာသာစကားပြောသင်တန်းများ

• ရည်ရွယ်ချက်– တခြားဘာသာစကားနဲ့ သတင်းကောင်းဟောနိုင်ပုံကို ကြေညာသူတွေကို သင်ပေးဖို့ဖြစ်တယ်။

• သင်တန်းကာလ– လေးလ ဒါမှမဟုတ် ငါးလ။ ပုံမှန်အားဖြင့်၊ အဲဒီသင်တန်းတွေကို စနေနေ့ နံနက်မှာ တစ်နာရီ၊ နှစ်နာရီကြာ ကျင်းပတယ်။

• နေရာ– များသောအားဖြင့် အနီးအနားရှိနိုင်ငံတော်ခန်းမမှာဖြစ်တယ်။

• စာရင်းပေးသွင်းနိုင်သူများ– တိုင်းတစ်ပါးဘာသာစကားနဲ့ ဟောပြောလိုတဲ့ နာမည်ကောင်းရှိတဲ့ကြေညာသူများ။

• လျှောက်ထားနိုင်ပုံ– လိုအပ်ချက်နဲ့အညီ သင်တန်းတွေကို ဌာနခွဲရုံးက စီစဉ်ပါတယ်။

နိုင်ငံတော်ခန်းမဆောက်လုပ်ရေး

• ရည်ရွယ်ချက်– နိုင်ငံတော်ခန်းမတွေကို တည်ဆောက်ဖို့နဲ့ ပြုပြင်မွမ်းမံဖို့ဖြစ်တယ်။ ဒါက သင်တန်းတစ်ခုတော့မဟုတ်ပါ၊ ဒါပေမဲ့ စေတနာ့ဝန်ထမ်းတွေဟာ ဒီအစီအစဉ်ကြောင့် အတတ်ပညာအမျိုးမျိုးကို သင်ယူခွင့်ရကြတယ်၊ ဒီလိုနည်းနဲ့ ဆောက်လုပ်ရေးစီမံကိန်းတွေမှာ သူတို့ပါဝင်ကူညီနိုင်ကြတယ်။

• သင်တန်းကာလ– စေတနာ့ဝန်ထမ်းတွေရဲ့အခြေအနေနဲ့အညီဖြစ်တယ်။

• နေရာ– ဒေသခံဆောက်လုပ်ရေးကော်မတီက ခန့်အပ်တဲ့ ဘယ်နေရာမှာမဆိုဖြစ်တယ်။ စေတနာ့ဝန်ထမ်းတချို့ဟာ သဘာဝဘေးဒဏ်ကြောင့်ထိခိုက်ပျက်စီးသွားတဲ့ ဝေးလံလှတဲ့နေရာတွေက ကယ်ဆယ်ရေးလုပ်ငန်းမှာကူညီဖို့ ဖိတ်ခေါ်ခံရနိုင်တယ်။

• လိုအပ်ချက်များ– နှစ်ခြင်းခံပြီးသား ညီကိုညီမတွေဖြစ်ရပြီး အကြီးအကဲအဖွဲ့ရဲ့ထောက်ခံမှုရရှိရမယ်။ သူတို့ဟာ ကျွမ်းကျင်လုပ်သားတွေဖြစ်နိုင်သလို မကျွမ်းကျင်တဲ့သူတွေလည်းဖြစ်နိုင်တယ်။

• လျှောက်ထားနိုင်ပုံ– ဒေသခံအကြီးအကဲတွေပေးတဲ့ နိုင်ငံတော်ခန်းမ စေတနာ့ဝန်ထမ်းလုပ်သား မေးခွန်းလွှာ (S-82) ကို ဖြည့်စွက်ပါ။

ရှေ့ဆောင်လုပ်ငန်းတော်ကျောင်း

• ရည်ရွယ်ချက်– ရှေ့ဆောင်တွေအနေနဲ့ “အမှုတော်ကို အကုန်အစင်ပြီးမြောက်စေ” ရာမှာ ကူညီဖို့ဖြစ်တယ်။—၂ တိ. ၄:၅။

• သင်တန်းကာလ– နှစ်ပတ်။

• နေရာ– ဌာနခွဲရုံးက ဆုံးဖြတ်တယ်၊ ပုံမှန်အားဖြင့် အနီးအနားရှိ နိုင်ငံတော်ခန်းမတစ်ခုမှာ ပြုလုပ်တယ်။

