အမှုဆောင်လုပ်ငန်းမှာ တိုးတက်အောင် လုပ်ဆောင်ခြင်း—လူမျိုးအားလုံးအတွက်သတင်းကောင်း ဘရိုရှာကို သုံးပြီး တံခါးဝကျမ်းစာသင်အံမှု စတင်ပါ

ဘာကြောင့်အရေးကြီး– လူတွေကိုတပည့်ဖြစ်လာအောင် ကျွန်ုပ်တို့က ဘုရားသခင့် စကားတော်ကို သွန်သင်ပေးရမယ်။ (မ. ၂၈:၁၉၊ ၂၀) ကျွန်ုပ်တို့အတွက် ပြင်ဆင်ပေးထားတဲ့ ကိရိယာတွေကို အသုံးပြုပြီး အမှန်တရားကို ထိရောက်စွာ သွန်သင်ပေးနိုင်ကြပါတယ်။ လူမျိုးအားလုံးအတွက်သတင်းကောင်း ဘရိုရှာဟာ တခြားသူတွေကို အမှန်တရားသွန်သင်ပေးနိုင်ဖို့ ရည်ရွယ်ပြီးထုတ်ဝေထားတဲ့ ဘရိုရှာဖြစ်တယ်။ အိမ်ရှင်ကို ဦးဆုံးအကြိမ်တွေ့ဆုံချိန်မှာပဲ သူနဲ့ တံခါးဝကျမ်းစာသင်အံမှုစတင်ဖို့ ဒီဘရိုရှာကို အသုံးပြုနိုင်ပါတယ်။

လုပ်ဆောင်နိုင်ပုံ–

လေးထောင့်ကွက်ထဲက တင်ဆက်နည်းကို သုံးသပ်ပါ။—၂၀၁၃၊ မတ်လထုတ် ကျွန်ုပ်တို့၏နိုင်ငံတော်ဓမ္မအမှု ကိုလည်း ကြည့်ပါ။
ကိုယ်ပိုင်ဘရိုရှာတစ်စောင် ကိုယ့်အိတ်ထဲ ထည့်ထားပါ။ ဝေငှဖို့လည်း ဘရိုရှာအလုံအလောက် ထည့်ထားပါ။
စာပိုဒ်တစ်ပိုဒ်နှစ်ပိုဒ်လောက်ပဲ ဆွေးနွေးပါ။ ၁၀ မိနစ် ဒါမှမဟုတ် ၁၀ မိနစ်ထက် မကျော်ပါစေနဲ့။

ဒီလအတွင်း ကြိုးစားကြည့်ပါ–

သင်အံမှုတစ်ခုကျင်းပချင်တဲ့ ဆန္ဒရှိလာအောင် ဆုတောင်းပါ။ ကျမ်းစာသင်အံမှု ရှာတွေ့နိုင်ဖို့၊ အမှန်တရားကို ထိရောက်စွာသွန်သင်ပေးနိုင်ဖို့ ကူညီပေးပါလို့ ယေဟောဝါဘုရားဆီ ဆုတောင်းပါ။
တင်ဆက်နည်းကို မှတ်မိနေအောင် မိသားစုဝတ်ပြုမှု၊ ကိုယ်ပိုင်လေ့လာမှုမှာ အချိန်ယူပြီးသုံးသပ်ပါ။ ဒါမှသာ ယုံကြည်စိတ်ချမှုအပြည့်နဲ့ ပြောနိုင်မှာဖြစ်ပြီး တံခါးဝ ကျမ်းစာသင်အံမှု စတင်နိုင်မှာဖြစ်တယ်။

တစ်အိမ်မှတစ်အိမ် ဟောပြောတဲ့အခါ

“အနာဂတ်မှာ ဒီကမ္ဘာကြီး ဘယ်လိုဖြစ်သွားမလဲဆိုတာကို လူတွေ စိုးရိမ်နေကြတယ်။ အခြေအနေတွေ ကောင်းလာလိမ့်မယ်လို့ မိတ်ဆွေထင်သလား။ [အဖြေကို စောင့်ပါ။] သမ္မာကျမ်းစာထဲမှာ မျှော်လင့်ချက်ပေးတဲ့ သတင်းကောင်းပါရှိတယ်ဆိုတာကို လူအတော်များများ သိလိုက်ရတဲ့အခါ အံ့ဩသွားကြတယ်။ မေးခွန်းတချို့ရဲ့ ကျမ်းစာအဖြေတွေကို ဒီစာစောင်ထဲမှာ ဖော်ပြထားတယ်။” အိမ်ရှင်ကို ဘရိုရှာပေးပြီး နောက်ကျောဖုံးမှာပါတဲ့ အကြောင်းအရာတွေထဲက သူ စိတ်အဝင်စားဆုံးကို ရွေးခိုင်းပါ။ ပြီးတော့ သူရွေးထားတဲ့ အခန်းကိုဖွင့်ပြီး သင်အံမှုပြုလုပ်ပုံကိုပြပါ။ အဲဒီအခန်းထဲက နောက်မေးခွန်းကို သုံးသပ်နိုင်အောင် ပြန်လည်ပတ်ဖို့ စီစဉ်ပါ။