၁၉၁၄ ခုနှစ်နဲ့ပတ်သက်တဲ့ ကျွန်ုပ်တို့ရဲ့ ယုံကြည်ချက်တွေကို ရှင်းပြပါ
ကျွန်ုပ်တို့ရဲ့ ယုံကြည်ချက်ကို “ခုခံပြောဆိုရန် အစဉ်အသင့်ရှိ” ပြီး “နူးညံ့သောသဘော၊ အလွန်လေးစားသောသဘောဖြင့် ပြောဆို” ဖို့ ကျမ်းစာမှာ အားပေးထားပါတယ်။ (၁ ပေ. ၃:၁၅) လက်တွေ့မှာတော့၊ နက်နဲတဲ့ကျမ်းစာအမှန်တရားတွေကို ရှင်းပြဖို့ ခက်ခဲနိုင်ပါတယ်။ ဥပမာ၊ ၁၉၁၄ ခုနှစ်မှာ နိုင်ငံတော်စတင်အုပ်ချုပ်တယ်ဆိုတဲ့ အကြောင်းအရာဖြစ်တယ်။ အဲဒီအကြောင်းရှင်းပြနိုင်ဖို့ “အိမ်ရှင်နဲ့ စကားစမြည်ပြောဆိုခြင်း—ဘုရားသခင့်နိုင်ငံတော် ဘယ်အချိန်မှာ စတင်အုပ်ချုပ်သလဲ” အပိုင်းနှစ်ပိုင်းကို ပြင်ဆင်ပေးထားပါတယ်။ ဒီဆောင်းပါးတွေကို အောက်တိုဘာလနဲ့ နိုဝင်ဘာလထုတ် ကင်းမျှော်စင် တွေမှာ ဖော်ပြထားပါတယ်။ ဒီအကြောင်းတွေကို လေ့လာတဲ့အခါ ကြေညာသူဖြစ်သူ ဦးထွန်းဝင်းဟာ အိမ်ရှင်နဲ့ ဘယ်လိုပြောဆိုသလဲဆိုတာနဲ့ပတ်သက်ပြီး အောက်ပါမေးခွန်းတွေကို သုံးသပ်ပါ–
ဘယ်လိုအစပြုသလဲ
ဦးထွန်းဝင်းဟာ နှစ်ဦးသဘောတူနိုင်တဲ့ အချက်ကို ပြောနိုင်ဖို့ အိမ်ရှင်ကို ဘယ်လိုချီးမွမ်းခဲ့သလဲ။—တ. ၁၇:၂၂။
သူ့ယုံကြည်ချက်အကြောင်း ရှင်းပြတဲ့အခါ နှိမ့်ချမှုကို ဘယ်လိုတင်ပြခဲ့သလဲ။—တ. ၁၄:၁၅။
ဘာကြောင့် ကောင်းတာလဲ
နောက်ထပ်အချက်အလက်တွေကို မပြောပြခင် ဆွေးနွေးပြီးသားအချက်တွေကို အတိုချုပ်ပြန်သုံးသပ်တာက ဘာကြောင့် ကောင်းတာလဲ။
မကြာခဏရပ်တန့်ပြီး သူ့ရှင်းပြချက်တွေကို အိမ်ရှင်နားလည်၊ မလည်ဆိုတာကို မေးတာက ဘာကြောင့်ကောင်းတာလဲ။
တစ်ခါတည်းနဲ့ အများကြီး မပြောပြတာ ဘာကြောင့် ကောင်းတာလဲ။—ယော. ၁၆:၁၂။
နက်နဲတဲ့ကျမ်းစာအမှန်တရား သိချင်သူတွေကို ဘယ်လိုရှင်းပြရမလဲဆိုတာ သင်ပေးတဲ့ ကျွန်ုပ်တို့ရဲ့ “မဟာသွန်သင်ရှင်” ယေဟောဝါကို ဘယ်လောက်တောင် ကျေးဇူးတင်ဖို့ကောင်းလိုက်သလဲ။—ဟေရှာ. ၃၀:၂၀၊ ကဘ။