• လိုအပ်ချက်များ– မှန်မှန်ရှေ့ဆောင်အနေနဲ့ အနည်းဆုံး တစ်နှစ်လုပ်သက်ရှိသူဖြစ်ရမယ်။

• စာရင်းပေးသွင်းနိုင်ပုံ– အရည်အချင်းပြည့်မီတဲ့ရှေ့ဆောင်တွေကို အလိုအလျောက်စာရင်းသွင်းပြီး သူတို့ရဲ့တိုက်နယ်ကြီးကြပ်မှူးကတစ်ဆင့် အကြောင်းကြားမှာဖြစ်တယ်။

ဗေသလဝင်ခွင့်သင်တန်း

• ရည်ရွယ်ချက်– ဒီသင်တန်းက အိမ်သားအသစ်တွေကို ဗေသလမှာအောင်မြင်စွာအမှုဆောင်နိုင်ဖို့ ကူညီပေးတယ်။

• သင်တန်းကာလ–  တစ်ပတ်တစ်ခါ၊ တစ်နာရီကြာပြီး ဆယ့်ခြောက်ပတ်ပြုလုပ်တယ်။

• နေရာ– ဗေသလ။

• လိုအပ်ချက်များ– အမြဲတမ်းဗေသလမိသားစုဝင် (သို့) နှစ်ကြာယာယီစေတနာ့ဝန်ထမ်းများ (တစ်နှစ် ဒါမှမဟုတ် ဒီထက်ကြာ) ဖြစ်ရမယ်။

• စာရင်းပေးသွင်းနိုင်ပုံ– အရည်အချင်းပြည့်မီတဲ့ ဗေသလမိသားစုဝင်တွေကို အလိုအလျောက်စာရင်းသွင်းတယ်။

နိုင်ငံတော်ဓမ္မအမှုကျောင်း

• ရည်ရွယ်ချက်– အကြီးအကဲနဲ့ ဓမ္မအမှုထမ်းတွေကို ရရှိထားတဲ့ အသင်းတော်ဆိုင်ရာတာဝန်တွေအတွက် လေ့ကျင့်ပေးဖို့ဖြစ်တယ်။ (တ. ၂၀:၂၈) အုပ်ချုပ်ရေးအဖွဲ့ကဆုံးဖြတ်တဲ့အတိုင်း နှစ်အနည်းငယ်မှာတစ်ကြိမ် ပြုလုပ်တယ်။

• သင်တန်းကာလ–  သိပ်မကြာသေးခင်နှစ်တွေမှာတော့ သင်တန်းဟာ အကြီးအကဲတွေအတွက် တစ်ရက်ခွဲကြာပြီး ဓမ္မအမှုထမ်းတွေအတွက် တစ်ရက်ကြာတယ်။

• နေရာ– များသောအားဖြင့် အနီးအနားရှိနိုင်ငံတော်ခန်းမ (သို့) စည်းဝေးပွဲခန်းမမှာပြုလုပ်တယ်။

• လိုအပ်ချက်များ– အကြီးအကဲ (သို့) ဓမ္မအမှုထမ်းဖြစ်ရမယ်။

• စာရင်းပေးသွင်းနိုင်ပုံ– အရည်အချင်းပြည့်မီတဲ့ အကြီးအကဲနဲ့ ဓမ္မအမှုထမ်းတွေကို တိုက်နယ်ကြီးကြပ်မှူးကတစ်ဆင့် ဖိတ်ခေါ်တယ်။

အသင်းတော်အကြီးအကဲများအတွက် ကျောင်းa

• ရည်ရွယ်ချက်– အကြီးအကဲတွေ အသင်းတော်တာဝန်တွေလုပ်ဆောင်ရာမှာ ကူညီပေးဖို့ဖြစ်တယ်။

• သင်တန်းကာလ– ငါးရက်။

• နေရာ– ဌာနခွဲက ဆုံးဖြတ်တယ်၊ များသောအားဖြင့် အနီးအနားရှိနိုင်ငံတော်ခန်းမ (သို့) စည်းဝေးပွဲခန်းမမှာ ပြုလုပ်တယ်။

• လိုအပ်ချက်များ– အကြီးအကဲ ဖြစ်ရမယ်။

• စာရင်းပေးသွင်းနိုင်ပုံ– အရည်အချင်းပြည့်မီတဲ့အကြီးအကဲတွေကို ဌာနခွဲက ဖိတ်ခေါ်တယ်။

