နမူနာတင်ဆက်နည်းများ
ဇူလိုင်လရဲ့ ပထမဆုံးစနေ ဒါမှမဟုတ် တနင်္ဂနွေနေ့မှာ ကျမ်းစာသင်အံမှုစတင်ဖို့ ခုလိုပြောနိုင်တယ်
ယေရမိ ၃၃:၂ ကိုဖတ်ပြီးနောက် ဒီလိုပြောပါ– “ဒီကျမ်းချက်အရဆိုရင် ဘုရားသခင်မှာ နာမည်ရှိတယ်။ ဘုရားသခင်ရဲ့နာမည်ကို အသုံးပြုဖို့ အရေးကြီးတယ်လို့ မိတ်ဆွေထင်ပါသလား။ [တုံ့ပြန်မှုကိုစောင့်ပါ။] ဒီအချက်ကို သတိပြုကြည့်ပါ။” အိမ်ရှင်ကို ဇွန် ၁ ရက်ထုတ် ကင်းမျှော်စင် ပေးပြီး စာမျက်နှာ ၁၆၊ ပထမခေါင်းစဉ်ငယ်အောက်က အကြောင်းအရာကို အတူတကွသုံးသပ်ပါ။ မဂ္ဂဇင်းတွေကို ဝေငှပါ၊ ပြန်သွားပြီး နောက်မေးခွန်းတစ်ခုကိုဆွေးနွေးဖို့ စီစဉ်ပါ။
ကင်းမျှော်စင် ဇွန် ၁
“အရေးကြီးတဲ့အကြောင်းအရာတစ်ခုနဲ့ပတ်သက်ပြီး မိတ်ဆွေရဲ့သဘောထားကို သိချင်ပါတယ်။ [စာမျက်နှာ ၃ ကိုဖွင့်ပြီး အချက်လေးချက်ကိုပြပါ။] သမ္မာကျမ်းစာအပေါ် မိတ်ဆွေရဲ့ရှုမြင်ပုံက ဒီအချက်တွေထဲက ဘယ်အချက်နဲ့အကိုက်ညီဆုံးလဲ။ [တုံ့ပြန်မှုကိုစောင့်ပါ။] သမ္မာကျမ်းစာနဲ့ပတ်သက်ပြီး ကျမ်းစာမှာဘယ်လိုဖော်ပြထားသလဲဆိုတာကို သတိပြုကြည့်ပါ။ [ရောမ ၁၅:၄ ကိုဖတ်ပါ။] သမ္မာကျမ်းစာဟာ ထူးခြားတဲ့စာအုပ်ဖြစ်ရတဲ့ အကြောင်းရင်းငါးချက်နဲ့ ကျွန်တော်တို့ကို ဘယ်လိုအကျိုးပြုတယ်ဆိုတဲ့ အချက်တွေကို ဒီမဂ္ဂဇင်းမှာ ဖော်ပြထားပါတယ်။”
နိုးလော့! ဇွန်
“နှစ်စဉ်နှစ်တိုင်း ကမ္ဘာတစ်ဝန်းက သန်းနဲ့ချီတဲ့သူတွေဟာ မသန့်ရှင်းတဲ့အစာ စားမိတဲ့အတွက် ဖျားနာကြရတယ်။ မိတ်ဆွေရဲ့အမြင်မှာ ကျွန်တော်တို့ဒေသမှာရှိတဲ့ အစားအစာတွေက ဘယ်လောက်အန္တရာယ်ကင်းပါသလဲ။ [တုံ့ပြန်မှုကိုစောင့်ပါ။] ကျွန်တော်တို့ရဲ့မိသားစု အစာအဆိပ်သင့်မှုမဖြစ်အောင် ကာကွယ်ပေးနိုင်တဲ့ နည်းလမ်းလေးခုကို ဒီမဂ္ဂဇင်းမှာ ရှင်းပြထားတယ်။ မကြာခင်မှာ ယောက်တိုင်းဟာ ကျန်းမာရေးနဲ့ညီညွတ်တဲ့ အစားအစာအလျှံပယ်စားရတော့မယ်ဆိုတဲ့ သမ္မာကျမ်းစာမှာပါတဲ့ကတိတော် အကြောင်းကိုလည်း ဆွေးနွေးထားတယ်။” ဆာလံ ၁၀၄:၁၄၊ ၁၅ ကိုဖတ်ပါ။