ကြေညာသူများရဲ့ မေးခွန်း
◼ ကြေညာသူညီအစ်ကိုရှေ့မှာ ကြေညာသူညီအစ်မက တံခါးဝကျမ်းစာသင်အံမှုလုပ်မယ်ဆိုရင် ခေါင်းဖုံးသင့်သလား။
ကြေညာသူညီအစ်ကိုရှေ့မှာ ညီအစ်မက ပုံမှန်ကျမ်းစာသင်အံမှု ကျင်းပမယ်ဆိုရင် ခေါင်းဖုံးထားသင့်ပါတယ်။ (၁ ကော. ၁၁:၃-၁၀) ကျမ်းစာသင်အံမှုဆိုတာ ကြိုတင်စီစဉ်ပြီး တစ်ယောက်ယောက်က ဦးဆောင်ပေးရတဲ့ သွန်သင်ခြင်း အစီအစဉ်တစ်ခု ဖြစ်ပါတယ်။ အဲဒီလိုသင်အံမှုပြုလုပ်ခြင်းက အသင်းတော်ရဲ့ သွန်သင်ခြင်း အစီအစဉ်တစ်မျိုးဖြစ်တယ်။ နှစ်ခြင်းခံပြီးသား ညီအစ်မတစ်ယောက်က နှစ်ခြင်းခံပြီးသားညီအစ်ကိုရှေ့မှာ သင်အံမှုပြုလုပ်မယ်ဆိုရင် ခေါင်းဖုံးသင့်ပါတယ်။ (၂၀၀၂၊ ဇူလိုင် ၁၅ ရက်ထုတ် ကင်းမျှော်စင် စာမျက်နှာ ၂၇ မှာ ကြည့်ပါ။) ညီအစ်မက ကျမ်းစာသင်အံမှုကို အိမ်မှာ၊ တံခါးဝမှာ ဒါမှမဟုတ် ဘယ်လိုအခြေအနေမှာပဲ ကျင်းပပါစေ ညီအစ်ကိုရှိမယ်ဆိုရင် ခေါင်းဖုံးရမယ်ဆိုတဲ့အချက်ကို အမှတ်ရသင့်ပါတယ်။
သင်အံမှုကျင်းပပုံကို သရုပ်ပြဖို့ ဒါမှမဟုတ် သင်အံမှုလုပ်မယ့်စာအုပ်ထဲက အကြောင်းအရာကို ဆွေးနွေးဖို့ လည်ပတ်မှုသွားတာဖြစ်ပေမယ့် အိမ်တံခါးဝ ကျမ်းစာသင်အံမှု မစတင်သေးဘူးဆိုရင် ညီအစ်ကိုရှေ့မှာ ခေါင်းဖုံးစရာ မလိုပါဘူး။ လည်ပတ်မှုတွေ ခဏခဏလုပ်ပြီးမှ အိမ်တံခါးဝ ကျမ်းစာသင်အံမှုကို စတင်ရတဲ့အတွက် ဘယ်အချိန်မှာ ခေါင်းဖုံးရမယ်ဆိုတာကို အခြေအနေပေါ်မူတည်ပြီး အကျိုးသင့်အကြောင်းသင့် ဆုံးဖြတ်သင့်ပါတယ်။