နယ်လှည့်ကြီးကြပ်မှူးတွေနဲ့ သူတို့ရဲ့ဇနီးသည်တွေအတွက် သင်တန်းb

• ရည်ရွယ်ချက်– လည်ပတ်တဲ့အသင်းတော်တွေမှာ ပိုပြီးထိရောက်မှုရှိနိုင်အောင် တိုက်နယ်နဲ့ ခရိုင်ကြီးကြပ်မှူးတွေကိုကူညီပေးဖို့၊ “ဟောပြောခြင်းနှင့်သွန်သင်ခြင်းအမှုတို့ကို ကြိုးစားလုပ်ဆောင်” နိုင်ဖို့၊ သူတို့ရဲ့စောင့်ရှောက်မှုအောက်မှာရှိသူတွေကို ကောင်းစွာထိန်းကျောင်းနိုင်ဖို့ဖြစ်တယ်။—၁ တိ. ၅:၁၇; ၁ ပေ. ၅:၂၊ ၃။

• သင်တန်းကာလ– နှစ်လ။

• နေရာ– ဌာနခွဲရုံးက ဆုံးဖြတ်တယ်။

• လိုအပ်ချက်များ–  တိုက်နယ် (သို့) ခရိုင်ကြီးကြပ်မှူးဖြစ်ရမယ်။

တစ်ကိုယ်ရေညီကိုများအတွက် ကျမ်းစာသင်တန်းc

• ရည်ရွယ်ချက်– ထပ်ဆင့်တာဝန်တွေအတွက် တစ်ကိုယ်ရေ အကြီးအကဲနဲ့ ဓမ္မအမှုထမ်းတွေကို ပြင်ဆင်ပေးဖို့ဖြစ်တယ်။ သင်တန်ဆင်းအများစုဟာ သူတို့နိုင်ငံမှာရှိတဲ့ သာ၍လိုအပ်တဲ့နေရာတွေမှာ အမှုဆောင်ဖို့ တာဝန်ခန့်အပ်ခံရတယ်။ အနည်းငယ်ကတော့ သူတို့ဘက်က လက်ခံနိုင်မယ်ဆိုရင် တခြားနိုင်ငံမှာ အမှုဆောင်ဖို့ တာဝန်ရရှိကြတယ်။

• သင်တန်းကာလ– နှစ်လ။

• နေရာ– ဌာနခွဲရုံးက ဆုံးဖြတ်တယ်၊ အများအားဖြင့် စည်းဝေးပွဲခန်းမ (သို့) နိုင်ငံတော်ခန်းမတစ်ခုမှာဖြစ်တယ်။

• လိုအပ်ချက်များ– အသက် ၂၃ ကနေ ၆၂ ကြားရှိ တစ်ကိုယ်ရေညီကိုဖြစ်ရမယ်။ ကျန်းမာရေးကောင်းပြီး ညီကိုညီမတွေကို ကူညီပေးချင်သူ၊ ဟောပြောခြင်းလုပ်ငန်းကို တိုးချဲ့ချင်တဲ့ဆန္ဒရှိသူ ဖြစ်ရမယ်။ (မာ. ၁၀:၂၉၊ ၃၀) ဓမ္မအမှုထမ်း (သို့) အကြီးအကဲအနေနဲ့ အနည်းဆုံး နှစ်နှစ်ဆက်တိုက် အမှုထမ်းဆောင်နေသူ ဖြစ်ရမယ်။

• လျှောက်ထားနိုင်ပုံ– သင့်ဌာနခွဲ ဧရိယာမှာ ဒီသင်တန်းကျောင်း ရှိမယ်ဆိုရင် တိုက်နယ်စည်းဝေးပွဲမှာ သင်တန်းတက်ချင်သူတွေအတွက် စည်းဝေးတစ်ခု ရှိပါမယ်။ ထပ်ဆင့်အချက်အလက်တွေကို အဲဒီစည်းဝေးမှာ သိရပါလိမ့်မယ်။

ခရစ်ယာန်မောင်နှံစုံများအတွက် ကျမ်းစာသင်တန်းd

• ရည်ရွယ်ချက်– ယေဟောဝါနဲ့ ကိုယ်တော့်အဖွဲ့အစည်းအတွက် ပိုပြီးအမှုဆောင်နိုင်သူတွေဖြစ်ဖို့ မောင်နှံစုံတွေကို အထူးသင်တန်းပေးခြင်းဖြစ်တယ်။ သင်တန်းဆင်းအများစုကို သူတို့နိုင်ငံမှာရှိတဲ့ သာ၍လိုအပ်သောနေရာမှာ အမှုဆောင်ဖို့ တာဝန်ခန့်အပ်လေ့ရှိတယ်။ အနည်းငယ်ကတော့ သူတို့ဘက်က လက်ခံနိုင်မယ်ဆိုရင် တခြားနိုင်ငံမှာ အမှုဆောင်ဖို့ တာဝန်ရရှိကြတယ်။

• သင်တန်းကာလ– နှစ်လ။

• နေရာ– ပထမဆုံးသင်တန်းတွေကို အမေရိကန်၊ နယူးယောက်ခ်၊ ပက်တာစန်ရှိ ကင်းမျှော်စင်ပညာပေးဌာနမှာ ကျင်းပနေတယ်။ နောက်ပိုင်း၊ ဒီသင်တန်းကျောင်းကို ဌာနခွဲရုံးက ဆုံးဖြတ်တဲ့နေရာတွေမှာ ကျင်းပသွားပါလိမ့်မယ်၊ အများအားဖြင့် စည်းဝေးပွဲခန်းမ (သို့) နိုင်ငံတော်ခန်းမတစ်ခုမှာဖြစ်တယ်။

• လိုအပ်ချက်များ– အသက် ၂၅ ကနေ ၅၀ ကြားရှိ မောင်နှံစုံတွေ ဖြစ်ရမယ်။ ကျန်းမာရေးကောင်းပြီး လိုအပ်တဲ့နေရာမှာ အမှုဆောင်နိုင်သူ၊ “အကျွန်ုပ်ရှိပါ၏။ အကျွန်ုပ်ကို စေလွှတ်တော်မူပါ” ဆိုတဲ့ စိတ်သဘောထားရှိသူ ဖြစ်ရမယ်။ (ဟေရှာ. ၆:၈) ဒီအပြင် အိမ်ထောင်သက်တမ်း အနည်းဆုံးနှစ်နှစ်ရှိရမှာဖြစ်ပြီး လက်ရှိအချိန်မှာလည်း အချိန်ပြည့်လုပ်ငန်းမှာပါဝင်နေတာ အနည်းဆုံးသက်တမ်း နှစ်နှစ်ဆက်တိုက်ရှိသူတွေဖြစ်ရမယ်။

• လျှောက်ထားနိုင်ပုံ– သင့်ဌာနခွဲ ဧရိယာမှာ ဒီသင်တန်းကျောင်း ရှိမယ်ဆိုရင် အထူးစည်းဝေးပွဲနေ့မှာ သင်တန်းတက်ချင်သူတွေအတွက် စည်းဝေးတစ်ခု ရှိပါမယ်။ ထပ်ဆင့်အချက်အလက်တွေကို အဲဒီစည်းဝေးမှာ သိရပါလိမ့်မယ်။

ဂိလဒ်ကင်းမျှော်စင်သမ္မာကျမ်းစာကျောင်း

• ရည်ရွယ်ချက်– ရှေ့ဆောင်တွေနဲ့ တခြားအချိန်ပြည့်အမှုထမ်းတွေကို သာသနာပြုလုပ်ငန်းအတွက် လေ့ကျင့်ပေးဖို့ဖြစ်တယ်။

• သင်တန်းကာလ– ငါးလ။

• နေရာ– အမေရိကန်၊ နယူးယောက်ခ်၊ ပက်တာစန်ရှိ ကင်းမျှော်စင်ပညာပေးဌာန။

• လိုအပ်ချက်များ– မောင်နှံစုံတွေဟာ ဦးဆုံးလျှောက်လွှာတင်ချိန်မှာ နှစ်ခြင်းခံပြီးတာ သုံးနှစ်ရှိရမှာဖြစ်ပြီး အသက် ၂၁ ကနေ ၃၈ ကြားရှိရမှာဖြစ်တယ်။ အင်္ဂလိပ်စကား ပြောနိုင်ရမယ်၊ အိမ်ထောင်သက်တမ်း အနည်းဆုံး နှစ်နှစ်ရှိရမယ်၊ လက်ရှိအချိန်မှာလည်း အချိန်ပြည့်လုပ်ငန်းမှာ ပါဝင်နေတာ အနည်းဆုံး နှစ်နှစ်ဆက်တိုက်ရှိရမယ်။ လျှောက်ထားသူတွေဟာ ကျန်းမာရေးကောင်းရမယ်။ (သာသနာပြုအဖြစ်သတ်မှတ်ခံရသူအပါအဝင်) တခြားနိုင်ငံမှာ ရှေ့ဆောင်လုပ်နေသူ၊ နယ်လှည့်ကြီးကြပ်မှူး၊ ဗေသလအိမ်သား၊ ဓမ္မအမှုသင်တန်းကျောင်းဆင်းလက်မှတ်ရထားသူ၊ တစ်ကိုယ်ရေညီကိုများအတွက် ကျမ်းစာသင်တန်းလက်မှတ်ရထားသူနဲ့ ခရစ်ယာန်မောင်နှံများအတွက် ကျမ်းစာသင်တန်းလက်မှတ်ရထားသူတွေလည်း လိုအပ်ချက်ကို ပြည့်မီမယ်ဆိုရင် လျှောက်ထားနိုင်တယ်။

• လျှောက်ထားနိုင်ပုံ– ဌာနခွဲတချို့ရဲ့ကြီးကြပ်မှုအောက်မှာရှိတဲ့ ခရိုင်စည်းဝေးတွေမှာ သင်တန်းတက်ချင်သူတွေအတွက် စည်းဝေးတစ်ခုရှိပါမယ်။ ထပ်ဆင့်အချက်အလက်တွေကို အဲဒီစည်းဝေးမှာ သိရပါလိမ့်မယ်။ သင့်ဒေသမှာကျင်းပတဲ့စည်းဝေးကြီးမှာ အဲဒီသင်တန်းအတွက်စည်းဝေးမရှိပေမယ့် သင့်အနေနဲ့ လျှောက်ထားချင်တယ်ဆိုရင် ထပ်ဆင့်အချက်အလက်တွေအတွက် သင့်ဌာနခွဲကို စာရေးနိုင်ပါတယ်။

ဌာနခွဲကော်မတီဝင်တွေနဲ့ သူတို့ရဲ့ဇနီးသည်တွေအတွက် သင်တန်း

• ရည်ရွယ်ချက်– ဌာနခွဲကော်မတီဝင်တွေအနေနဲ့ ဗေသလအိမ်တွေကို ကြီးကြပ်ရာမှာ၊ အသင်းတော်တွေနဲ့ဆက်နွှယ်နေတဲ့ လုပ်ငန်းတော်ကိစ္စတွေလုပ်ရာမှာ၊ သက်ဆိုင်ရာတိုက်နယ်တွေနဲ့ ခရိုင်တွေကို ကြီးကြပ်ရာမှာ၊ ဘာသာပြန်ခြင်း၊ ပုံနှိပ်ခြင်း၊ စာအုပ်စာပေတွေ ထုပ်ပို့ခြင်းနဲ့ ဌာနအသီးသီးကို ကြီးကြပ်ကွပ်ကဲရာတွေမှာ ပိုမိုထိရောက်မှုရှိအောင် ကူညီပေးဖို့ဖြစ်တယ်။—လု. ၁၂:၄၈ခ။

• သင်တန်းကာလ– နှစ်လ။

• နေရာ– အမေရိကန်၊ နယူးယောက်ခ်၊ ပက်တာစန်ရှိ ကင်းမျှော်စင်ပညာပေးဌာန။

• လိုအပ်ချက်များ– ဌာနခွဲကော်မတီဝင် (သို့) တိုင်းပြည်ကော်မတီဝင် (သို့) လောလောဆယ် ကော်မတီဝင်တွေမဟုတ်ပေမဲ့ သင်တန်းပြီးနောက် ခန့်အပ်ခံရမယ့်သူတွေဖြစ်ရမယ်။

• စာရင်းပေးသွင်းနိုင်ပုံ– အရည်အချင်းပြည့်မီတဲ့ ညီကိုတွေနဲ့ သူတို့ရဲ့ဇနီးသည်တွေကို အုပ်ချုပ်ရေးအဖွဲ့က ဖိတ်ခေါ်တယ်။